SCR: రైల్వే ప్రయాణీకులకు అలర్ట్.. ఆ నగరాల మధ్య నడిచే పలు రైళ్లు రద్దు

రైల్వే ప్రయాణీకులకు దక్షిణ మధ్య రైల్వే(SCR) కీలక సూచనలు చేసింది. కొన్ని రైళ్లను పూర్తిగా, కొన్నింటిని పాక్షికంగా రద్దు చేస్తున్నట్లు వెల్లడించింది. మరి కొన్నింటిని దారి మళ్లిస్తున్నట్లు తెలిపింది. కాజీపేట-బల్లార్ష సెక్షన్‌లో నాన్‌ ఇంటర్‌ లాకింగ్‌ పనుల...

SCR: రైల్వే ప్రయాణీకులకు అలర్ట్.. ఆ నగరాల మధ్య నడిచే పలు రైళ్లు రద్దు
Secunderabad Railway
Ganesh Mudavath

|

Jun 26, 2022 | 9:19 AM

రైల్వే ప్రయాణీకులకు దక్షిణ మధ్య రైల్వే(SCR) కీలక సూచనలు చేసింది. కొన్ని రైళ్లను పూర్తిగా, కొన్నింటిని పాక్షికంగా రద్దు చేస్తున్నట్లు వెల్లడించింది. మరి కొన్నింటిని దారి మళ్లిస్తున్నట్లు తెలిపింది. కాజీపేట-బల్లార్ష సెక్షన్‌లో నాన్‌ ఇంటర్‌ లాకింగ్‌ పనుల కారణంగా ఈ నిర్ణయం తీసుకున్నట్లు పేర్కొంది. ప్రయాణీకులు ఈ మార్పులను గమనించాలని కోరారు. సిర్పూర్ కాగజ్ నగర్ – సికింద్రాబాద్, సికింద్రాబాద్ – సిర్పూర్ కాగజ్ నగర్, కాజీపేట – సిర్పూర్ టౌన్, బల్లార్ష – సిర్పూర్ టౌన్, హైదరాబాద్ – సిర్పూర్ కాగజ్ నగర్, భద్రాచలం రోడ్ – బల్లార్ష, వరంగల్ – బల్లార్ష, సిర్పూర్ టౌన్ – భద్రాచలం రోడ్, తిరుపతి – జమ్ముతావి, దానాపూర్ – సికింద్రాబాద్, పెద్దపల్లి – నిజామాబాద్ – సికింద్రాబాద్ రైళ్లల్లో ఈ మార్పులు చోటు చేసుకున్నాయి. 12757 నంబర్ గల సికింద్రాబాద్‌-సిర్పూర్‌ కాగజ్‌నగర్‌, 12758 సిర్పూర్‌ కాగజ్‌నగర్‌-సికింద్రాబాద్‌, 17003 కాజీపేట-సిర్పూర్‌టౌన్‌, 17004 బల్లార్ష-సిర్పూర్‌టౌన్‌ రైళ్లను జూన్‌ 27 నుంచి జులై 20 వరకు రద్దు చేశారు. 17001 హైదరాబాద్‌-సిర్పూర్‌ కాగజ్‌నగర్‌, 17002 సిర్పూర్‌ కాగజ్‌నగర్‌-హైదరాబాద్‌ రైళ్లనూ రద్దు చేస్తున్నట్లు తెలిపింది.

17003 భద్రాచలం రోడ్‌-బల్లార్ష రైలు జూన్ 27 నుంచి జూలై 20 వరకు వరంగల్‌-బల్లార్ష మధ్య రద్దయ్యింది. 17034 సిర్పూర్‌ టౌన్‌-భద్రాచలం రోడ్‌ జూన్‌ 27 నుంచి జులై 20 వరకు సిర్పూర్‌ టౌన్‌-వరంగల్‌ మధ్య, సిర్పూర్‌ కాగజ్‌నగర్‌-సికింద్రాబాద్‌ రైలు జూన్‌ 27 నుంచి జులై 20 వరకు సిర్పూర్‌ కాగజ్‌నగర్‌-కాజీపేట మధ్య రద్దయ్యాయి.

22705 తిరుపతి-జమ్ముతావి రైలు జులై 5, 12, 19 తేదీల్లో సికింద్రాబాద్‌, నిజామాబాద్‌, ముద్కేడ్‌, పింపల్‌కుట్టి మీదుగా దారి మళ్లించారు. సికింద్రాబాద్‌-దానాపూర్‌, దానాపూర్‌-సికింద్రాబాద్‌ రైళ్లను జూన్‌ 26 నుంచి జులై 19 వరకు పెద్దపల్లి-నిజామాబాద్‌-సికింద్రాబాద్‌ మీదుగా దారి మళ్లించి నడిపిస్తారు. ప్రయాణీకులు ఈ మార్పులను గమనించాలని అధికారులు కోరారు.

ఇవి కూడా చదవండి

మరిన్ని తెలంగాణ వార్తల కోసం క్లిక్ చేయండి..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu