Telangana: భాగ్యనగర వాసులకు గుడ్ న్యూస్.. ఎంఎంటీఎస్ ఫేజ్ – 2 కు వేగంగా అడుగులు..
హైదరాబాద్ మహా నగరంలో రోజు రోజుకు పెరిగిపోతున్న జనాభాకు తగ్గట్టుగా ప్రజా రవాణాను అందించాల్సిన అవసరం ఏర్పడింది. ఇప్పటికే సిటీ బస్సులు, మెట్రోలు, లోకల్ రైళ్లు సేవలు అందిస్తుండగా.. ఎంఎంటీఎస్ అయిన..
Updated on: Nov 27, 2022 | 6:39 AM
హైదరాబాద్ మహా నగరంలో రోజు రోజుకు పెరిగిపోతున్న జనాభాకు తగ్గట్టుగా ప్రజా రవాణాను అందించాల్సిన అవసరం ఏర్పడింది. ఇప్పటికే సిటీ బస్సులు, మెట్రోలు, లోకల్ రైళ్లు సేవలు అందిస్తుండగా.. ఎంఎంటీఎస్ అయిన లోకల్ రైళ్లకు ప్రజల నుంచి మంచి రెస్పాన్స్ వస్తోంది. ఈ క్రమంలో ఎంఎంటీఎస్ రెండో దశ పనులు చేపట్టేందుకు తెలంగాణ సర్కార్ ముందడుగులు వేస్తోంది. ఫేజ్-2 పనులు ప్రారంభించాలని తెలంగాణ ముఖ్యమంత్రి కేసీఆర్‌ ఆదేశించారు. ఈ క్రమంలో రూ.200 కోట్లు నిధులను త్వరలోనే విడుదల చేయనున్నట్లు మంత్రి కేటీఆర్‌ చెప్పారు. ఎంఎంటీఎస్ రైలు సర్వీసులు కేంద్ర, రాష్ట్ర ప్రభుత్వ ఉమ్మడి ప్రాజెక్టు. దీనికి రాష్ట్రంతో పాటు కేంద్రం కూడా నిధులు ఇవ్వాల్సి ఉంటుంది. ఈ క్రమంలో రెండో దశ ప్రాజెక్టు కోసం కేంద్రం రూ.816 కోట్లు కేటాయించింది. మరోవైపు.. రాష్ట్ర ప్రభుత్వం ఇప్పటికే రూ.179 కోట్లు విడుదల చేయగా, ఇప్పుడు రూ.200 కోట్లు విడుదల చేసేందుకు ఆదేశించింది. మౌలాలి – ఘట్‌కేసర్‌ మధ్య ఉన్న 12.20 కిలోమీటర్ల దూరంలో విద్యుదీకరణ పనులు పూర్తయ్యాయి. ఫలక్‌నుమా – ఉందానగర్‌ సెక్షన్ లోని 13.5 + 6.5 కిలోమీటర్లు (రాజీవ్‌గాంధీ ఇంటర్నేషనల్‌ ఎయిర్‌పోర్టు) డబ్లింగ్‌, ఎలక్ట్రిఫికేషన్‌ పనులు కంప్లీట్ అయ్యాయి.
సికింద్రాబాద్‌-బొల్లారం మధ్య 14 కిలోమీటర్లకు సంబంధించి డబ్లింగ్‌తో పాటు విద్యుదీకరణ పనులు కొంత పూర్తి చేశారు. బొల్లారం – మేడ్చల్‌ స్టేషన్ల మధ్య 14 కిలోమీటర్ల వరకు డబ్లింగ్‌తో పాటు విద్యుదీకరణ పనులు పూర్తయ్యాయి. సనత్‌నగర్‌ – మౌలాలి స్టేషన్ల మధ్య 22.10 కిలోమీటర్ల మేరకు డబ్లింగ్‌తో పాటు విద్యుదీకరణ పనులు పూర్తి కావాల్సి ఉంది. మౌలాలి – మల్కాజిగిరి – సీతాఫల్‌ మండి స్టేషన్ల మధ్య 10 కిలోమీటర్ల దూరంలో డబ్లింగ్‌తో పాటు విద్యుదీకరణ పనులు పూర్తి కావాల్సి ఉంది.
తెల్లాపూర్‌ -రామచంద్రాపురం స్టేషన్ల మధ్య 5.75 కిలోమీటర్లు మార్గం డబ్లింగ్‌, విద్యుదీకరణ పనులు వివిధ దశల్లో ఉన్నాయి. ఎంఎంటీఎస్ లోకల్ రైలు రెండో దశ లో భాగంగా కొత్త రైల్వే స్టేషన్ల నిర్మాణ పనులు కొనసాగుతున్నాయి. మౌలాలి – సనత్‌నగర్‌ మార్గంలో ఫిరోజ్‌గూడ, సుచిత్ర సెంటర్‌, భువ్‌దేవ్‌ నగర్‌, నేరేడ్‌మెంట్‌తో పాటు మౌలాలి హెచ్‌డీ కాలనీ స్టేషన్ల నిర్మాణ పనులు కొనసాగుతున్నాయి.
మరిన్ని తెలంగాణ వార్తల కోసం క్లిక్ చేయండి..
