Telangana: వాహనదారులకు బిగ్ అలర్ట్.. హై సెక్యూరిటీ నెంబర్ ప్లేట్ల గడువుపై ఆర్టీఏ క్లారిటీ
పాత వాహనాలకు హై సెక్యూరిటీ రిజిస్ట్రేషన్ ప్లేట్లు వేయించుకోవాలని ఇటీవల తెలంగాణ ఆర్టీఏ అధికారులు ప్రకటించిన విషయం అందరికీ తెలిసిందే.. అయితే వీటిని మార్చుకునేందుకు సెప్టెంబర్ 30వ తేదీనే చివరి తేదీ అంటూ జరుగుతున్న ప్రచారంపై తాజాగా అధికారులు స్పందించారు. ఆ ప్రచారంలో వాస్తవం లేదని స్పష్టం చేశారు.
Updated on: Sep 28, 2025 | 3:07 PM
తెలంగాణలోని వాహనదారులకు ఆర్టీఏ అధికారులు ఊరటనిచ్చే వార్త చెప్పారు. పాత వాహనాలకు హై సెక్యూరిటీ రిజిస్ట్రేషన్ ప్లేట్లు (HSRP) కచ్చితంగా మార్చుకోవాలని.. అది కూడా నిర్దేశిత గడువులోగా( సెప్టెంబర్ 30) మార్చుకోవాలని లేదంటే.. ఆర్టీఏ అధికారులు, ట్రాఫిక్ పోలీసులు కఠిన చర్యలు తీసుకుంటారని గతకొన్ని రోజులుగా ప్రచారం జరుగుతోంది. ఇది కాస్తా రాష్ట్ర ఆర్టీఏ అధికారుల దృష్టికి చేరడంతో ఈ ప్రచారంపై తాజాగా అధికారులు స్పందించారు. ఈ ప్రచారంలో వాత్సవం లేదని దాన్ని ఖండించారు. పాత వాహనాలకు కొత్త హై సెక్యూరిటీ నెంబర్ ప్లేట్లు బిగించేందుకు తాము ఎలాంటి గడువు విధించలేదని తెలిపారు.
పాత వాహనాలకు హైసెక్యూరిటీ నెంబర్ ప్లేట్స్ బిగించాలనే అంశం ఇంకా ప్రభుత్వ పరిశీలనో ఉందని.. దీని ప్రభుత్వం నుంచి తమకు ఎలాంటి అధికారిక ఆదేశాలు రాలేదని స్ఫష్టం చేశారు.ఈ విషయంపై ప్రభుత్వం చర్చించి.. తుది నిర్ణయం తీసుకున్న తర్వాతే తదుపరి చర్యలు ఉంటాయని తెలిపారు. నంబర్ ప్లేట్ల మార్చుకోకపోతే జరిమానలు విధిస్తారనే ప్రచారాన్ని నమ్మవద్దని స్పష్టం చేశారు.
మరిన్ని తెలంగాలణ వార్తల కోసం ఇక్కడ క్లిక్ చేయండి.
