IPL 2023: 7 మ్యాచ్‌లు 19 పరుగులు.. బెంగళూరును ప్లేఆఫ్స్‌కు దూరం చేస్తోన్న నలుగురు బ్యాటర్స్..

IPL 2023: ఐపీఎల్ సీజన్ 16లో ఆర్‌సీబీ జట్టు మొత్తం 11 మ్యాచ్‌లను పూర్తి చేసింది. ఈ పదకొండు మ్యాచ్‌ల్లో ఆర్‌సీబీ కేవలం 5 మ్యాచ్‌ల్లో మాత్రమే విజయం సాధించింది. ఆర్సీబీ జట్టు మిడిలార్డర్ బ్యాట్స్‌మెన్ వైఫల్యం కూడా 6 మ్యాచ్‌ల ఓటమికి ఒక కారణంగా నిలిచింది. అంటే ఇక్కడ RCB జట్టు పూర్తిగా ముగ్గురు బ్యాట్స్‌మెన్‌పైనే ఆధారపడి ఉందని తెలుస్తోంది. విరాట్ కోహ్లి (420), ఫాఫ్ డుప్లెసిస్ (576), గ్లెన్ మాక్స్‌వెల్ (330) పరుగులు చేయడమే ఇందుకు నిదర్శనంగా మారింది. ఆశ్చర్యకరంగా ఈ ముగ్గురు మినహా ఆర్‌సీబీ జట్టులో ఏ బ్యాట్స్‌మెన్ కూడా 150 పరుగులు కూడా చేయలేదు.

ఇక్కడ మరో ఆసక్తికరమైన అంశం ఏమిటంటే RCB 3వ ఆర్డర్ వైఫల్యం స్పష్టంగా కనిపిస్తోంది. గత 7 మ్యాచ్‌ల్లో మూడో ఆర్డర్‌లో నలుగురిని రంగంలోకి దించారు. అయితే ఈ క్రమంలో ఎవరూ ఆకట్టుకోకపోవడం ఆశ్చర్యం కలిగిస్తోంది.

గత 7 మ్యాచ్‌ల్లో ఆర్‌సీబీ జట్టు 3వ ఆర్డర్ స్కోరు వివరాలను పరిశీలిస్తే… 0 (మహిపాల్ లోమ్రార్), 0 (గ్లెన్ మాక్స్‌వెల్), 2 పరుగులు (షహబాజ్ అహ్మద్), 2 పరుగులు (షహబాజ్ అహ్మద్), 9 ( అనుజ్ రావత్), 0 (గ్లెన్ మాక్స్‌వెల్), 6 (అనుజ్ రావత్).. అంటే ఏడు మ్యాచ్‌లలో 3వ ఆర్డర్ నుంచి మొత్తం స్కోరు 19 పరుగులు మాత్రమే వచ్చాయి. దీంతో ఆర్‌సీబీ బండి గాడి తప్పినట్లైంది.

ఇవి కూడా చదవండి

Andhra Pradesh: 25 కేజీల బియ్యం కోసం కాదు.. 25యేళ్ల భవిష్యత్తు ఇవ్వడానికే.. జనసేనాని పవర్‌ఫుల్ డైలాగ్.. యువశక్తిపై వీడియో రిలీజ్..

PM MODI: అభివృద్ధి భారత్‌ నిర్మాణానికి ఆ నాలుగు అంశాలే కీలకం.. ప్రభుత్వ ప్రధాన కార్యదర్శుల సమావేశంలో ప్రధాని మోదీ కీలక వ్యాఖ్యలు..

IND vs SL: బ్యాట్‌తో చెలరేగిన సూర్యకుమార్.. రాజ్‌కోట్‌ టీ20లో టీమిండియా గ్రాండ్ విక్టరీ.. సిరీస్‌ కైవసం

Child Care: పిల్లల ఫుడ్ విషయంలో కొంచెం జాగ్రత్త.. ఈ పదార్థాలు అసలు పెట్టకండి..

ఓపెనర్ల తర్వాత కీలక పాత్ర పోషించే మూడో ఆర్డర్‌లో ఆర్‌సీబీ వరుస వైఫల్యాలను చవిచూసింది. ఇది కూడా ఆర్సీబీ ఓటమికి ఓ కారణమని చెప్పొచ్చు. RCB విజయంలో మిడిల్ ఆర్డర్ బ్యాట్స్‌మెన్స్ జీరో అని చెప్పొచ్చు.

అయితే 5 మ్యాచ్‌లు గెలిచిన ఆర్సీబీ జట్టు తదుపరి 3 మ్యాచ్‌ల్లో గెలిచి ప్లేఆఫ్స్‌లోకి ప్రవేశించాలని భావిస్తోంది. మరి ఈ లెక్క రివర్స్ అవుతుందో లేదో మరి కొద్ది రోజుల్లో తేలిపోనుంది.

RCB జట్టు: ఫాఫ్ డుప్లెసిస్ (కెప్టెన్), విరాట్ కోహ్లీ, మైకేల్ బ్రేస్‌వెల్, దినేష్ కార్తీక్, అనుజ్ రావత్, ఫిన్ అలెన్, జోష్ హేజిల్‌వుడ్, మహ్మద్ సిరాజ్, కర్ణ్ శర్మ, సిద్ధార్థ్ కౌల్, హిమాన్షు శర్మ, రాజన్ కుమార్, అవినాష్ సింగ్, గ్లెన్ మాక్స్‌వెల్, వానిందు , మహిపాల్ లోమ్రార్, షాబాజ్ అహ్మద్, హర్షల్ పటేల్, ఆకాష్ దీప్, కేదార్ జాదవ్, సుయాష్ ప్రభుదేశాయ్, మనోజ్ భాండాగే, సోను యాదవ్, వేన్ పార్నెల్, వైశాక్ విజయకుమార్.

మరిన్ని క్రీడా వార్తల కోసం ఇక్కడ క్లిక్ చేయండి..