Hyderabad: నగరంలో పెరుగుతున్న కో లివింగ్ కల్చర్.. తస్మాత్ జాగ్రత్త.. ఈ పరిస్థితులు ఎదురవ్వొచ్చు..
కో లివింగ్ ఈ పదం చాలా అరుదుగా వింటుంటాము. కానీ ఇప్పుడు ఈ కో లివింగ్ కల్చర్ హైదరాబాద్ నగరంలో శరామామూలుగా మారింది. పెళ్లి కాకుండానే రిలేషన్ షిప్లో అమ్మాయిలు, అబ్బాయిలు కలిసి ఓకే హాస్టల్ లేదా ప్లాట్ తీసుకొని ఉండటాన్ని కో లివింగ్ అంటారు. మన సంస్కృతి, సాంప్రదాయాలకు కాస్త భిన్నంగా అనిపించినా ప్రస్తుతం ఈ కో లివింగ్ కల్చర్ ట్రెండ్గా మారింది. అసలు ఈ కో లివింగ్ హాస్టల్స్కు ఎలాంటి అనుమతులు ఉంటాయి? వాటి పర్యవేక్షణ ఎవ్వరిది.? అనే అంశాలను ఇప్పుడు తెలుసుకుందాం.
Updated on: May 20, 2024 | 1:02 PM
కో లివింగ్ ఈ పదం చాలా అరుదుగా వింటుంటాము. కానీ ఇప్పుడు ఈ కో లివింగ్ కల్చర్ హైదరాబాద్ నగరంలో శరామామూలుగా మారింది. పెళ్లి కాకుండానే రిలేషన్ షిప్లో అమ్మాయిలు, అబ్బాయిలు కలిసి ఓకే హాస్టల్ లేదా ప్లాట్ తీసుకొని ఉండటాన్ని కో లివింగ్ అంటారు. మన సంస్కృతి, సాంప్రదాయాలకు కాస్త భిన్నంగా అనిపించినా ప్రస్తుతం ఈ కో లివింగ్ కల్చర్ ట్రెండ్గా మారింది. అసలు ఈ కో లివింగ్ హాస్టల్స్కు ఎలాంటి అనుమతులు ఉంటాయి? వాటి పర్యవేక్షణ ఎవ్వరిది.? అనే అంశాలను ఇప్పుడు తెలుసుకుందాం. హైదరాబాద్ నగరంలో కో లివింగ్ హాస్టళ్లు రోజురోజుకు పెరుగుతున్నాయి. అమీర్పేట్, ఎస్ఆర్ నగర్, మాదాపూర్, గచ్చిబౌళి, కేపీహెచ్బీ, రాయదుర్గం వంటి ఏరియాలో ఈ కో లివింగ్ కల్చర్ కాస్త ఎక్కువగా కనబడుతుంది. ముంబాయి, ఢిల్లీ, కోల్కత్తా, బెంగళూరు వంటి రాష్ట్రాల్లో ఈ తరహా లివింగ్ స్టైల్ ఉండేది. క్రమేపీ అది తెలుగు రాష్ట్రాలకు సైతం పాకింది. సుప్రీం కోర్టు గైడ్ లైన్స్ ప్రకారం ఇద్దరు మేజర్లు కలిసి ఉండడంలో లీగల్గా ఎలాంటి తప్పులేదని చెబుతున్నా.. ఈ కో లివింగ్ రిలేషన్స్ ద్వారా కొన్ని అబ్యూజ్, క్రైమ్స్కు దారి తీసే అవకాశాలు కూడా లేకపోలేదు.
కో లివింగ్ అంటూ యువత పెడుదోవ పడుతున్నారని అంటున్నారు సామాజిక వేత్తలు. ఇతర రాష్ట్రాల్లో ఉన్న కల్చర్ను హైదరాబాద్కు సైతం తీసుకువచ్చారని.. అమ్మాయిలు, అబ్బాయిలు ఓకే రూమ్లో ఉన్నంత సేపు ఎలాంటి సమస్యలు ఉండవు కానీ.. వారి మధ్య మనస్పర్ధలు వచ్చిన్పపుడు ఇద్దరి కలిసి ఉన్న ఫోటోలు, వీడియోలతో బెదిరింపులకు దిగడం వంటి ఘటనలు సైతం తెరపైకి వస్తున్నాయని అంటున్నారు. తల్లిదండ్రులకు తెలియకుండా యువత ఇలాంటి కో లివింగ్ రిలేషన్స్లో ఉంటున్నారని అది మంచిది కాదని అంటున్నారు సామాజికవేత్తలు. కో లివింగ్ హాస్టలు హైదరాబాద్ నగరంలో పుట్టగొడుగుల్లా వెలుస్తున్నాయని, సాధారణమైన హాస్టల్స్కు ఎలాంటి అనుమతులు, నిబంధనలు ఉంటాయో వీటికి కూడా అవే వర్తిస్తాయని అంటున్నారు న్యాయ నిపుణులు. పిల్లల కదలికలపై పేరెంట్స్ కూడా ఓ కన్నేయాలని సజెస్ట్ చేస్తున్నారు. కో లివింగ్ కల్చర్ ప్రస్తుతం నగరంలో చర్చనీయాంశంగా మారింది. కో లివింగ్ కల్చర్ను కొందరు సమర్ధిస్తే మరికొందరు మత్రం తస్మాత్ జాగ్రత్త అంటూ హెచ్చరిస్తున్నారు.
మరిన్ని తెలంగాణ వార్తల కోసం ఇక్కడ క్లిక్ చేయండి..
