MS Dhoni: మెంటార్గా ధోనీ, కెప్టెన్‌గా పాఫ్ డుప్లెసిస్.. బరిలో సీఎస్కే కీలక ప్లేయర్లు.. ఎక్కడో తెలుసా?
దక్షిణాఫ్రికాలో ప్రారంభం కానున్న టీ20 లీగ్‌లో చెన్నై సూపర్ కింగ్స్ ఫ్రాంచైజీ జట్టు కూడా ఉంది. CSK అనేక ముఖాలు జోహన్నెస్‌బర్గ్ జట్టులో కనిపించనున్నారు.
ఇండియన్ ప్రీమియర్ లీగ్ వ్యాప్తి ప్రపంచ వ్యాప్తంగా ప్రారంభమైంది. దాని ప్రభావం తాజాగా దక్షిణాఫ్రికాలో ప్రారంభం కానున్న కొత్త T20 లీగ్‌లో కనిపిస్తుంది. ఇక్కడ IPLతో అనుబంధం ఉన్న ఫ్రాంచైజీలు తమ కొత్త జట్లను ఏర్పాటు చేసుకున్నాయి. ముంబై ఇండియన్స్, చెన్నై సూపర్ కింగ్స్, ఢిల్లీ క్యాపిటల్స్ సహా మొత్తం 6 జట్లు ఈ జాబితాలో ఉన్నాయి. ఈ లీగ్‌లో ఐపీఎల్‌లోని కీలక స్టార్లు కూడా కనిపిస్తారు. సమాచారం ప్రకారం, చెన్నై సూపర్ కింగ్స్ ఫ్రాంచైజీ అయిన జోహన్నెస్‌బర్గ్‌లో చాలా సుపరిచితమైన ముఖాలను చూడొచ్చిని తెలుస్తోంది.
నివేదిక ప్రకారం, చెన్నై సూపర్ కింగ్స్ కోసం దశాబ్దం పాటు ఆడిన ఫాఫ్ డు ప్లెసిస్ జోహన్నెస్‌బర్గ్ కింగ్స్‌కు కెప్టెన్‌గా మారవచ్చు. అంతే కాదు ఈ టీమ్‌లో మొయిన్ అలీని చేర్చుకోవడానికి కూడా సన్నాహాలు చేస్తున్నారు. దక్షిణాఫ్రికా క్రికెట్ బోర్డు నిబంధనలను ఇంకా ఖరారు చేయలేదని, ఆ తర్వాత ఆటగాళ్లు ఎలా జట్టులోకి వస్తారనే విషయాలు స్పష్టమవుతాయని నివేదిక పేర్కొంది.
చెన్నై సూపర్ కింగ్స్ కెప్టెన్ మహేంద్ర సింగ్ ధోనీ జోహన్నెస్‌బర్గ్ జట్టుకు మెంటార్‌షిప్ చేయగలడని కూడా నమ్ముతున్నారు. ఒకవేళ బీసీసీఐ అనుమతిస్తే ధోనీ జట్టులోకి వస్తాడు. MS ధోని ప్రస్తుతం IPL మాత్రమే ఆడుతున్నాడు. చెన్నై సూపర్ కింగ్స్ కెప్టెన్‌గా ఉన్నాడు. ఐపీఎల్ 2023 ఎంఎస్ ధోనీకి చివరి టోర్నమెంట్ కూడా కావొచ్చు. ఎంఎస్ ధోని గతంలో టీ20 ప్రపంచకప్ 2021లో టీమిండియాకు మెంటార్గా వ్యవహరించిన సంగతి తెలిసిందే.
ఈ సౌతాఫ్రికా లీగ్‌లో చెన్నై సూపర్ కింగ్స్ తమ పెద్ద ముఖాలతో కొత్త జట్టును రంగంలోకి దించనుంది. ఫాఫ్ డు ప్లెసిస్ జట్టుకు కెప్టెన్‌గా ఉంటే, మొయిన్ అలీ జట్టు ఆటగాడు కావచ్చు. మహేంద్ర సింగ్ ధోని మాత్రం మెంటార్ చేయగలడు. స్టీఫెన్ ఫ్లెమింగ్ కోచ్ పాత్రను పోషించగలడని భావిస్తున్నారు.
దక్షిణాఫ్రికా లీగ్ ఫ్రాంచైజీలు, వాటి యజమానులు..
న్యూలాండ్స్, కేప్ టౌన్ – రిలయన్స్ ఇండస్ట్రీస్ లిమిటెడ్ (ముంబై ఇండియన్స్)
కింగ్స్‌మీడ్, డర్బన్ – RPSG స్పోర్ట్స్ లిమిటెడ్ (లక్నో సూపర్ జెయింట్స్)
సెయింట్ జార్జ్ పార్క్, పోర్ట్ ఎలిజబెత్ – సన్ టీవీ నెట్‌వర్క్ లిమిటెడ్ (సన్ టీవీ నెట్‌వర్క్ లిమిటెడ్)
జోహన్నెస్‌బర్గ్ – చెన్నై సూపర్ కింగ్స్ క్రికెట్ లిమిటెడ్
బోలాండ్ పార్క్, పార్ల్ – రాయల్స్ స్పోర్ట్స్ గ్రూప్ (రాజస్థాన్ రాయల్స్)
సూపర్‌స్పోర్ట్ పార్క్, ప్రిటోరియా – JSW స్పోర్ట్స్ (ఢిల్లీ క్యాపిటల్స్)
