Hyderabad: రెచ్చిపోయిన హ్యాకర్లు.. ఆసిఫ్ నగర్ పోలీస్ స్టేషన్ ఫేస్బుక్ పేజీలో బూతు వీడియోలు.
హ్యాకర్లు రోజురోజుకీ రెచ్చిపోతున్నారు. సమాజంలో గౌరవం ఉన్న వ్యక్తుల, సంస్థల సోషల్ మీడియా పేజీలను హ్యాక్ చేస్తూ నానా హంగామా చేస్తున్నారు. హైదరాబాద్లో తాజాగా హ్యాకింగ్ వ్యవహారం ఒకటి వెలుగులోకి వచ్చింది. ఈసారి హ్యాకర్లు ఏకంగా పోలీస్ డిపార్ట్మెంట్ను టార్గెట్ చేశారు...
Updated on: Jun 08, 2023 | 7:43 AM
హ్యాకర్లు రోజురోజుకీ రెచ్చిపోతున్నారు. సమాజంలో గౌరవం ఉన్న వ్యక్తుల, సంస్థల సోషల్ మీడియా పేజీలను హ్యాక్ చేస్తూ నానా హంగామా చేస్తున్నారు. హైదరాబాద్లో తాజాగా హ్యాకింగ్ వ్యవహారం ఒకటి వెలుగులోకి వచ్చింది. ఈసారి హ్యాకర్లు ఏకంగా పోలీస్ డిపార్ట్మెంట్ను టార్గెట్ చేశారు. పోలీస్ డిపార్ట్మెంట్ ఫేస్ బుక్ పేజీని హ్యాక్ చేశారు. ఆసిఫ్ నగర్ పోలీస్ స్టేషన్ ఫేస్బుక్ పేజీని హ్యాకింగ్ చేసిన ఘటన తీవ్ర చర్చనీయాంశంగా మారింది.
పోలీస్ స్టేషన్ అధికారిక పేజీలో బూతు వీడియోలను అప్లోడ్ చేశారు సైబర్ నేరగాళ్లు. విదేశాలకు చెందిన కొందరు మహిళలకు సంబంధించిన బూతూ వీడియోలను ఈ పేజీలో అప్లోడ్ చేశారు. దీంతో వెంటనే అప్రమత్తమైన డిపార్ట్మెంట్ అధికారులు సీసీఎస్లో ఫిర్యాదు చేశారు. అయితే ఇప్పటికే పేజీలో వీడియోలు డిలీట్ కాకపోవడం గమనార్హం. ఇంతకీ ఈ వీడియోలను ఎవరు అప్లోడ్ చేశారు.? హ్యాకింగ్ చేయాల్సిన అవసరం ఎవరికి ఉందన్న కోణంలో విచారణ జరుగుతోంది. గురువారం అర్థ రాత్రి తర్వాత ఫేస్బుక్ పేజీ హ్యాక్కి గురైనట్లు అధికారులు గుర్తించారు.
ఇదిలా ఉంటే ఆసిఫ్ నగర్ పోలీస్ స్టేషన్ ఫేస్బుక్ పేజీ ఇటీవల యాక్టివ్గా ఉండడం లేదు. ఈ పేజీ నుంచి చివరి పోస్ట్ డిసెంబర్లో ఉంది. మొత్తం నాలుగు వీడియోలను హ్యాకర్లు పోస్ట్ చేశారు. అన్ని వీడియోలు ఒకేసారి అప్లోడ్ చేసినట్లు కనిపిస్తోంది.
మరిన్ని హైదరాబాద్ వార్తల కోసం క్లిక్ చేయండి..
