Ginger Milk Benefits: వర్షాకాలంలో ప్రతిరోజూ అల్లం పాలు తీసుకుంటే.. ఆ సమస్యలకు చెక్ పెట్టినట్లే..
Health Tips: యాంటీబయాటిక్స్ తీసుకోవడం ఇవి నయం కావొచ్చు. కానీ, అవి మూత్రపిండాలపై చెడు ప్రభావాన్ని చూపిస్తాయి.
Updated on: Aug 01, 2022 | 9:13 PM
అల్లం ఎన్నో ఆరోగ్య ప్రయోజనాలను కలిగి ఉంది. ఇది మన శరీరాన్ని ఆరోగ్యంగా ఉంచడంలో సహాయపడుతుంది. దీని ప్రత్యేక ప్రాముఖ్యత ఆయుర్వేదంలో ప్రత్యేకంగా పేర్కొన్నారు. అల్లంతో పాలు కలిపి తీసుకోవడం ద్వారా వర్షాకాలంలో ఈ ఆరోగ్య సమస్యల నుంచి బయటపడొచ్చు. వర్షాకాలంలో వచ్చే చిన్న చిన్న వ్యాధులకు యాంటీబయాటిక్స్ తీసుకోవడం వల్ల త్వరగా ఉపశమనం కలగొచ్చు. కానీ, అవి మూత్రపిండాలపై చెడు ప్రభావాన్ని చూపిస్తాయి. దీర్ఘకాలికంగా చాలా అనారోగ్యాలకు దారి తీస్తాయి. అందుకే మన వంటింట్లో ఉండే వాటితో ప్రయత్నిస్తే ఎన్నో లభాలు కలుగుతాయి.
రోగనిరోధక శక్తి పెరుగుతుంది: కరోనా సమయంలో ప్రజలు అల్లాన్ని ఔషధంగా ఉపయోగించిన సంగతి తెలిసిందే. కషాయం చేసి తీసుకోవడం కూడా చూశాం. మీరు ప్రతిరోజూ అల్లం పాలు తాగడం ద్వారా మీ రోగనిరోధక శక్తిని పెంచుకోవచ్చు.
జీర్ణవ్యవస్థ: అల్లంలోని యాంటీ బాక్టీరియల్ లక్షణాలు జీర్ణవ్యవస్థను మెరుగుపరచడానికి పని చేస్తాయి. రాత్రి పడుకునే ముందు, పాలలో అల్లం కలుపుకుని తీసుకుంటే, ఉదయాన్నే పొట్ట కూడా బాగా శుభ్రం అవుతుంది. జీర్ణక్రియ బాగా జరిగితే, అన్ని సమస్యలు కూడా శరీరం నుంచి దూరంగా ఉంటాయి.
జలుబు: వర్షాకాలంలో, సాధారణంగా దగ్గు లేదా జలుబు వంటి ఆరోగ్య సమస్యలు వస్తాయి. యాంటీబయాటిక్స్ తీసుకోవడం ఇవి నయం కావొచ్చు. కానీ, అవి మూత్రపిండాలపై చెడు ప్రభావాన్ని చూపిస్తాయి. బదులుగా, అల్లం పాలు వంటి ఇంటి నివారణ చిట్కాలను ప్రయత్నించండి.
