Astrology Tips: ఇంటి నుండి బయటకు వెళ్లేటప్పుడు తప్పక ఈ పనులు చేయండి.. మీ ప్రతి పనిలో విజయం సాధిస్తారు..!
ప్రయాణంలో ఉన్నప్పుడు అనుకోకుండా కూడా నది, అగ్ని, గాలి మొదలైన వాటిని అగౌరవపరచవద్దు. ఇవి భగవంతుడు ఇచ్చిన మూడు ప్రత్యేక బహుమతులు అని నమ్ముతారు.
Updated on: Mar 04, 2023 | 5:11 PM
మనం చాలా విషయాల కోసం ఇంటి నుండి వివిధ సమయాల్లో బయటకు వెళ్తాము. కొన్నిసార్లు మనం చేయాలనుకున్న పనులు అంతరాయం లేకుండా జరుగుతాయి. అయితే, కొన్ని సందర్భాల్లో మాత్రం దీనికి విరుద్ధంగా జరుగుతుంది. అంటే మనం ఊహించని, కొన్ని అనుకోని సంఘటనలు జరుగుతాయి. జ్యోతిష్యం ప్రకారం మీరు శుభకార్యాల కోసం ఇంటి నుండి బయలుదేరేటప్పుడు గుర్తుంచుకోవలసిన కొన్ని విషయాలు సూచించబడ్డాయి. నమ్మకం ప్రకారం, ఏదైనా పని చేసే ముందు భగవంతుని నామాన్ని స్మరించుకోవాలి. భగవంతుని స్మరించుకోవడం, భగవంతుని నామ జపం చేయడం ద్వారా పనులు ప్రారంభినట్టయితే, ఆయా పనుల్లో విజయం ఖాయం అంటున్నారు. అదేవిధంగా, మీరు ఇంటి నుండి బయటకు వెళ్ళేటప్పుడు, జ్యోతిషశాస్త్రంలో పేర్కొన్న కొన్ని పద్ధతులను తప్పకుండా అనుసరించండి. ఈ చర్యలు తీసుకోవడం ద్వారా, మీ ప్రయాణం సంతోషంగా, శుభప్రదంగా విజయవంతమవుతుంది.
జ్యోతిష్య శాస్త్రం ప్రకారం, ఇంటి నుండి బయలుదేరే ముందు కొన్ని ముఖ్యమైన పనులు చేయాలి. ఇది మీ ప్రయాణాన్ని శుభప్రదంగా చేస్తుంది. మీరు ప్రయాణానికి వెళ్లినట్లయితే, ఇంటి నుండి బయలుదేరే ముందు, పూజా గదిలో భగవంతుని ముందు నెయ్యి దీపం వెలిగించండి. సురక్షితమైన ప్రయాణం కోసం దేవుడిని ప్రార్థించండి. ఇంటి నుంచి బయటకు వెళ్లేటప్పుడు ముందుగా మీ కుడి పాదం బయట పెట్టేలా చూసుకోండి. ఇంటి నుంచి బయటకు వెళ్లేటప్పుడు కొన్ని అసభ్యకరమైన మాటలు మాట్లాడకండి. ఇది మీ ప్రయాణానికి అంతరాయం కలిగిస్తుంది.
మీరు విహారయాత్ర కోసం ఇంటి నుండి బయలుదేరినప్పుడు ఆహ్లాదంగా ఆలోచించండి. సానుకూల విషయాలను మాత్రమే చూడండి. ప్రయాణంలో ఉన్నప్పుడు అనుకోకుండా కూడా నది, అగ్ని, గాలి మొదలైన వాటిని అగౌరవపరచవద్దు. ఇవి భగవంతుడు ఇచ్చిన మూడు ప్రత్యేక బహుమతులు అని నమ్ముతారు, కాబట్టి వాటిని ఎప్పుడూ ఎగతాళి చేయకండి.
ఇంటి నుండి బయటకు వెళ్లేటప్పుడు, దేవుని పేరు, పవిత్ర మంత్రం లేదా పవిత్రమైన పదాలను పఠించండి. ఇది మీ ప్రయాణాన్ని శుభప్రదంగా చేస్తుంది. ఇంటి నుండి బయలుదేరే ముందు, చీమలకు పిండి, పక్షులకు ధాన్యం, కుక్కలకు ఆహారం, ఆవులకు గడ్డి ఇవ్వండి. వీలైతే ఇంటి దగ్గర ఉన్న గుడిలో కొబ్బరికాయలు కొట్టండి. రహస్య దానం చేయడం వల్ల మీ ప్రయాణం శుభం, ఫలవంతం అవుతుంది.
పురోహితుడికి లేదా పేదవారికి పప్పులు, బియ్యం, పిండి, పంచదార, స్వీట్లు దానం చేయండి.
Note: (వాస్తు వివరాలు, రాశిఫలాలు, ఇలాంటి ఆచార వ్యవహారాలు అనేవి నమ్మకం మీద ఆధారపడి ఉంటాయి. దీనికి శాస్త్రీయ ఆధారాలు లేవు. కేవలం మనుషుల ఆసక్తిని, నమ్మకాన్ని దృష్టిలో ఉంచుకుని ఇక్కడ అందించాం.)
మరిన్ని ఆధ్యాత్మిక వార్తల కోసం ..
