Nyobolt Callum Project: ఈవీ రంగంలో విప్లవాత్మక మార్పు.. అందుబాటులో సూపర్ స్పీడ్ చార్జింగ్ టెక్నాలజీ

పట్టణ ప్రాంతాల ప్రజలు ఈవీ వాహనాలను కొనుగోలు చేస్తున్నా గ్రామీణ ప్రాంతాల్లో ప్రజలు మాత్రం ఈవీ వాహనాలకు దూరం అవుతున్నారు. ఈవీ వాహనాలకు చార్జింగ్ సమస్య తీర్చడానికి వివిధ కంపెనీలు పరిశోధనలు చేస్తున్నాయి. సూపర్ స్పీడ్ చార్జింగ్ ఫెసిలిటీ పెట్రో వాహనాలకు దీటుగా ఈవీ వాహనాలు మార్చేలా పరిశోధనలు సాగుతున్నాయి. న్యోబోల్ట్ బ్యాటరీ టెక్నాలజీ కంపెనీ దాని ఫాస్ట్ ఛార్జింగ్ బ్యాటరీ టెక్నాలజీని ఎలక్ట్రిక్ వాహనాల పరిశ్రమకు తీసుకురావడానికి డిజైన్, ఇంజినీరింగ్ సంస్థ కల్లంతో భాగస్వామ్యం ఏర్పరచుకుంది.

Ev Charging

Nikhil |
Updated on: May 07, 2023 | 8:00 AM

ప్రస్తుతం ప్రపంపచమంతా ఈవీ వాహనాల ట్రెండ్ నడుస్తుంది. పెట్రోల్‌కు ప్రత్యామ్నాయంగా ఈవీ వాహనాలను ప్రజలు ఎక్కువగా ఇష్టపడుతున్నారు. అలాగే ప్రభుత్వాలు కూడా క్రూడ్ ఆయిల్ కొనుగోలు తగ్గించుకునేందుకు, అలాగే పర్యావరణ పరిరక్షణకు ఈవీ వాహనాలపై తగ్గింపులను ఇస్తూ ప్రజలను ప్రోత్సహిస్తున్నాయి. అయితే ఈవీ వాహనాలు అంటే బ్యాటరీ చార్జ్‌తో నడుస్తాయి. ప్రజలు ఇప్పటికీ ఈవీ వాహనాలు అంటే పూర్తిస్థాయిలో ఇష్టపడకపోవడానికి ప్రధాన కారణం వాటి చార్జింగ్ సమయమే. పెట్రోల్ వాహనం అయితే క్షణాల్లో పెట్రోల్ బంక్‌కు వెళ్లి పెట్రోల్ కొట్టించుకునే సదుపాయం ఉంది. అయితే ఈవీ వాహనాలు అయితే మార్గమధ్యలో చార్జింగ్ అయ్యిపోతే ఏం చేయాలో? కూడా తెలియదు. పైగా వాహనం చార్జ్ అవ్వడానికి చాలా సమయం తీసుకుంటుంది. దీంతో పట్టణ ప్రాంతాల ప్రజలు ఈవీ వాహనాలను కొనుగోలు చేస్తున్నా గ్రామీణ ప్రాంతాల్లో ప్రజలు మాత్రం ఈవీ వాహనాలకు దూరం అవుతున్నారు. ఈవీ వాహనాలకు చార్జింగ్ సమస్య తీర్చడానికి వివిధ కంపెనీలు పరిశోధనలు చేస్తున్నాయి. సూపర్ స్పీడ్ చార్జింగ్ ఫెసిలిటీ పెట్రో వాహనాలకు దీటుగా ఈవీ వాహనాలు మార్చేలా పరిశోధనలు సాగుతున్నాయి. న్యోబోల్ట్ బ్యాటరీ టెక్నాలజీ కంపెనీ దాని ఫాస్ట్ ఛార్జింగ్ బ్యాటరీ టెక్నాలజీని ఎలక్ట్రిక్ వాహనాల పరిశ్రమకు తీసుకురావడానికి డిజైన్, ఇంజినీరింగ్ సంస్థ కల్లంతో భాగస్వామ్యం ఏర్పరచుకుంది. న్యోబోల్ట్ పెట్రోల్ లేదా డీజిల్ కారుకు ఇంధనం నింపినంత సౌకర్యవంతంగా రీఛార్జ్ చేయడం ద్వారా పరిశ్రమను మార్చాలని లక్ష్యంగా పెట్టుకుంది. దాని పేటెంట్ బ్యాటరీ సాంకేతికతతో న్యోబోల్ట్ ప్రపంచ-ప్రముఖ బృందం కొత్త మెటీరియల్స్, సెల్ డిజైన్‌లు, సమర్థవంతమైన సాఫ్ట్‌వేర్ నియంత్రణ, పవర్ ఎలక్ట్రానిక్‌లను ఉపయోగించే వేగవంతమైన ఛార్జింగ్, అధిక-పవర్ బ్యాటరీ సొల్యూషన్‌లను అభివృద్ధి చేస్తూ సిస్టమ్-స్థాయి విధానాన్ని తీసుకుంది.

