Sabarimala: అయ్యప్ప భక్తులకు గుడ్ న్యూస్.. ఈ రోజు నుంచి స్గావామివారి బంగారు లాకెట్ల పంపిణీ..

మలయాళం కొత్త సంవత్సరంఈ రోజు నుంచి ప్రారంభం కానుంది. తొలి మాసం పేరు ‘మెదమ్’. ఈ నెలలోని మొదటి రోజే ‘విషు. ఈ రోజున కేరళ వారు విషు పర్వదినంగా అత్యంత ఘనంగా జరుపుకుంటారు. ఈ నేపధ్యంలో హరిహర సుతుడు అయ్యప్ప భక్తులకు ట్రావెన్​కోర్​ దేవస్వం బోర్డు శుభవార్త చెప్పింది. భక్తులకు అయ్యప్ప స్వామి ఉన్న బంగారు లాకెట్​ను అందుబాటులోకి తీసుకొచ్చింది. ఈ బంగారు లాకెట్లు వివిధ రకాలుగా అందుబాటులోకి రానున్నట్లు బోర్డ్ అధ్యక్షుడు చెప్పారు. ఈ రోజు 2, 4, 8 గ్రాముల్లో లాకెట్లు భక్తులకు అందుబాటులో ఉండనున్నాయి.

భక్తులు ఆన్లైన్ లో బుక్ చేసుకోవచ్చు..

మూడు వేర్వేరు బరువులలో లాకెట్లు తయారు చేయబడ్డాయి.. రెండు గ్రాముల ధర రూ.19,300, నాలుగు గ్రాముల ధర రూ.38,600, ఎనిమిది గ్రాముల ధర రూ.77,200. బంగారం మార్కెట్ విలువ ఆధారంగా ధర ప్రతి సీజన్‌లో మారుతుంది. స్వామివారి లాకెట్లు కావాలనుకునే భక్తులు రెండు విధాలుగా కొనుగోలు చేయవచ్చు. ప్రధాన ఆలయ సన్నిధానంలో దేవస్వం పరిపాలనా కార్యాలయంలో డైరెక్ట్ గా డబ్బులు ఇచ్చి కొనుగోలు చేయవచ్చు. లేదా ఆన్ లైన్ (WWW.sabarimalaonline.org) ద్వారా బుక్ చేసుకోవచ్చు. ఈ బంగారు లాకెట్​ను స్వామివారి గర్భగుడి లోపల పూజలు నిర్వహించి భక్తులకు అందజేస్తున్నారు. శబరిమల సందర్శించే వేలాది మంది భక్తులకు ఆధ్యాత్మిక అనుభవాన్ని మరింత సుసంపన్నం చేస్తుందనే భావన ఉంది.

జీఆర్‌టీ, కల్యాణ్‌కు బంగారు లాకెట్ల టెండర్లు

అయ్యప్ప స్వామి ఫొటోతో బంగారు లాకెట్లను తయారు చేసి భ్కతులకు అందజేసే ట్రావెన్‌కోర్ దేవస్వం బోర్డు నిర్వహించిన టెండర్లను తమిళనాడుకు చెందిన జీఆర్‌టీ జ్యువెల్లర్స్, కేరళకు చెందిన కల్యాణ్ జ్యువెల్లర్స్ దక్కించుకున్నాయి

ఇవి కూడా చదవండి

శివుడికి ఈ పరిహారాలు చేయండి.. ఆర్ధిక ఇబ్బందుల నుంచి ఉపశమనం ..

బంగారు ఉంగరం అంటే ఇష్టమా.. పొరపాటున కూడా ఈవేలికి వద్దు..ఎందుకంటే

ఇలాంటి లక్షణాలుంటే ఎవరినైనా వెంటనే విడిచిపెట్టమన్న చాణక్య

రోడ్డు మీద డబ్బు దొరికితే దాని అర్థం ఏమిటో తెలుసా...!

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి