Janmashtami 2025: మహాభారతానికి, కృష్ణ తత్వానికి చిహ్నం ఈ పువ్వు.. కృష్ణాష్టమి రోజున ఈ మొక్కని ఇంట్లో నాటడం శుభప్రదం..

ప్రతి సంవత్సరం జన్మాష్టమికి ముందు, భక్తులు తమ ఇళ్లను అలంకరించుకోవడానికి, బాల శ్రీ కృష్ణుని పూజించడానికి సన్నాహాలు చేయడంలో బిజీగా ఉంటారు. ఊయల, వెన్న, చక్కెర మిఠాయి, వేణువు, నెమలి ఈక వంటి చిహ్నాలతో పాటు ఏదైనా వస్తువు ఈ శుభ సందర్భాన్ని దైవికంగా మార్చగలుగుతుంది అని అంటే అది కృష్ణ కమలం.

ఈ మొక్కలో శ్రీకృష్ణుడు స్వయంగా నివసిస్తున్నాడని నమ్ముతారు. అంతేకాదు ఈ కృష్ణ కమలం పువ్వులో మహాభారతం నుంచి విశ్వ సృష్టి వరకు దైవిక సంకేతాలు ఉన్నాయి. జన్మాష్టమికి ముందు ఇంట్లో ఈ మొక్కను నాటడం శుభప్రదంగా భావిస్తారు. ఇది ఆనందం, అదృష్టాన్ని ఇచ్చే మొక్కగా పరిగణించబడుతుంది.

కృష్ణ కమలం అంటే ఏమిటి?

కృష్ణ కమల (పాసిఫ్లోరా ఇన్కార్నాట) అనేది ఒక తీగ మొక్క ఇది ప్రత్యేక నిర్మాణంతో అందమైన నీలం-ఊదా రంగుల కలయికతో ఉండే అందమైన పువ్వులను ఇస్తుంది. ఈ మొక్క ప్రతి పొర, ప్రతి రేక కేవలం ఒక పువ్వు మాత్రమే కాదు.. శ్రీ కృష్ణుడి పాత్ర, ఆయన అవతారాలు, విశ్వ సృష్టి రహస్యానికి చిహ్నం అని నమ్ముతారు.

ఇవి కూడా చదవండి

అక్కడ రాహుకాలంలో పాలు పోస్తే నీలంరంగులోకి మారితే దోషం తొలగినట్లే

ఇంట్లో వెదురు మొక్కని పెంచుకోవడానికి వాస్తు నియమాలున్నాయని తెలుసా

నేటికీ సైన్స్ కి సవాల్ ఈ ఆలయం.. నీటితో వెలిగే దీపాలు.. ఎక్కడంటే

కోడి, కాకిలోని ఈ లక్షణాలు నేర్చుకునే మనిషి జీవితం సంపన్నం..

ఈ పువ్వులో శ్రీకృష్ణుడు నివసిస్తున్నాడు.

కృష్ణ కమలం ఉన్న ఇంట్లో కృష్ణుడి ఆశీస్సులు స్వయంచాలకంగా ఉంటాయని భక్తులు, అనేక మంది సాధువులు నమ్ముతారు. ఈ మొక్క ప్రతికూల శక్తిని తొలగిస్తుంది. ఇది ఇంట్లో అదృష్టం, ప్రేమను పెంచుతుంది. ముఖ్యంగా జన్మాష్టమి సమయంలో ఇంటికి తీసుకురావడం చాలా పుణ్యప్రదంగా పరిగణించబడుతుంది.

ఈ పువ్వులో కనిపించే మహా భారత చిహ్నాలు ఏమిటంటే

1. 100 సన్నని గీతలు: పువ్వు లోపలి వృత్తంలో ఉన్న ఈ సన్నని గీతలు 100 మంది కౌరవులను సూచిస్తాయి.
2. 5 మందపాటి రేకులు: ఇవి 5 పాండవులతో సంబంధం కలిగి ఉంటాయి.
3. మూడు కేంద్ర బిందువులు: బ్రహ్మ, విష్ణు, మహేశ్వరుల త్రిమూర్తులుగా పరిగణించబడుతుంది.
4. కేంద్రీకృత నిర్మాణం: ఇది సృష్టి కేంద్రమైన పరమాత్మను సూచిస్తుందని నమ్ముతారు.
5. గుండ్రని వృత్తం: ఇది కృష్ణుడి ప్రధాన ఆయుధమైన సుదర్శన చక్రాన్ని గుర్తుకు తెస్తుంది.
6. ఆకుపచ్చ-ఊదా రంగు తీగలు: ఇవి నెమలి ఈకలు, వేణువు తరంగాలకు ప్రతి రూపంగా నిలుస్తున్నాయి.
7. ఈ పువ్వు కేవలం అలంకారమైనది కాదు ఇది ఒక దైవిక పుష్పం. ఇది మొత్తం కృష్ణ తత్వాన్ని ప్రతిబింబిస్తుంది.

ఏ దిశలో నాటడం ఉత్తమమైనది

వాస్తు శాస్త్రం ప్రకారం ఈ మొక్కను ఈశాన్య దిశలో నాటడం అత్యంత శుభప్రదం. అక్కడ ఆ మొక్క దైవిక శక్తిని ఆకర్షిస్తుంది. కుటుంబ సభ్యులకు శాంతి, సామరస్యం మరియు శ్రేయస్సును తెస్తుంది.

ఆయుర్వేద ప్రయోజనాలు

కృష్ణ కమలాన్ని ఆయుర్వేదంలో మానసిక ప్రశాంతతను ఇచ్చే మొక్కగా కూడా పరిగణిస్తారు. దీని ఆకులను కొన్ని మందులలో ఉపయోగిస్తారు, ఇవి ఒత్తిడి, నిద్రలేమి, అశాంతిని తగ్గిస్తాయి. దీని ఉనికి ఇంటి వాతావరణాన్ని ప్రశాంతంగా, అందంగా,సాత్వికంగా ఉంచుతుంది.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.