Mokshada Ekadashi: మోక్షద ఏకాదశి రోజున ఈ అరుదైన యాదృచ్చికాల్లో పూజిస్తే.. శ్రీ హరి అనుగ్రహం మీ పైనే..
మోక్షద ఏకాదశి రోజున అరుదైన యాదృచ్ఛికం ఏర్పడనుంది. ఈ సమయంలో విష్ణువు, లక్ష్మీదేవి లను పూజించడం ద్వారా విష్ణువు ప్రత్యేక ఆశీర్వాదం లభిస్తుందని.. జీవితంలో ఆనందం, శ్రేయస్సును వస్తుందని నమ్మకం. మోక్షద ఏకాదశి న పూజ చేసే సమయంలో విష్ణువుపై మనస్సును కేంద్రీకరించాలి. దీనితో కోరిన ప్రతి కోరిక ఖచ్చితంగా నెరవేరుతుంది.
Updated on: Dec 09, 2024 | 2:41 PM
మోక్షద ఏకాదశి హిందూ మతంలో చాలా ముఖ్యమైన ఉపవాసం చేసే రోజుగా పరిగణింపబడుతున్నది. ఈ రోజున శ్రీమహావిష్ణువును పూజించడం వల్ల మోక్షప్రాప్తి కలుగుతుంది. ఈ ఏకాదశి రోజున ఏదైనా ప్రత్యేక యాదృచ్ఛికం ఏర్పడితే అప్పుడు పూజకు ప్రాధాన్యత మరింత పెరుగుతుంది. అరుదైన యాదృచ్ఛికంలో పూజించడం ద్వారా ప్రజలు విష్ణువు ప్రత్యేక అనుగ్రహాన్ని పొందుతారు. ఏకాదశి వ్రతాన్ని ఆచరించడం వల్ల ఇంట్లో ఆనందం, శ్రేయస్సు లభిస్తుంది. ఈ రోజున శ్రీమహావిష్ణువును ఆరాధించడం వల్ల మోక్షం లభిస్తుంది. సర్వపాపాలు నశిస్తాయి. అంతే కాదు ఈ వ్రతాన్ని ఆచరించడం వల్ల మనస్సు ప్రశాంతంగా ఉంటుంది.
పంచాంగం ప్రకారం ఈసారి మార్గశిర మాసంలోని శుక్ల పక్ష ఏకాదశిని మోక్షద ఏకాదశి అని అంటారు. ఈ ఏకాదశి తిధి డిసెంబర్ 11వ తేదీ బుధవారం తెల్లవారుజామున 3.42 గంటలకు ప్రారంభమై డిసెంబర్ 12వ తేదీ గురువారం తెల్లవారుజామున 1.09 గంటలకు ముగుస్తుంది. ఉదయతిథి ఆధారంగా ఈ ఏడాది డిసెంబర్ 11న మోక్షద ఏకాదశి వ్రతం పాటించాల్సి ఉంటుంది.
డిసెంబర్ 12వ తేదీ 2024న ఉదయం 7:05 నుంచి 9:09 గంటల మధ్య మోక్షద ఏకాదశి ఉపవాసాన్ని విరమించుకోవడం శుభప్రదంగా పరిగణించబడుతుంది. డిసెంబర్ 11న భద్ర, రవి, వారియన, వాణిజ, విష్టి యోగం అనే అరుదైన కలయిక జరుగుతోంది. ఈ యాదృచ్ఛికాలలో పూజలు చేయడం ద్వారా.. ప్రజలు అనేక రకాల ఫలితాలను పొందుతారు.
భద్రవస యోగం
మోక్షద ఏకాదశి శుభ సందర్భంగా అరుదైన భద్రావస్ యోగం రూపుదిద్దుకోనుంది. ఈ యోగం మధ్యాహ్నం 02:27 నుండి ఏర్పడుతుంది. కాగా భద్రావస్ యోగం డిసెంబర్ 12వ తేదీ మధ్యాహ్నం 01:09 గంటలకు ముగుస్తుంది. ఈ కాలంలో లోకాన్ని పోషించే శ్రీమహావిష్ణువును, సంపదలకు అధిదేవత అయిన లక్ష్మీదేవిని భక్తిశ్రద్ధలతో పూజిస్తే ఆశించిన ఫలితాలు కలుగుతాయి.
రవి యోగం, వారియన యోగం
మోక్షద ఏకాదశి రోజున రవియోగం కూడా ఏర్పడుతోంది. ఉదయం 07:04 నుంచి 11:48 వరకు ఈ యోగం ఏర్పడుతుంది. ఈ సమయంలో శ్రీమహావిష్ణువును పూజించడం వల్ల సుఖ సంతోషాలు, ఐశ్వర్యం పెరుగుతాయి. దీనితో పాటు వరియన యోగా యాదృచ్ఛికం కూడా ఏర్పడనుంది. వరియాన యోగం ఉదయం 06.48 గంటలకు ముగుస్తుంది. అదే సమయంలో మార్గశిర మాసంలోని శుక్ల పక్ష ఏకాదశి తిథిలో రేవతి, అశ్విని నక్షత్రాలు రానున్నాయి. దీంతోపాటు వాణిజ, విష్టి యోగం ఏర్పడుతోంది.
అరుదైన యాదృచ్ఛికంలో మోక్షద ఏకాదశిలో ఎలా పూజించాలంటే
- మోక్షదా ఏకాదశి రోజున పూజించే ముందు స్నానం చేసి శుభ్రమైన బట్టలు ధరించాలి.
- తర్వాత పూజా స్థలాన్ని శుభ్రం చేసి పువ్వులు, దీపాలతో అలంకరించాలి.
- పీటాన్ని ఏర్పాటు చేసి విష్ణుమూర్తి విగ్రహం లేదా చిత్రాన్ని అమర్చండి.
- విష్ణువుకు పసుపు పూలు, పండ్లు, అర్ఘం మొదలైన వాటిని సమర్పించండి.
- పూజ సమయంలో విష్ణు సహస్రనామాలు జపించండి.
- మోక్షదా ఏకాదశి వ్రత కథ వినండి.
- పూజ ముగింపులో విష్ణువుకు ఇష్టమైన ఆహారాన్ని నైవేద్యంగా సమర్పించి.. వాటిని ప్రసాదంగా పంచండి. మీరు మీ కుటుంబ సభ్యులు తినండి.
అరుదైన యాదృచ్ఛికంలో పూజా ప్రాముఖ్యత
హిందూ మతంలో కొన్నిసార్లు బృహస్పతి, చంద్రుల కలయిక లేదా శని, శుక్రుల కలయిక వంటి గ్రహాల ప్రత్యేక కలయికలు ఏర్పడతాయని నమ్ముతారు. నక్షత్రరాశుల ప్రత్యేక కలయిక కూడా అరుదుగా జరుగుతుంది. కొన్ని ప్రత్యేక తిధిలో ప్రత్యేక యాదృచ్చికం ఏర్పడడం అరుదుగా పరిగణించబడుతుంది. ఈ యాదృచ్ఛికాలలో పూజలు చేస్తే శ్రీమహావిష్ణువు ప్రత్యేక అనుగ్రహాన్ని పొందుతారు. అంతే కాకుండా శాస్త్రోక్తంగా విష్ణుమూర్తిని పూజించిన వారి కోరిన కోర్కెలు త్వరలో నెరవేరి ఇంట్లో సిరి సంపదలు నెలకొంటాయని నమ్మకం.
మరిన్ని ఆధ్మాతిక వార్తల కోసం క్లిక్ చేయండి..
నోట్ : పైన తెలిపిన విషయాలు పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి.
