Video: బౌలర్లకు బిగ్ అలెర్ట్.. బీస్ట్ మోడ్‌తో హీట్ పెంచిన ధోని.. వీడియో చూస్తారా..?

MS Dhoni: ఐపీఎల్ 2026కు ముందు చెన్నై సూపర్ కింగ్స్ (CSK) శిబిరం ఉత్సాహంగా ప్రారంభమైంది. మాజీ కెప్టెన్ మహేంద్ర సింగ్ ధోనీ, ప్రస్తుత కెప్టెన్ రుతురాజ్ గైక్వాడ్ నెట్స్‌లో తుఫాన్ బ్యాటింగ్ చేస్తూ ప్రత్యర్థి బౌలర్లకు హెచ్చరికలు జారీ చేసినట్టున్నారు. ఆదివారం చెన్నైలో జరిగిన తొలి ప్రాక్టీస్ సెషన్‌తో ఐపీఎల్ 2026 సన్నాహాలు మొదలయ్యాయి. ఐదు సార్లు ఛాంపియన్ అయిన సీఎస్‌కే, ఫ్రాంచైజీ హై-పర్ఫార్మెన్స్ సెంటర్‌లో క్యాంప్ ప్రారంభించింది.

ధోనీ-గైక్వాడ్ ధాటికి నెట్స్‌లో తుఫాన్..

ఈ శిక్షణ శిబిరంలో అయుష్ మ్హాత్రే, ముకేష్ చౌదరి, రాహుల్ చహర్, ఉర్విల్ పటేల్, రామకృష్ణ ఘోష్, సర్ఫరాజ్ ఖాన్ తదితరులు పాల్గొన్నారు.

ఫ్రాంచైజీ విడుదల చేసిన వీడియోల్లో ధోనీ, గైక్వాడ్ పక్కపక్కనే నెట్స్‌లో బ్యాటింగ్ చేస్తూ కనిపించారు. ధోనీ తన ప్రత్యేక స్టైల్లో భారీ షాట్లు ఆడగా, గైక్వాడ్ సాఫీ ఫుట్‌వర్క్‌తో మంచి లయలో కనిపించాడు.

కొత్తగా జట్టులో చేరిన ప్రశాంత్ వీర్, కార్తిక్ శర్మ కూడా డ్రిల్స్‌లో పాల్గొన్నారు. ట్రైనింగ్ వీడియోలో సర్ఫరాజ్ ఖాన్ ధోనీ బ్యాటింగ్‌ను దగ్గరగా గమనించడం ప్రత్యేక ఆకర్షణగా నిలిచింది.

సీఎస్‌కే ట్రైనింగ్ వీడియో..

🦁🔥 miROARing! 🔥🦁 #WhistlePodu #Yellove pic.twitter.com/jM0X9rmMci

— Chennai Super Kings (@ChennaiIPL) March 1, 2026

ప్రస్తుతం క్యాంప్‌లో భారత దేశీయ ఆటగాళ్లే ఉన్నారు. జాతీయ జట్టులో ఉన్న ఆటగాళ్లు తర్వాత చేరనున్నారు. టీ20 వరల్డ్ కప్‌లో పాల్గొంటున్న సంజూ శాంసన్, శివమ్ దూబే టోర్నమెంట్ మార్చి 7న ముగిసిన తర్వాత జట్టులో చేరే అవకాశముంది. రంజీ ట్రోఫీ ఫైనల్ ముగించుకుని వస్తున్న శ్రేయాస్ గోపాల్ కూడా తరువాత క్యాంప్‌లో పాల్గొంటారు.

అంతర్జాతీయ ఆటగాళ్ల రాకపై అనిశ్చితి..

Yes, Thala! That’s a wide! 🥰 Cuteness overloaded! 💛#WhistlePodu pic.twitter.com/liUhdOsyiy

— Chennai Super Kings (@ChennaiIPL) March 2, 2026

మధ్యప్రాచ్యంలో కొనసాగుతున్న ఉద్రిక్త పరిస్థితుల కారణంగా అంతర్జాతీయ ఆటగాళ్ల ప్రయాణ షెడ్యూల్‌పై స్పష్టత లేదు. ఐపీఎల్ 2026 పూర్తి ఫిక్స్చర్ జాబితాపై కూడా అధికారిక ప్రకటన కోసం వేచి చూడాల్సి ఉంది.

అయితే టీ20 వరల్డ్ కప్‌లో పాల్గొంటున్న అంతర్జాతీయ ఆటగాళ్లు తమ జట్ల క్యాంపెయిన్ ముగిసిన వెంటనే సీఎస్‌కే క్యాంప్‌లో చేరనున్నారు.  ఐపీఎల్ 2026 ప్రారంభానికి ముందే ధోనీ-గైక్వాడ్ ఫామ్‌లో కనిపించడం సీఎస్‌కే అభిమానులకు పెద్ద ఊరటనిచ్చే వార్తగా మారింది.