Telangana: వామ్మో.. ఏం స్కెచ్‌ వేశాడు..! రూ.21 కోట్ల రూపాయల నేరానికి పాల్పడ్డ కూరగాయల వ్యాపారి.. ఖాకీలే కంగుతినేలా..
Hyderabad: రిషబ్ ను అదుపులోకి తీసుకున్న పోలీసులు అతడు చేసిన నేరాల గురించి తెలుసుకొని షాక్ అవుతున్నారు.. ఒక కూరగాయల వ్యాపారిగా ఉన్న రిషబ్ కోట్ల రూపాయల స్కాంకి పాల్పడటం వెనుక ఉన్న సూత్రధారులను గుర్తించే పనిలో పడ్డారు పోలీసులు. ఇతర దేశాలలో ఉన్న సైబర్ క్రిమినల్స్ రిషబ్ ను అడ్డం పెట్టుకొని బ్యాంక్ అకౌంట్ ల ద్వారా డబ్బును దేశాలు దాటిస్తున్నట్టుగా దర్యాప్తు సంస్థలు గుర్తించాయి. ఇతర దేశాల్లో ఉన్న నిర్వాహకులు తమ వ్యాపారాన్ని భారత్ లో
Ashok Bheemanapalli | Edited By: Jyothi Gadda
Updated on: Nov 03, 2023 | 8:15 PM
కూరగాయలు అమ్ముకునే వ్యాపారిపై దేశవ్యాప్తంగా 37 కేసులు నమోదయ్యాయి.. 10 రాష్ట్రాల్లో ఈ కూరగాయల వ్యాపారిపై 21 కోట్ల రూపాయలకు సంబంధించిన కేసులు నమోదయ్యాయి.. అక్టోబర్ 28న పోలీసులు అదుపులోకి తీసుకున్నారు. పోలీసులు తెలిపిన వివరాల ప్రకారం ఫరీదాబాద్ లో కూరగాయల వ్యాపారం చేసుకుంటున్న రిషబ్… కోవిడ్ కారణం తన వ్యాపారం పూర్తిగా దెబ్బతిన్నది.. నష్టాలనుండి కోలుకోవాలని భావించిన రిషబ్ సైబర్ క్రైమ్ ను ఆసరాగా చేసుకొని సంపాదించడం మొదలుపెట్టాడు. ఆరు నెలల వ్యవధిలోని 21 కోట్ల రూపాయలు సంపాదించాడు. ఎట్టకేలకు పది రాష్ట్రాల పోలీసులు అతని వెంట పడటంతో ఖాకీలకు అడ్డంగా దొరికిపోయాడు.
తన కుటుంబాన్ని ఆదుకునేందుకు రకరకాల ప్రయత్నాలు చేసినప్పటికీ ఎందులోనూ స్థిరంగా ఉండలేకపోయాడు. దీంతో వర్క్ ఫ్రమ్ హోమ్ ద్వారా ఆన్లైన్ స్కామ్ ల గురించి తెలుసుకున్నాడు. అతనికి తెలిసిన పాత మిత్రుడి ద్వారా ఆన్లైన్ నేరాలను ఎలా చేయాలో తెలుసుకున్నాడు. తన స్నేహితుడి నుండి కొన్ని ఫోన్ నెంబర్లను సేకరించి కాల్స్ చేయడం ప్రారంభించాడు. చిన్న పనికి పెద్ద ఉద్యోగం కల్పిస్తానంటూ నమ్మించి ఒక్కో బాధితుల నుండి లక్షల రూపాయలు వసూలు చేశాడు.. డెహ్రా డూన్ కి చెందిన ఒక బడా బిజినెస్ మెన్ నుండి రూ.20 లక్షల వరకు కాజేశాడు. ఒక హోటల్ గ్రూప్ కి సంబంధించిన వెబ్సైట్ ను క్రియేట్ చేసి దానికి రివ్యూస్ రాయాల్సిందిగా ఆయా ఫోన్ నెంబర్లకు కాల్ చేసేవాడు. అలా రివ్యూస్ రాసిన వారికి 10000 రూపాయలు మొదట్లో చెల్లించాడు.
దీనికోసం ఒక నకిలీ టెలిగ్రామ్ గ్రూప్ ని సైతం హోటల్ పేరుతో నడిపించాడు. హోటల్ కి సంబంధించిన పాజిటివ్ రివ్యూస్ ఇవ్వాల్సిందిగా బాధితులకు టాస్క్ ఇచ్చాడు. కొంతమంది నకిలీ గెస్ట్ లతో నూ ఫేక్ రివ్యూ ఇపించాడు.. అలా ఒక్కో రివ్యూ కి పదివేల రూపాయలు చెల్లించిన తర్వాత రిషబ్ పై పూర్తి నమ్మకం ఏర్పడేలా బాధితులను నమ్మించాడు. ఆ తర్వాత మరో టాస్క్ చేస్తే ఎక్కువ మొత్తంలో డబ్బులు వస్తాయని బాదితులను నమ్మించాడు.. తక్కువ పెట్టుబడికి ఎక్కువ లాభం అంటూ ఆశ చూపాడు. కోట్ల రూపాయల డిపాజిట్లు వచ్చిన వెంటనే బాధితులకు స్పందించడం ఆపేశాడు. తన ఫోన్ నెంబర్ స్విచ్ ఆఫ్ చేసుకుని ఎవరికీ కనిపించకుండా పారి పోవటంతో బాధితులు పోలీసులను ఆశ్రయించారు.
రిషబ్ ను అదుపులోకి తీసుకున్న పోలీసులు అతడు చేసిన నేరాల గురించి తెలుసుకొని షాక్ అవుతున్నారు.. ఒక కూరగాయల వ్యాపారిగా ఉన్న రిషబ్ కోట్ల రూపాయల స్కాంకి పాల్పడటం వెనుక ఉన్న సూత్రధారులను గుర్తించే పనిలో పడ్డారు పోలీసులు. ఇతర దేశాలలో ఉన్న సైబర్ క్రిమినల్స్ రిషబ్ ను అడ్డం పెట్టుకొని బ్యాంక్ అకౌంట్ ల ద్వారా డబ్బును దేశాలు దాటిస్తున్నట్టుగా దర్యాప్తు సంస్థలు గుర్తించాయి. ఇతర దేశాల్లో ఉన్న నిర్వాహకులు తమ వ్యాపారాన్ని భారత్ లో విస్తరించేందుకు రిషబ్ లాంటివారిని పావుగా ఉపయోగించుకుంటున్నట్టు దర్యాప్తు సంస్థల విచారణలో బయటపడింది.. చైనా, సింగపూర్ లాంటి దేశాల్లో ఉన్న నిర్వాహకులకు రిషబ్ కథనుండి కోట్ల రూపాయల నిధులు వెళ్ళినట్టు పోలీసులు గుర్తించారు.
మరిన్ని తెలంగాణ న్యూస్ కోసం క్లిక్ చేయండి..
