IND vs PAK Weather Report: భారత్ వర్సెస్ పాక్ మ్యాచ్కు వర్షం ముప్పుందా? అహ్మదాబాద్ వెదర్ అప్డేట్ ఇదే
ఐసీసీ పురుషుల వన్డే ప్రపంచ కప్ 2023లో భాగంగా శనివారం (అక్టోబర్ 14) భారత్, పాకిస్తాన్ జట్లు అమితుమీ తేల్చుకోనున్నాయి. అహ్మదాబాద్లోని నరేంద్ర మోదీ స్టేడియంలో ఈ హై ఓల్టేజీ మ్యాచ్ జరగనుంది. గత దశాబ్ద కాలంగా భారత గడ్డపై ఇండియా వర్సెస్ పాకిస్థాన్ వన్డే మ్యాచ్లు ఆడలేదు. దీనికి తోడు ప్రస్తుత వరల్డ్ కప్లో ఇరు జట్లు చాలా బలంగా ఉన్నాయి. రెండు జట్లు రెండేసి విజయాలు సాధించి హ్యాట్రిక్ విజయంపై కన్నేశాయి. కాబట్టి అందరి దృష్టి శనివారం జరిగే మ్యాచ్పైనే ఉంటుంది.
Updated on: Oct 14, 2023 | 9:37 AM
ఐసీసీ పురుషుల వన్డే ప్రపంచ కప్ 2023లో భాగంగా శనివారం (అక్టోబర్ 14) భారత్, పాకిస్తాన్ జట్లు అమితుమీ తేల్చుకోనున్నాయి. అహ్మదాబాద్లోని నరేంద్ర మోదీ స్టేడియంలో ఈ హై ఓల్టేజీ మ్యాచ్ జరగనుంది. గత దశాబ్ద కాలంగా భారత గడ్డపై ఇండియా వర్సెస్ పాకిస్థాన్ వన్డే మ్యాచ్లు ఆడలేదు. దీనికి తోడు ప్రస్తుత వరల్డ్ కప్లో ఇరు జట్లు చాలా బలంగా ఉన్నాయి. రెండు జట్లు రెండేసి విజయాలు సాధించి హ్యాట్రిక్ విజయంపై కన్నేశాయి. కాబట్టి అందరి దృష్టి శనివారం జరిగే మ్యాచ్పైనే ఉంటుంది. అయితే, ఈ మ్యాచ్కు వర్షం ముప్పుందా? లేదా? అన్నది ఆసక్తికరం. కాగా ఈ ఏడాది వన్డేల్లో భారత్-పాక్ జట్లు మూడోసారి తలపడనున్నాయి. శ్రీలంకలో జరిగిన ఆసియా కప్ 2023లో దాయాది జట్ల మధ్య రెండు మ్యాచ్లు జరిగాయి. అయితే ఈ రెండు మ్యాచ్లకు వర్షం అంతరాయం కలిగించింది. అయితే, శనివారం (అక్టోబర్ 14) అహ్మదాబాద్లో వర్షం కురిసే అవకాశాలు దాదాపు తక్కువగానే ఉన్నాయి. అహ్మదాబాద్లోని Accuweather నివేదిక ప్రకారం.. 14 శాతం మేఘావృతమై ఉన్నా వర్షం పడే అవకాశం లేదు. భారత్-పాకిస్థాన్ మధ్య మధ్యాహ్నం 2 గంటలకు ప్రారంభమయ్యే మ్యాచ్ మధ్యాహ్నం 1:30 గంటలకు టాస్ జరుగుతుంది. దీనికి గంట ముందు 12.30 గంటలకు ఓపెనింగ్ సెర్మనీ నిర్వహిస్తారు. ఉదయం 10 గంటల నుంచి స్టేడియంలోకి ప్రేక్షకులను అనుమతించనున్నారు. అహ్మదాబాద్లో ఉదయం 10 గంటల ప్రాంతంలో ఉష్ణోగ్రత 32 డిగ్రీల సెల్సియస్గా ఉంటుంది. మధ్యాహ్నం 1:30 గంటలకు మ్యాచ్ ప్రారంభమయ్యే సమయంలో ఉష్ణోగ్రత కొద్దిగా తగ్గుతుంది. అయితే తేమ బాగా కురుస్తుంది. ఆ తర్వాత వాతావరణం చల్లగా ఉంటుంది. వాతావరణం మేఘావృతమైనప్పటికీ వర్షం కురిసే అవకాశం లేదు.
నరేంద్ర మోడీ స్టేడియం పిచ్ నివేదిక
కాగా ప్రపంచంలో అతిపెద్ద స్టేడియంగా పేరొందిన అహ్మదాబాద్లోని నరేంద్ర మోదీ క్రికెట్ స్టేడియం బ్యాటింగ్కు అనుకూలంగా ఉంది. మ్యాచ్ ఆరంభంలో బ్యాటింగ్ బాగా ఉంటే, మ్యాచ్ సాగుతున్న కొద్దీ ఇక్కడి వికెట్ స్పిన్నర్లు సమర్థంగా రాణిస్తారు. ఇక్కడి నల్లటి మట్టి పిచ్లు మంచి బౌన్స్తో కూడిన బౌలర్లకు అనుకూలంగా ఉంటాయి. బ్యాటర్లకు ఓపెనింగ్ ఓవర్లు సవాలుగా ఉంటాయి. ఆటగాళ్లు పరిస్థితులు అనుకూలించడంతో పిచ్ కాస్త బ్యాటింగ్ స్వర్గధామంలా మారుతుంది. రెండవ ఇన్నింగ్స్లో బ్యాటింగ్ చేస్తున్న జట్టుకు మంచు అనుకూలంగా మారనుంది.
గిల్ ఆడుతాడా?
View this post on Instagram
రెండు జట్లు (అంచనా)
టీమ్ ఇండియా:
రోహిత్ శర్మ (కెప్టెన్), హార్దిక్ పాండ్యా (వైస్ కెప్టెన్), శుభమన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్, రవీంద్ర జడేజా, శార్దూల్ ఠాకూర్, జస్ప్రీత్ బుమ్రా, మహ్మద్ సిరాజ్, కుల్దీప్ యాదవ్, మహ్మద్ షమ్మీ, రవిచంద్రన్ అశ్విన్. , ఇషాన్ కిషన్, సూర్యకుమార్ యాదవ్.
పాకిస్థాన్ జట్టు:
బాబర్ ఆజం (కెప్టెన్), షాదాబ్ ఖాన్, ముహమ్మద్ రిజ్వాన్, ఇమామ్-ఉల్-హక్, అబ్దుల్లా షఫీక్, సౌద్ షకీల్, ఫఖర్ జమాన్, హరీస్ రవూఫ్, హసన్ అలీ, ఇఫ్తీకర్ అహ్మద్, ముహమ్మద్ నవాజ్, ముహమ్మద్ వసీం జూనియర్, అఘా సల్మాన్, షాహీన్ షా ఆఫ్రిది, ఒసామా మీర్.
View this post on Instagram
మరిన్ని క్రీడా వార్తల కోసం ఇక్కడ క్లిక్ చేయండి..
