Hyderabad: అర్థరాత్రి పక్కింట్లోంచి వింత శబ్ధాలు.. చాటుగా చూసిన స్థానికులు షాక్.. నెక్ట్స్ సీన్ అదుర్స్..
రాజేంద్ర నగర్ పోలీస్ స్టేషన్ పరిధిలోని బుద్వేల్ గ్రామంలో గుప్త నిధుల కోసం తవ్వకాలు కలకలం రేపాయి. పాత మున్సిపల్ ఆఫీస్ సమీపంలో, గవర్నమెంట్ స్కూల్ పక్కన గుప్త నిధుల తవ్వకాలు జరిపిన 9 మందిని పోలీసులు అదుపులోకి తీసుకున్నారు. ఈ ఘటనకు సంబంధించిన వివరాలు ఇలా ఉన్నాయి. వినోద్ అనే యువకుడికి సంబంధించిన
Updated on: Mar 28, 2023 | 6:40 AM
రాజేంద్ర నగర్ పోలీస్ స్టేషన్ పరిధిలోని బుద్వేల్ గ్రామంలో గుప్త నిధుల కోసం తవ్వకాలు కలకలం రేపాయి. పాత మున్సిపల్ ఆఫీస్ సమీపంలో, గవర్నమెంట్ స్కూల్ పక్కన గుప్త నిధుల తవ్వకాలు జరిపిన 9 మందిని పోలీసులు అదుపులోకి తీసుకున్నారు. ఈ ఘటనకు సంబంధించిన వివరాలు ఇలా ఉన్నాయి. వినోద్ అనే యువకుడికి సంబంధించిన ఇంద్ర నిలయంలో, బంధువుల ఇంట్లో తవ్వకాలు జరుపుతుండగా శబ్దాలు వచ్చాయి. అనుమానం వచ్చిన స్థానికులు.. పోలీసులకు సమాచారం అందజేశారు. దాంతో రంగంలోకి దిగిన పోలీసులు.. ఘటనా స్థలికి చేరుకున్నారు. గుప్త నిధుల కోసం తవ్వకాలు జరుపుతున్న 9 మందిని అదుపులోకి తీసుకున్నారు.
బుద్వేల్ ప్రాంతంలో రాజుల కాలంలో నిర్మించిన బుర్జులు ఉన్నాయి. దాంతో ఒక బుర్జు గోడకు అనుకొని ఉన్న ఇంట్లో గుప్త నిధుల తవ్వకాలు జరిపారు నిందితులు. మొత్తం తొమ్మిది మందిని అదుపులోకి తీసుకున్న పోలీసులు వారి వద్ద నుండి 16 సెల్ ఫోన్లు,3 కార్లు స్వాధీనం చేసుకున్నారు. వారిపై కేసు నమోదు చేసిన పోలీసులు దర్యాప్తు చేస్తున్నారు.
మరిన్ని తెలంగాణ వార్తల కోసం ఈ లింక్ క్లిక్ చేయండి..
