Telangana: తెలంగాణ‌లోని ఆ ప్రాంతంలో 15 రోజుల పాటు స్వచ్చందంగా లాక్‌డౌన్‌.. తీర్మానాన్ని అతిక్ర‌మిస్తే 5వేలు జ‌రిమానా

జనగాం జిల్లా పాలకుర్తి మండల వ్యాప్తంగా రోజు రోజుకు రెండో దశ కరోనా వైరస్ విజృంభిస్తోంది. పట్ణణంలోనే కాకుండా చుట్టుపక్కల గ్రామాల్లో సైతం కరోనా పాజిటివ్‌ కేసులు నమోదవుతున్నాయి. ఇప్పటికే పాలకుర్తి సోమేశ్వరాలయంలోకి భక్తులను అనుమతించడం లేదు. కరోనా కట్టడికి తాజాగా మరిన్ని కఠిన చర్యలు చేపట్టారు. మండల కేంద్రంలో మే 20 వ తేదీ వరకు 15 రోజుల పాటు స్వచ్చందంగా లాక్‌డౌన్‌ విధించుకున్నారు. ఈ మేరకు గ్రామ పంచాయతీలో తీర్మానం చేశారు. మండల కేంద్రంలోని జిల్లా పరిషత్ సెకండరీ పాఠశాల ఆవరణలో పంచాయతీ పాలకవర్గం సమావేశమైంది. కరోనా కట్టడికి తీసుకోవాల్సిన చర్యలపై పాలకవర్గం సభ్యులు చర్చించారు. మండల వ్యాప్తంగా పాజిటివ్ కేసులు పెరిగిపోతున్నాయి. కరోనా బారినపడి చాలా మంది చనిపోతున్నారు. అయినా ప్రజల్లో మాత్రం ఎలాంటి చైతన్యం రావడం లేదని సమావేశంలో గ్రామ పర్పంచ్‌ ఆవేదన వ్యక్తం చేశారు. ఈ క్రమంలోనే తప్పని పరిస్థితుల్లో సెల్ఫ్ లాక్ డౌన్ విధిస్తూ గ్రామ పంచాయతీ తీర్మానం చేసిందన్నారు.

ఉదయం 6 గంటల నుండి 10 గంటల వరకే షాపులు తెరిచి ఉంటాయని అత్యవసర సేవల కోసం మాత్రమే మినహాయింపు ఇచ్చమన్నారు. పంచాయతీ తీర్మానాన్ని అతిక్రమించినా, మాస్కులు లేకుండా తిరిగినా 5 వేల రూపాయల జరిమానా విధిస్తామన్నారు. చట్టపరంగా కేసులు నమోదు చేసి, వాహనాలను సీజ్ చేస్తామని ఎస్.ఐ సతీష్ స్పష్టం చేశారు. ప్రజా ప్రతినిధులు, వివిధ శాఖల అధికారులు, ప్రజా సంఘాల నాయకులు, వ్యాపారవేత్తలు, గ్రామస్థులు స్వచ్ఛంద లాక్ డౌన్ కు మద్దతు తెలిపారు.

Also Read: ఏపీ విద్యార్థుల‌కు జ‌గన్ స‌ర్కార్ గుడ్ న్యూస్.. రాష్ట్రంలోని ప్రభుత్వ పాఠశాలల్లో సీబీఎస్​ఈ సిలబస్​

 ఏపీలో బ్యాంకర్ల సంచలన నిర్ణయం..ఈ రోజు నుంచి బ్యాంకుల సమయాల్లో మార్పులు..!