Whatsapp Update: త్వరలోనే వాట్సాప్‌లో అదిరే ఫీచర్.. ఇకపై ఏ భాష మెసేజ్‌లునైనా..!

ప్రస్తుత రోజుల్లో యువత వాట్సాప్‌ను అధికంగా ఉపయోగిస్తున్నారు. ప్రతి ఒక్కరి ఫోన్‌లో వాట్సాప్ ఉంటుందంటే అతిశయోక్తి కాదు. మెటా యాజమాన్యంలోని వాట్సాప్ కూడా ఎప్పటికప్పుడు సరికొత్త ఫీచర్స్‌తో వినియోగదారులను ఆకర్షిస్తుంది.  అయితే ఇటీవల ట్రాన్స్ క్రైబింగ్ వాయిస్ నోట్స్ ఫీచర్‌ను తీసుకొచ్చిన వాట్సాప్ ప్రస్తుతం వివిధ భాషల ప్యాక్‌లను ఉపయోగించి సందేశాలను అనువదించే కొత్త ఫీచర్‌పై పని చేస్తోందని పలు నివేదికలు వెల్లడిస్తున్నాయి. ముఖ్యంగా ఎలాంటి అనువాద అప్లికేషన్‌లు అవసరం లేకుండానే అనేక భాషల్లో అప్రయత్నంగా కమ్యూనికేట్ చేయడానికి వినియోగదారులను అనుమతిస్తుంది. ఈ ఫీచర్ సంభాషణల సమయంలో సందేశాలను తక్షణమే అనువదిస్తుంది. అందవుల్ల వినియోగదారులు నిజ సమయంలో అర్థం చేసుకోవడం మరియు ప్రతిస్పందించడం సులభం చేస్తుంది. ఈ నేపథ్యంలో వాట్సాప్ తీసుకొస్తున్న తాజా ఫీచర్ గురించి మరిన్ని వివరాలను తెలుసుకుందాం. 

వాట్సాప్ ట్రాన్స్‌లేషన్ ఫీచర్ డెవలప్‌మెంట్‌లో ఉన్నప్పటికీ ఆటోమేటిక్ ట్రాన్స్‌లేషన్ ఆప్షన్‌లతో ఈ ఫీచర్‌ను మెరుగుపరచడంపై ఎక్కువగా దృష్టి సారిస్తోంది. వాట్సాప్ అన్ని చాట్ సందేశాలను ఆటోమెటిక్‌గా అనువదించాలా? వద్దా? అని వినియోగదారులు ఎంచుకోవడానికి అనుమతించేలా ఫీచర్‌ను డెవలప్ చేస్తుంది. ఇది రాబోయే యాప్ అప్‌డేట్‌లో చేర్చబడుతుంది. ఈ విధానం ఇప్పటికీ ఎండ్-టు-ఎండ్ ఎన్‌క్రిప్షన్‌ను భద్రపరుస్తుంది. ఎందుకంటే వాటి పరిష్కారం పరికరంలో సందేశాలను ప్రాసెస్ చేస్తుంది. అందువల్ల సందేశాలను అనువదించడానికి WhatsApp కొన్ని భాషా ప్యాక్‌లను డౌన్‌లోడ్ చేసుకోవాలి. అయితే ప్రారంభ దశ కోసం ఫీచర్ అందుబాటులోకి వచ్చిన తర్వాత కొన్ని భాషా అనువాద ఎంపిక మాత్రమే అందిస్తారు. భవిష్యత్తులో అప్‌డేట్‌లలో మరిన్ని భాషలకు మద్దతిచ్చే అవకాశం ఉన్న ఇంగ్లీష్, అరబిక్, స్పానిష్, పోర్చుగీస్, రష్యన్, హిందీతో సహా కొన్ని భాషలకు మాత్రమే మొదట్లో మద్దతు ఉంటుంది.

వాయిస్ నోట్‌లను టెక్స్ట్‌గా మార్చడానికి మిమ్మల్ని అనుమతించే ఒక ఫీచర్‌ను  వాట్సాప్ ఇప్పటికే ప్రారంభించింది. వాయిస్ నోట్స్‌ను గట్టిగా ప్లే చేయాల్సిన అవసరం లేకుండా వాటిని చదవడానికి మిమ్మల్ని అనుమతిస్తుంది. గూగుల్ ప్లే స్టోర్ నుంచి ఆండ్రాయిడ్ అప్‌డేట్ కోసం తాజా వాట్సాప్ బీటాను డౌన్‌లోడ్ చేసిన కొన్ని దేశాల్లోని బీటా వినియోగదారులకు సంబంధించిన చిన్న సమూహంతో ఈ ఫీచర్ ప్రస్తుతం పరీక్షిస్తున్నారు. ఈ ఫీచర్‌ను పొందాలంటే వినియోగదారులు దాదాపు 150MB అదనపు యాప్ డేటాను డౌన్‌లోడ్ చేయాల్సి వస్తుంది. ట్రాన్స్‌క్రిప్షన్ ఫీచర్‌ను ప్రారంభించిన తర్వాత వినియోగదారులు “ట్రాన్‌స్క్రిప్ట్‌లతో వాయిస్ సందేశాలను చదవండి” అని ప్రాంప్ట్ చేసే నోటిఫికేషన్‌ వస్తుంది. దాన్ని సెలెక్ట్ చేసుకున్నాక సందేశ కంటెంట్ చూపతుంది. 

ఇవి కూడా చదవండి

9 ఏళ్లకే తండ్రిని కోల్పోయింది, తల్లికి క్యాన్సర్.. కట్‌చేస్తే..

దొంగిలించిన ఫోన్‌ స్విచ్ ఆఫ్‌లో ఉందా? ట్రేస్ ఎలా చేస్తారు?

5జీ డేటా అందించేందుకు ఆ రెండు కంపెనీలు పోటీ..!

వీడియో గేమర్లకు గుడ్‌న్యూస్..మీ ఏఐ అవతార్‌తో గేమ్ ఆడేలా నయా ఫీచర్

మరిన్ని టెక్ వార్తల కోసం ఇక్కడ క్లిక్ చేయండి