Hanuman Chalisa: అష్ట సిద్దులు, నవ నిధులు అంటే ఏమిటి? హనుమంతుడు వాటిని ఎలా ఉపయోగించుకున్నాడో తెలుసా..

హిందూ మతంలో హనుమంతుడిని బలం, జ్ఞానం, శౌర్యానికి దేవుడిగా పరిగణిస్తారు. బలం, శక్తి వీర హనుమాన ప్రధాన లక్షణాలు. హనుమంతుడు అష్ట సిద్ధి, నవ నిధిని ఇచ్చేవాడు అని హనుమాన్ చాలీసాలో కూడా ప్రస్తావించబడింది. హనుమంతుడి అనుగ్రహం ఏ భక్తుడికైనా లభిస్తే ఈ తొమ్మిది నిధిల వరం తన భక్తులకు ఇస్తాడు. హనుమతుడికి సీతా దేవి నుంచి అష్ట సిద్ధులు, నవ నిధులకు అధిపతి అనే వరం పొందాడు. హనుమంతుడి ఈ ఎనిమిది సిద్ధులు, తొమ్మిది నిధిలు అతని శక్తుల రూపం,.. ఈ రోజు అష్ట సిద్ధి, నవ నిధుల రహస్యాన్ని తెలుసుకుందాం..

1. ఆ ఎనిమిది సిద్ధులు ఏవి? అష్ట సిద్ధులు అనేవి ప్రకృతి మరియు భౌతిక ప్రపంచంపై ఆధిపత్యాన్ని సూచించే అతీంద్రియ శక్తులు. వీటిని శ్రీరామ భక్తుడైన హనుమంతుడికి సీతాదేవి వరంగా అనుగ్రహించింది. సిద్ధి అనే పదానికి అతీంద్రియ ఆధ్యాత్మిక శక్తులు అని అర్థం. వీటిని తపస్సు, ధ్యానం ద్వారా మాత్రమే పొందవచ్చు. దీని వివరణ హనుమాన్ చాలీసాలో కూడా కనిపిస్తుంది.
2. అనిమా(కుదించే సామర్థ్యం) మొదటి అష్ట సిద్ధి అనిమ, అంటే హనుమంతుడు తన శరీరాన్ని అణువు అంత చిన్నదిగా చేసుకునే సామర్థ్యాన్ని కలిగి ఉన్నాడు. ఇది హనుమంతుడి మొదటి సిద్ధి. అణువు అంత చిన్నదిగా చేయడం అంటే కళ్ళతో చూడలేనిది. హనుమంతుడి ఉపయోగం : రావణుడి రక్షకుల కంటపడకుండా లంకలోకి ప్రవేశించడానికి తన పరిమాణాన్ని తగ్గించుకున్నప్పుడు హనుమంతుడు ఈ సిద్ధిని ప్రదర్శించాడు.
3. మహిమ (విస్తరించగల సామర్థ్యం) రెండవ సిద్ధి మహిమ. అనిమకు సరిగ్గా వ్యతిరేకం. మహిమ అంటే హనుమంతుడు తన శరీరాన్ని మరింత పెద్దదిగా చేసుకోగల సామర్థ్యం కలిగి ఉంటాడు. అతను తన శరీరాన్ని అనంతంగా పెంచుకునే సామర్థ్యం. హనుమంతుని ఉపయోగం : యుద్ధాల సమయంలో భారీ రూపాన్ని సంతరించుకోవడానికి, శత్రువులను బెదిరించడానికి, అధిగమించడానికి అతను ఈ శక్తిని ఉపయోగించాడు.
4. గరిమ (బరువుగా మారే సామర్థ్యం) మూడవ సిద్ధి గరిమ. ఈ సిద్ధిలో సాధకుడికి శరీర బరువును అపరిమితంగా పెంచుకునే వరం లభిస్తుంది. హనుమంతుడు కోరుకుంటే అతను తన శరీర బరువును ఎంతైనా పెంచుకోవచ్చు. హనుమంతుడి ఉపయోగం : హనుమంతుడు ఈ సిద్ధిని ఉపయోగించి తనను నేలపై గట్టిగా నిలుపుకున్నాడు. తనను స్థానభ్రంశం చేసే ప్రయత్నాలను ప్రతిఘటించాడు.
5. లఘిమా (తేలికగా మారే సామర్థ్యం) గరిమకు వ్యతిరేకంగా లఘిమ అంటే హనుమంతుడు తన శరీరాన్ని చాలా తేలికగా చేసుకోగలడు. తద్వారా అతను గాలి కంటే వేగంగా ఎగరగలడు. అతని శరీర బరువు లేకుండా ఉండి గాలిలో అప్రయత్నంగా ప్రయాణించే శక్తి ఉంటుంది. హనుమంతుడి ఉపయోగం : అతని తేలికతనం అతన్ని సముద్రం దాటి లంకలోకి వెళ్లేందుకు ఉపయోగపడింది.
6. ప్రాప్తి (ఏదైనా పొందగల సామర్థ్యం) హనుమంతుడు అదృశ్యంగా మారడం ద్వారా ఏదైనా వస్తువు ఎక్కడ ఉన్నా, దానిని పొందే సామర్థ్యం. హనుమంతుడు ఎక్కడికైనా వెళ్ళగలడని.. ఎవరూ అతడిని చూడలేడని దీవించబడ్డాడు. హనుమంతుడి ఉపయోగం : లక్ష్మణుడిని రక్షించడానికి సంజీవని మూలికను కనుగొన్నప్పుడు హనుమంతుడు ఈ సిద్ధికి ఉదాహరణగా నిలిచాడు.
7. ప్రాకామ్య (కోరికల నెరవేర్చుకునే సామర్ధ్యం ) తన సొంత కోరికలను లేదా ఇతరుల కోరికలను తీర్చుకునే శక్తి. హనుమంతుని ఉపయోగం : ఆయన భక్తుల కోరికలను మన్నించి వారి ఆధ్యాత్మిక వృద్ధిని నిర్ధారించాడు.
8. ఈశిత్వము (ప్రకృతిపై ఆధిపత్యం) సహజ శక్తులను నియంత్రించే , అంశాలను ఆదేశించే శక్తి. హనుమంతుని ఉపయోగం : అతను అగ్ని శక్తులను అణచివేసి, అమాయకులకు హాని కలిగించకుండా లంకను సురక్షితంగా దహనం చేసేలా చూసుకున్నాడు.
9. వశిత్వము (జీవుల మీద నియంత్రణ) అర్థం : ఇతరులను ప్రభావితం చేయగల, నియంత్రించగల సామర్థ్యం. హనుమంతుని ఉపయోగం : హనుమంతుడు ఈ శక్తిని ఉపయోగించి రావణుడి ఆస్థానాన్ని తిప్పికొట్టాడు, సీతాదేవిని రక్షించాడు.

