Hyderabad: పుష్ప స్టైల్లో గంజాయి స్మగ్లింగ్.. ఊహించని ట్విస్ట్ ఇచ్చిన గ్రేటర్ పోలీసులు!
సినీ ఫక్కీలో గుట్టు చప్పుడుకాకుండా గంజాయి తరలిస్తోన్న ముఠాను హైదరాబాద్ పోలీసులు చాకచక్యంగా పట్టుకున్నారు. దాదాపు 30 లక్షల విలువైన 80 కేజీల గంజాయిని హైదరాబాదులో విక్రయించేందుకు తరలిస్తుండగా..
Updated on: Apr 11, 2023 | 4:27 PM
సినీ ఫక్కీలో గుట్టు చప్పుడుకాకుండా గంజాయి తరలిస్తోన్న ముఠాను హైదరాబాద్ పోలీసులు చాకచక్యంగా పట్టుకున్నారు. దాదాపు 30 లక్షల విలువైన 80 కేజీల గంజాయిని హైదరాబాదులో విక్రయించేందుకు తరలిస్తుండగా హైదరాబాద్ నార్కోటిక్ ఎన్ఫోర్స్మెంట్ వింగ్ గుట్టురట్టు చేసింది. ఈ క్రమంలో విశాఖపట్నం, సీలేరు ప్రాంతాల్లో గంజాయి పండిస్తున్న నలుగురు వ్యక్తులను పోలీసులు అరెస్టు చేశారు. గంజాయి పండించే నలుగురు వ్యక్తులతోపాటు ఇద్దరు గంజాయి పెడ్లర్లను, మరోవ్యక్తిని పోలీసులు అరెస్టు చేశారు. గంజాయి తరలిస్తున్న వాహనాన్ని కూడా సీజ్ చేశారు.
అచ్చం పుష్ప సినిమా మాదిరి గంజాయి రవాణా కోసం వాహనానికి సీక్రెట్ ఛాంబర్ ఏర్పాటు చేశారు. అందుకోసం అశోక్ లే ల్యాండ్ ఆటో ట్రాలీ అడుగు భాగంలో 80 కిలోల గంజాయి తరలిస్తున్న క్రమంలో పట్టుబడ్డారు. ఒరిస్సా స్టేట్ పలసపందు మార్గం మీదుగా వరంగల్, మహబూబాబాద్కు గంజాయి తరలించి అక్కడి నుంచి హైదరాబాద్ దూల్పెట్కు రవాణా చేయాలనేది స్మగ్లర్ల ప్లాన్. ఈ వ్యవహారంలో మొత్తం ఏడుగురిని పోలీసులు అదుపులోకి తీసుకున్నారు. దీనికి సంబంధించిన పూర్తి వివరాలను సౌత్ జోన్ డీసీపీ గుమ్మి చక్రవర్తి మీడియాకు వెల్లడించనున్నారు.
మరిన్ని తెలంగాణ వార్తల కోసం క్లిక్ చేయండి.