ఈ విధానానికి కల్లంతో భాగస్వామ్యం చేయడం ద్వారా న్యోబోల్ట్ ఈ సాంకేతికతను ప్యాసింజర్ వాహనాల్లో జీవం పోయడానికి ఉపయోగిస్తుంది. వార్విక్‌షైర్‌లోని కల్లం అంతర్గత ఇంజినీరింగ్ సౌకర్యాలను ఉపయోగించి పేటెంట్ బ్యాటరీ సాంకేతికతను పొందుపరిచే ప్రాజెక్ట్‌లపై న్యోబోల్ట్, కల్లంతో సహకరిస్తాయి. కంపెనీలు తమ మొదటి ఆటోమోటివ్ కాన్సెప్ట్‌ను ఈ ఏడాది జూన్‌లో ప్యాసింజర్ వాహనాల్లో ఎలా ఉపయోగించవచ్చో? హైలైట్ చేసేలా ప్రదర్శిస్తాయి. ఈ కాన్సెప్ట్‌ను కార్ డిజైనర్ జూలియన్ థామ్సన్ రూపొందించారు. అలాగే ఈ కాన్సెప్ట్‌ను కల్లం అభివృద్ధి చేసి అమలు చేసింది.

న్యోబోల్ట్ సీఈఓ డాక్టర్ సాయి శివారెడ్డి మాట్లాడుతూ ప్రపంచ వ్యాప్తంగా బ్యాటరీ చార్జింగ్ టైమ్‌ను తగ్గిస్తే వాహనాలన్నీ ఎలక్ట్రిక్ వాహనాలకు వేగంగా మారతాయని పేర్కొన్నారు. ప్రస్తుతం మా పేటెంట్ బ్యాటరీ అవసరం ఇది ఛార్జింగ్ సమయాన్ని గంటల నుండి కొన్ని నిమిషాల వరకు తగ్గించడానికి ఉపయోగపడుతుందని వివరిస్తున్నారు. కల్లం మేనేజింగ్ డైరెక్టర్ డేవిడ్ ఫెయిర్‌బైర్న్ మాట్లాడుతూ న్యోబోల్ట్ మార్గదర్శక బ్యాటరీ సాంకేతికత ఆటోమోటివ్ పరిశ్రమకు ఛార్జింగ్, బ్యాటరీ పదార్థాలకు ప్రాప్యత, బ్యాటరీ క్షీణత వంటి అపారమైన సవాళ్లకు పరిష్కారాన్ని అందిస్తుందన పేర్కొన్నారు. న్యోబోల్ట్ ఫాస్ట్-చార్జింగ్ బ్యాటరీ సాంకేతికత బ్యాటరీ పనితీరు సామర్థ్యాన్ని అన్‌లాక్ చేయడానికి, అలాగే పెట్రోల్ లేదా డీజిల్ కారుకు ఇంధనం నింపినంత సౌకర్యవంతంగా ఎలక్ట్రిక్ కార్లను ఛార్జింగ్ చేయడానికి సెట్ ఉపయోగపడుతుంది.

ఇవి కూడా చదవండి