AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Mahbubnagar Election Result 2023: మ‌హ‌బూబ్‌‌న‌గ‌ర్‌‌లో కాంగ్రెస్ జెండా ఎగరేసిన యెన్నం శ్రీనివాసరెడ్డి.. శ్రీనివాస్ గౌడ్ ఓటమి..

Mahbubnagar Assembly Election Result 2023 Live Counting Updates: మ‌హ‌బూబ్‌ న‌గ‌ర్‌ అసెంబ్లీ నియోజకవర్గంలో తెలంగాణ ఏర్పడిన నాటినుంచి ఈ స్థానంలో గులాబీ పార్టీ జెండా ఎగరవేస్తోంది. 2014, 2018లో ఇక్కడి నుంచి బీఆర్ఎస్ అభ్యర్థి, మంత్రి శ్రీనివాస్ గౌడ్ విజయం సాధించారు. ఇక్కడి నుంచి హ్యాట్రిక్ విజయం సాధించాలని ఉవ్విళ్లూరుతున్నారు. త్రిముఖ పోరులో ఎవరు గెలుస్తారన్నది ఆసక్తికరంగా మారింది.

Mahbubnagar Election Result 2023: మ‌హ‌బూబ్‌‌న‌గ‌ర్‌‌లో కాంగ్రెస్ జెండా ఎగరేసిన యెన్నం శ్రీనివాసరెడ్డి.. శ్రీనివాస్ గౌడ్ ఓటమి..
Palamuru
Shaik Madar Saheb
|

Updated on: Dec 03, 2023 | 3:32 PM

Share

మహబూబ్ నగర్ నియోజకవర్గంలో (Mahbubnagar Assembly Election) తెలంగాణ ఏర్పడిన నాటినుంచి ఈ స్థానంలో గులాబీ పార్టీ జెండా ఎగరవేస్తోంది. 2014, 2018లో ఇక్కడి నుంచి బీఆర్ఎస్‌కు చెందిన మంత్రి వి. శ్రీనివాస్ గౌడ్ విజయం సాధించారు. కాగా.. 2023 ఎన్నికల్లో కాంగ్రెస్ జెండా ఎగిరింది. మహబూబ్ నగర్‌లో మంత్రి శ్రీనివాస్ గౌడ్ ఓటమిపాలయ్యారు. బీఆర్ఎస్ అభ్యర్థి, మంత్రి శ్రీనివాస్ గౌడ్ పై కాంగ్రెస్ అభ్యర్థి యెన్నం శ్రీనివాసరెడ్డి భారీ మెజార్టీతో గెలుపొందారు.

ఈ ఎన్నికల్లో హ్యాట్రిక్ విజయం సాధించాలని శ్రీనివాస్ గౌడ్ ఉవ్విళ్లూరురారు. అయితే, కాంగ్రెస్ పార్టీ నుంచి మాజీ ఎమ్మెల్యే యెన్నెం శ్రీనివాస్ రెడ్డి ఆయనకు గట్టి పోటీ ఇచ్చి పై చేయి సాధించారు. బీజేపీ నుంచి మిథున్ రెడ్డి బరిలో నిలిచారు. నియోజకవర్గంలో మూడు ప్రధాన పార్టీలు బీఆర్ఎస్, బీజేపీ, కాంగ్రెస్ మధ్య త్రిముఖ పోరు నెలకొనగా చివరకు యెన్నం గెలుపొందారు.

మహబూబ్ నగర్ నియోజకవర్గంలో 2,52,355 మంది ఓటర్లు ఉన్నారు.  2023 ఎన్నికల్లో ఈ నియోజకవర్గంలో 70.56 శాతం పోలింగ్ నమోదయ్యింది.

తెలంగాణ ఎన్నికల ఫలితాలు 2023 లైవ్

1952 నుంచి జరిగిన ఎన్నికల్లో కాంగ్రెస్ ఐదు సార్లు, బీఆర్ఎస్ 2సార్లు, టీడీపీ రెండు సార్లు, ఇండిపెండెంట్లు 3సార్లు, ప్రజాపార్టీ ఒకసారి, బీజేపీ ఒకసారి గెలుపొందాయి. తెలంగాణ ఏర్పాటు తర్వాత ఈ ప్రాంతంలో బీఆర్ఎస్ సత్తాచాటుతూ వచ్చింది.. బీఆర్ఎస్ కు ధీటుగా కాంగ్రెస్, బీజేపీ కూడా వ్యూహాలు రచిస్తున్నాయి.

గతంలో పోలైన ఓట్లను పరిశీలిస్తే..

  • 2014లో టీఆర్ఎస్ అభ్యర్థి వి.శ్రీనివాస్ గౌడ్ 45,447 (30.67) ఓట్లు పోలవ్వగా.. బీజేపీ అభ్యర్థి యెన్నం శ్రీనివాస్ రెడ్డికి 42,308 (28.55) పోలయ్యాయి.
  • 2018లో టీఆర్ఎస్ అభ్యర్థి వి.శ్రీనివాస్ గౌడ్‌కు 86,474 (54.16) ఓట్లు పోల్ కాగా.. టీడీపీ నుంచి పోటీ చేసిన ఎం. చంద్ర శేఖర్ కు 28,699 (17.97) ఓట్లు పోలై రెండోస్థానంలో నిలిచారు.

తెలంగాణ అసెంబ్లీ ఎన్నికల ఫలితాల లైవ్ కవరేజ్

తెలంగాణ పోలింగ్ ఫలితాల లైవ్ కౌంటింగ్ అప్‌డేట్స్

తెలంగాణ అసెంబ్లీ ఎన్నికల పార్టీల ఫలితాలు లైవ్