Temple: ఆల‌య ఆవరణలో ఎట్టి ప‌రిస్థితిలోనూ చేయకూడని త‌ప్పులివే.. చేస్తే అరిష్టమే..!

సాధార‌ణంగా చాలా మంది ఆల‌యాలకు త‌ర‌చూ వెళ్తుంటారు. ఆల‌యానికి వెళ్ల‌గానే ముందుగా దైవానికి అంటే గుడి ప్ర‌ద‌క్షిణ చేస్తారు. త‌రువాత లైన్‌లో నిలుచుని దేవీదేవతలను ద‌ర్శించుకుంటారు. అనంత‌రం అక్క‌డ..

Mistakes To Avoid In Temple Circumstances

Updated on: Jan 24, 2023 | 6:10 PM

సాధార‌ణంగా చాలా మంది ఆల‌యాలకు త‌ర‌చూ వెళ్తుంటారు. ఆల‌యానికి వెళ్ల‌గానే ముందుగా దైవానికి అంటే గుడి ప్ర‌ద‌క్షిణ చేస్తారు. త‌రువాత లైన్‌లో నిలుచుని దేవీదేవతలను ద‌ర్శించుకుంటారు. అనంత‌రం అక్క‌డ కాసేపు గ‌డిపి బ‌య‌టకు వ‌స్తారు. అయితే కొంద‌రు మాత్రం ఆల‌యానికి వెళ్లినప్పుడు ప‌లు త‌ప్పుల‌ను చేస్తుంటారు. ఇలా చేయడం వల్ల ఆల‌యానికి వెళ్లిన పుణ్యం ద‌క్క‌కపోవడమే కాక చెడు ప్ర‌భావాలు క‌లిగేందుకు అవ‌కాశాలు ఉంటాయి. అంతేకాక ఆలయ ఆవరణలో చేయకూడని పనులు చేస్తే అరిష్టమే కాక అనేక ఇబ్బందులు కూడా తప్పవని పెద్దలు చెబుతున్నారు. క‌నుక ఆల‌యాల‌కు వెళ్లిన‌ప్పుడు ఎట్టి ప‌రిస్థితిలోనూ కొన్ని ప‌నుల‌ను చేయ‌రాదు. అవేమిటో మనం ఇప్పుడు తెలుసుకుందాం..

ఆల‌యాల‌కు వెళ్లే ఆడవారు ఎప్పుడూ జ‌డ వేసుకుని వెళ్లాలి. పురుషులు అయితే శుభ్రంగా త‌ల దువ్వుకుకుని పోవాలి. అంతేకానీ జుట్టు విర‌బోసుకోని వెళ్ల‌రాదు. ఆడ‌వాళ్లు త‌ప్ప‌ని స‌రిగా జ‌డ వేసుకోవాలి. ఆల‌యానికి వెళ్లిన త‌రువాత త‌ల‌పై ధ‌రించిన వ‌స్రాన్ని తొల‌గించాలి.
దేవాల‌యాల‌నికి చెప్పులు వేసుకునే వెళ‌తారు చాలా మంది. అయితే వాటిని గుడి బయటే వదిలి కాళ్లు శుభ్రంగా కడుగుకొని గుడిలోకి ప్రవేశించాలి. తర్వాత ప్రదక్షిణలు చేసి ధ్వ‌జ‌స్తంభం కుడి ప‌క్క నుండి ఆల‌యంలోకి ప్ర‌వేశించాలి.
ఆల‌య క్షేత్ర పాల‌కుడికి మొద‌ట‌గా న‌మ‌స్కారం చేయాలి. ఆల‌యంలో దేవునికి తప్ప ఇత‌రుల‌కు న‌మ‌స్క‌రించ‌రాదు. పూజారికి కూడా న‌మ‌స్క‌రించ రాదు. ఇలా న‌మ‌స్కారం చేయ‌డం వ‌ల్ల ఆల‌య ద‌ర్శ‌న ఫ‌లితం రాదని పండితులు చెబుతున్నారు.
అలాగే నైవేధ్యంగా మ‌నం తీసుకెళ్లిన వ‌స్తువుల‌ను దేవుడికి స‌మ‌ర్పించి ఒక ప‌క్క‌కు నిల‌బ‌డాలి. దేవుడికి, క్షేత్ర పాల‌కునికి మ‌ధ్య‌లో అస్స‌లు నిల‌బ‌డ‌రాదు. పూజారి శ‌ఠ గోపం(శఠ గోప్యం) పెట్టేట‌ప్పుడు త‌ల‌ను తాక‌రాదు. మ‌నం త‌ల‌ను తాకి అదే చేత్తో తీర్థ‌, ప్ర‌సాదాల‌ను తీసుకున్న‌ప్పుడు వెంట్రుక‌ల‌కు ఉండే బ్యాక్టీరియా శ‌రీరంలోకి ప్ర‌వేశించే అవ‌కాశం ఉంటుంది.

ఇవి కూడా చదవండి

పూజారి నుంచి మనం స్వీక‌రించిన ప్ర‌సాదాన్ని ఆల‌య ప‌రిస‌రాల‌లో లేదా బయట ఎక్కడైనా ఎట్టిపరిస్థితుల్లోనూ కింద ప‌డేయ‌రాదు. పూజ ముగిసిన త‌రువాత ఆల‌యంలో కొద్ది స‌మ‌యం దేవుడికి వీపు చూపించ‌కుండా కూర్చోవాలి.
ఆల‌యంలో ఎట్టి ప‌రిస్థితులోనూ గోళ్లు కొర‌క రాదు. మ‌న‌ గోళ్లు కానీ, జుట్టు కానీ ఆల‌య ప‌రిస‌రాల‌లో ప‌డితే మ‌న‌కు స‌క‌ల పాపాలు చుట్టుకుంటాయ‌ని పండితులు చెబుతున్నారు.
ఆల‌యంలో పెద్ద‌గా న‌వ్వ‌డం కానీ, మాట్లాడ‌డం కానీ, అర‌వ‌డం కానీ చేయ‌రాదు. దీని వ‌ల్ల ఆల‌య ప్ర‌శాంత‌త దెబ్బ తింటుంది. ఆల‌య ప‌రిస‌రాల‌లో తొంద‌ర‌గా న‌డ‌వ‌డం, ప‌రిగెత్త‌డం వంటివి చేయ‌రాదు.
ఆల‌యంలో అస్స‌లు ఆవ‌లించ‌రాదు. ఆల‌యంలో కూర్చున్నంత సేపు దేవుడిపై దృష్టి కేంద్రీక‌రించాలి. ఇలా చేస్తూ త‌రుచూ ఆల‌యాల‌ను ద‌ర్శించ‌డం వ‌ల్ల‌ మ‌న జీవితాల‌లో ప్ర‌శాంత‌త నెల‌కొంటుంది. అనుకున్న కోరిక‌లు నెర‌వేరుతాయి. ఆల‌యాల‌ను సంద‌ర్శించిన పుణ్య‌ఫ‌లం ల‌భిస్తుంది.