Watch Video: చిరిగిన బూట్లతో సంచలనం.. కట్ చేస్తే.. 6 బంతుల్లో 5 సిక్సులు, ఒక ఫోర్‌తో ఉతికారేశాడు..
బంగ్లాదేశ్‌తో జరుగుతున్న మూడో టీ20 మ్యాచ్‌లో జింబాబ్వే బ్యాట్స్‌మెన్ ర్యాన్ బర్లే బౌలర్ నసుమ్ అహ్మద్ వేసిన ఒక ఓవర్లో 5 సిక్సర్లు, ఫోర్లు బాదాడు.
Updated on: Aug 02, 2022 | 9:28 PM
జింబాబ్వే బ్యాట్స్‌మెన్ ర్యాన్ బర్లే మరోసారి వార్తల్లో నిలిచాడు. చిరిగిన బూట్లతో ఒకప్పుడు వెలుగులోకి వచ్చిన ఈ ఆటగాడు.. తాజాగా తన తుఫాన్ బ్యాటింగ్‌తో నెట్టింట్లో హాట్ టాపిక్‌గా మారాడు. ఈ జింబాబ్వే ఎడమచేతి వాటం బ్యాట్స్‌మెన్ మంగళవారం బంగ్లాదేశ్‌పై విధ్వంసకర బ్యాటింగ్ చేశాడు. బంగ్లాదేశ్ స్పిన్నర్ నసుమ్ అహ్మద్ వేసిన అదే ఓవర్లో ర్యాన్ బర్లే 34 పరుగులు రాబట్టాడు. ఈ ఓవర్లో ర్యాన్ బర్లే వరుసగా నాలుగు సిక్సర్లు బాదాడు. ఐదో బంతికి ఫోర్, చివరి బంతికి మళ్లీ సిక్సర్ బాదాడు.
మైదానంలో రచ్చ..
15వ ఓవర్లో ర్యాన్ బర్లే ఈ ఘనత సాధించాడు. ఈ జింబాబ్వే ఆటగాడు నసుమ్ అహ్మద్ వేసిన తొలి బంతికే లాంగ్ వద్ద లాంగ్ సిక్స్ కొట్టాడు. దీని తర్వాత నసుమ్ వేసిన షార్ట్ బాల్‌ను స్క్వేర్ లెగ్ మీదుగా సిక్సర్‌గా మలిచాడు. మూడో బంతి మళ్లీ షార్ట్‌గా పడినా.. మిడ్ వికెట్ మీదుగా లాంగ్ సిక్స్ కొట్టాడు. నాలుగో బంతికి కూడా బర్లే మిడ్ వికెట్ మీదుగా సిక్సర్ బాదాడు. ఐదో బంతికి బుర్లే బౌలర్ తలపై షాట్ కొట్టగా బంతి బౌండరీ లైన్ కంటే రెండు అంగుళాల ముందు పడి దాటింది. ఆఖరి బంతికి బర్లే కవర్స్ మీదుగా సిక్సర్ కొట్టాడు. ఈ విధంగా బర్లే ఒకే ఓవర్లో 34 పరుగులు పిండుకున్నాడు.
బర్లే తుఫాన్ బ్యాటింగ్..
మొదట్లో బర్లే 14 బంతుల్లో కేవలం 9 పరుగులు మాత్రమే చేశాడు. అంతకు ముందు నసుమ్ అహ్మద్ ఓవర్లో ఐదు సిక్సర్లు, ఒక ఫోర్ కొట్టాడు. ఓవర్ ముగిసే సరికి అతని స్కోరు 20 బంతుల్లో 43 పరుగులుగా నిలిచింది. బుర్లే 28 బంతుల్లో 54 పరుగులతో అద్భుత ఇన్నింగ్స్ ఆడాడు. ఇన్నింగ్స్‌లో మొత్తం 6 సిక్సర్లు బాదాడు. అతను వేగంగా కొట్టడంతో జింబాబ్వే స్కోరు 156 పరుగులకు చేరుకుంది.
చిరిగిన బూట్లతో ఆడే బర్లే..
లయన్ బర్లే 2021 సంవత్సరంలో చర్చకు వచ్చిన సంగతి తెలిసిందే. తనకు స్పాన్సర్ లేడని, చిరిగిన బూట్లతో ఆడతానని బర్ల్ ట్విట్టర్‌లో ఒక ఫోటోను షేర్ చేశాడు. ఒక కంపెనీ తన టీమ్ జింబాబ్వేకు స్పాన్సర్ చేయాలని సోషల్ మీడియాలో బర్లే వేడుకున్నాడు. దీని తర్వాత ఒక పెద్ద షూ కంపెనీ జింబాబ్వేను స్పాన్సర్ చేసింది. బర్లే కారణంగా మొత్తం జట్టుకు మంచి బూట్లు, కిట్‌లు వచ్చాయి.
