Tokyo Olympics: సెమీ ఫైనల్‌లో ఓడిన భారత మహిళల హాకీ జట్టు.. 1-2 తేడాతో ఓటమి

Tokyo Olympics: భారతదేశం, అర్జెంటీనా మధ్య జరుగుతున్న మహిళల హాకీ రెండో సెమీ-ఫైనల్‌లో 1-2 తేడాతో భారత్ ఓడిపోయింది. దీంతో తొలిసారిగా ఫైనల్‌ చేరే అవకాశాన్ని కోల్పోయింది. తొలి క్వార్టర్‌ ఆదిలోనే గుర్జీత్‌ కౌర్‌ గోల్‌ చేసి భారత్‌కు శుభారంభం అందించింది. అయితే ఆ ఆనందం ఎక్కువసేపు నిలవలేదు. అర్జెంటీనా త‌ర‌ఫున కెప్టెన్ మారియా నోయెల్ 18, 36వ నిమిషంలో రెండు గోల్స్ చేసింది. తొలి క్వార్ట‌ర్‌లో 1-0 లీడ్‌లోకి దూసుకెళ్లిన టీమిండియా.. రెండు, మూడు క్వార్ట‌ర్ల‌లో రెండు గోల్స్ ప్ర‌త్య‌ర్థికి ఇచ్చింది. ఇక నాలుగో క్వార్ట‌ర్‌లో రాణి రాంపాల్ టీమ్‌కు స్కోరు స‌మం చేసే అవ‌కాశం రాలేదు. ఈ ఓటమితో భారత మహిళల జట్టు కాంస్య పతకం కోసం ఆగస్టు 6న బ్రిట‌న్‌తో అమీతుమీ తేల్చుకోనుంది.

బ్రిటన్ జట్టు మొదటి సెమీ ఫైనల్‌లో నెదర్లాండ్స్‌తో ఓడిపోయింది. నెదర్లాండ్స్ అతనిని 5-1తో ఓడించింది. నెదర్లాండ్స్, అర్జెంటీనా ఇప్పుడు బంగారు రజత పతకాల ఫైనల్‌ మ్యాచ్‌లో తలపడుతాయి. భారతీయ మహిళలకు ఒలింపిక్స్‌లో అత్యుత్తమ ప్రదర్శన చేసే అవకాశం ఇంకా ఉంది. 1980 ఒలింపిక్ క్రీడలలో భారత జట్టు నాలుగో స్థానంలో నిలిచింది. ఇప్పుడు జట్టు కాంస్య పతకం సాధించడం ద్వారా ఆ రికార్డ్‌ను బ్రేక్ చేయవచ్చు. అయితే 1980 లో, మొత్తం ఆరు మహిళా జట్లు ఒలింపిక్స్‌లో పాల్గొన్నాయి ఫైనల్‌లో రెండు జట్లు రౌండ్ రాబిన్ ఆధారంగా ఎంపిక చేశారు. ప్రపంచ ర్యాంకింగ్స్‌లో అర్జెంటీనా ప్రస్తుతం రెండో స్థానంలో ఉండగా భారత్ ఏడో స్థానంలో ఉంది.

AP Corona Cases: ఆ జిల్లాలో భారీగా పెరిగిన పాజిటివ్ కేసులు.. ఏపీలో కొత్తగా 2,442 కరోనా కేసులు..

Rakshasudu2: భారీ బడ్జెట్‌‌‌‌తో తెరకెక్కుతున్న రాక్షసుడు2.. సినిమా కోసం ఇద్దరు స్టార్ హీరోలు.?

Old Notes – RBI Alert: ఆన్‌లైన్‌లో పాత కరెన్సీ నోట్లు..నాణేల వ్యాపారం.. ఆర్బీఐ కీలక ప్రకటన

Actor Murali Mohan: సినీనటుడు మురళీమోహన్.. అతని కుటుంబ సభ్యులకు హైకోర్టులో బిగ్ రిలీఫ్