నవ నిధిలు (తొమ్మిది నిధులు) అనేవి హనుమంతుడి వద్ద ఉన్నవి. ఆయన కోరుకుంటే వాటిని తన భక్తులకు కూడా అందించగలడు. నవ నిధిలు సమృద్ధి, శ్రేయస్సును సూచిస్తాయి. ఈ సంపదలు భౌతిక సంపదకే పరిమితం కాకుండా ఆధ్యాత్మిక, భావోద్వేగ సంపదను కూడా కలిగి ఉంటాయి. ,

1. పద్మ నిధి :(ధర్మం, దాతృత్వాన్ని సూచిస్తుంది). ధర్మబద్ధమైన, దానధర్మాల కోసం ఉపయోగించే సంపదను సూచిస్తుంది.
2. మహాపద్మ నిధి : (అపారమైన సంపద, స్వచ్ఛతను సూచిస్తుంది). మతపరమైన , ఆధ్యాత్మిక కారణాలకు అంకితమైన వనరులను సూచిస్తుంది.
3. శంఖ నిధి :(కీర్తి , అధికారాన్ని సూచిస్తుంది).భవిష్యత్ తరాలకు స్ఫూర్తినిచ్చే వారసత్వం, విజయాలను సూచిస్తుంది.
4. ముకుంద నిధి :(విలాసం, రాజ సమృద్ధిని ప్రతిబింబిస్తుంది).జీవితంలో సుఖం , సంతృప్తిని సూచిస్తుంది.
5. నందా నిధి :(కుటుంబ శ్రేయస్సు, స్థిరత్వాన్ని సూచిస్తుంది).తరతరాలుగా సంపదకు పునాదిని సూచిస్తుంది.
6. మకర నిధి :(సైనిక శక్తి , రక్షణను సూచిస్తుంది).తనను తాను , ఇతరులను రక్షించుకోవడంలో బలాన్ని సూచిస్తుంది.
7. కచ్చప నిధి :(స్వయం సమృద్ధి, వనరులను ప్రతిబింబిస్తుంది). వ్యక్తిగత అవసరాలకు ఉపయోగించే సంపదను సూచిస్తుంది.
8. నీల నిధి : (జ్ఞానం, తెలివితేటలకు ప్రతీక). తరతరాలను నిలబెట్టే జ్ఞాన సంపదను సూచిస్తుంది.
9. ఖర్వ నిధి :(సమతుల్యత , నియంత్రణను సూచిస్తుంది). సామరస్యాన్ని , అంతర్గత శాంతిని తెచ్చే సంపదను సూచిస్తుంది.

ఇవి కూడా చదవండి

స్త్రీలు వెండిపట్టీలు ధరించే సాంపదాయం వెనుక ..సైంటిఫిక్ రీజన్

దేశంలోని మహిమాన్విత హనుమాన్ ఆలయాలు ఎక్కడ ఉన్నాయంటే..

దేశంలో ప్రముఖ కృష్ణ ఆలయాలు ఇవే.. జీవితంలో ఒక్కసారైనా చూడాలనిపించే

భీముడు మనవడు బార్బారిక్ తల, దేహాన్ని ఎక్కడ పూజిస్తారో తెలుసా..

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.