IPL 2025: లక్నో సారథిగా రిషబ్ పంత్.. ఆ సెంటిమెంట్‌నే ఫాలో చేసిన ఫ్రాంచైజీ

LSG New Captain Announced: ఐపీఎల్ 2025 కోసం లక్నో సూపర్ జెయింట్స్ తన కొత్త కెప్టెన్‌ని ప్రకటించింది. ఐపీఎల్‌ చరిత్రలోనే అత్యంత ఖరీదైన ఆటగాడు రిషబ్‌ పంత్‌.. ఇప్పుడు కెప్టెన్‌గా ఎంపికయ్యాడు. ఐపీఎల్ ప్రారంభానికి ముందే, లక్నో సూపర్ జెయింట్ రిషబ్ పంత్‌ను కెప్టెన్‌గా చేయగలదని ఊహాగానాలు వచ్చాయి. తాజాగా అదే జరిగింది. ఓ కార్యక్రమంలో రిషబ్ పంత్‌ని కెప్టెన్‌గా నియమిస్తున్నట్లు ప్రకటించారు. నికోలస్ పూరన్ కూడా ఈ రేసులో ఉన్నప్పటికీ, ఢిల్లీ క్యాపిటల్స్‌కు కెప్టెన్‌గా వ్యవహరించిన రిషబ్ పంత్ అనుభవం అతనికి ఉపయోగపడింది.

ఐపీఎల్‌లో అత్యుత్తమ కెప్టెన్‌ అవుతాడు..

లక్నో సూపర్‌జెయింట్స్ జట్టు యజమాని సంజీవ్ గోయెంకా రిషబ్ పంత్‌తో కలిసి విలేకరుల సమావేశం నిర్వహించి, వికెట్ కీపర్-బ్యాట్స్‌మన్ జట్టుకు నాయకత్వం వహిస్తాడని ప్రకటించాడు. ఈ ప్రకటనతో పాటు, రిషబ్ పంత్ ఈ జట్టుకే కాకుండా మొత్తం ఐపీఎల్‌కు గొప్ప కెప్టెన్‌గా మారతాడని సంజీవ్ గోయెంకా పేర్కొన్నాడు. ఐపీఎల్ 2025లో రిషబ్ పంత్ లక్నోకు కెప్టెన్‌గా వ్యవహరించడం ఖాయమని భావించారు. అయితే, అతను వెస్టిండీస్ కెప్టెన్‌గా ఉన్న నికోలస్ పూరన్ సవాలును ఎదుర్కొన్నాడు. అతని ప్రదర్శన కూడా బలంగా ఉంది. అయితే చివరికి పంత్‌ గెలిచాడు.

ఐపీఎల్‌లో కెప్టెన్‌గా వ్యవహరించిన రిషబ్ పంత్‌కు మంచి అనుభవం ఉంది. 2021లో ఢిల్లీ క్యాపిటల్స్‌కు కెప్టెన్‌ అయ్యాడు. కానీ, 2024 తర్వాత ఢిల్లీ నుంచి తప్పుకున్నాడు. ఆ తర్వాత అతను లక్నో జట్టుకు వచ్చాడు. ఇప్పుడు అతని లక్ష్యం జట్టును ఛాంపియన్‌గా చేయడమే.

Rishabh Pant Literally Cooked Punjab Kings 😭😭 pic.twitter.com/w4F6pds9kd

— 𝐉𝐨𝐝 𝐈𝐧𝐬𝐚𝐧𝐞 (@jod_insane) January 20, 2025

లక్నో అంటే భారత వికెట్‌కీపర్‌లంటే అభిమానం..

పంత్‌ను కెప్టెన్‌గా చేయడం ద్వారా లక్నో సూపర్‌జెయింట్‌లు తమ పాత సంప్రదాయాన్ని కొనసాగించింది. నిజానికి, సంజీవ్ గోయెంకా ఫ్రాంచైజీ ద్వారా కెప్టెన్‌గా నియమితుడైన మూడవ భారత వికెట్ కీపర్ పంత్. పంత్ కంటే ముందు ధోనీ పుణె సూపర్‌జెయింట్‌కు కెప్టెన్‌గా వ్యవహరించాడు. ఆ తర్వాత కేఎల్ రాహుల్‌ను కెప్టెన్‌గా నియమించారు.

లక్నో సూపర్ జెయింట్స్ స్క్వాడ్..

రిషబ్ పంత్, నికోలస్ పూరన్, ఆయుష్ బదోని, రవి బిష్ణోయ్, మయాంక్ యాదవ్, మొహ్సిన్ ఖాన్, డేవిడ్ మిల్లర్, ఐడెన్ మార్క్రామ్, మిచెల్ మార్ష్, షాబాజ్ అహ్మద్, ఆకాష్ సింగ్, అవేష్ ఖాన్, అబ్దుల్ సమద్, ఆర్యన్ జుయల్, ఆకాశ్ దీప్, షెమర్ జోసెఫ్, ప్రిన్స్ యాదవ్ , యువరాజ్ చౌదరి, రాజ్వర్ధన్ హంగర్గేకర్, అర్షిన్ కులకర్ణి, మాథ్యూ బ్రిట్జ్కే, హిమ్మత్ సింగ్, సిద్ధార్థ, దిగ్వేష్ సింగ్.

ఇప్పుడే అందిన వార్త ఇది! మేము ఈ వార్తను అప్డేట్ చేస్తున్నాము. మీకు తొలుత ఈ వార్తను అందించే ప్రయత్నం చేస్తాం. ఎప్పటికప్పుడు అప్డేట్స్ కోసం ఈ పేజీని రిఫ్రెష్ చేయండి. ఈ వార్తకు సంబంధించిన మిగతా కథనాల కోసం ఇక్కడ క్లిక్ చేయండి.

మరిన్ని క్రీడా వార్తల కోసం ఇక్కడ క్లిక్ చేయండి..