Indian Culture: ఆహారాన్ని మనసు పెట్టి తినాలని చెబుతుంది భారతీయ సంస్కృతి..మన సంప్రదాయంలో ఆహారాన్ని ఎలా తీసుకోవాలంటే..

Indian Culture: అనాదిగా భారతీయ సంస్కృతీ సంప్రదాయాలు మిగిలిన ప్రపంచం కంటే విభిన్నమైనవి. భారతీయ సంస్కృతి ప్రపంచానికి ఆదర్శంగా నిలిచింది. మానవుల వ్యవహార శైలిలో ప్రతి అంశాన్ని పద్దతిగా ఎలా ఉండాలో నేర్పించింది భారతీయ సంస్కృతి. మానవ జీవనశైలిని ఆధ్యాత్మికతతో పెనవేసి చక్కని నడవడిని తీర్చి దిద్దిన ఘనత భారతీయ సంస్కృతి, సంప్రదాయాలదే. చాలా ప్రపంచ దేశాల్లో మన పురాతన జీవన శైలి పట్ల ఎంతో ఆసక్తి కనబరుస్తారు.

భారతీయ సంస్కృతిలో, ఏ ఆహారాన్ని తినాలి, ఎప్పుడు తినాలి ఎవరి చేతి ఆహారం తినాలి అదేవిధంగా ఎలా తినాలి అనేవి వివరంగా వివరించబడ్డాయి. ప్లేట్ చుట్టూ మూడుసార్లు నీరు చల్లుకునే సంప్రదాయం మనకు ఉంది. అంటే ఆహార దేవతను గౌరవించడం. దీని వెనుక ఒక తార్కిక కారణం ఉంది. మునుపటి ప్రజలు సాధారణంగా నేలమీద కూర్చున్న ఆహారాన్ని తినేవారు. అటువంటి పరిస్థితిలో, నీటి వాడకం కారణంగా, ప్లేట్ చుట్టూ ఒక వృత్తం ఏర్పడుతుంది. దీనివలన ఏ సూక్ష్మక్రిములు ప్లేట్ దగ్గరకు రాలేవు. ఇటువంటి నియమాలు ఆహారం విషయంలో భారతీయ సంస్కృతి చాలా చెప్పింది.

ఆహారాన్ని మనసు పెట్టి తినాలి అని చెబుతారు. నిజాయతీగా సంపాదించిన ఆహారాన్ని తినే వ్యక్తుల మనసు ఆహ్లాదంగా ఉండాలి అని దీని అర్ధం. ఆహారాన్ని సంపాదించడానికి పడిన కష్టం నుంచి మనసు పెట్టి తినడంలో ఊరట లభిస్తుందని చెబుతారు.

శుభ్రమైన ప్రదేశంలో ఆహారాన్ని తయారు చేయాలి. తల్లి, భార్య, కుమార్తె తయారుచేసిన ఆహారం ఎప్పుడూ రుచిగానే ఉండడటమే కాకుండా ఆహారం దొరకని పరిస్థితి రానీయదని అంటారు.

పూర్వం ఆహార పదార్థాలు మొదట అగ్నిదేవునికి అంకితం చేసేవారు. అప్పుడు పంచవాలిక విధానం అమలులో ఉండేది. ఉంది. దీనిలో ఆవులు, కుక్కలు, కాకులు, చీమలు,దేవతలకు ఆహారం సిద్ధం చేయడానికి ఒక పధ్ధతి నిర్దేశించారు. పంచవాలిక కోసం ఆహారాన్ని పక్కకు తీసిన తరువాత, ఇంట్లో ఎవరైనా అతిథి ఉంటే, అతన్ని మొదట ఆహారంతో సంతృప్తి పరచాలని ఈ విధానంలో చెబుతారు. అతిథులకు ఇచ్చే ఆహరం విషయంలో కొన్ని నియమాలు ఉన్నాయి. అతిథిని సంతోష పెట్టే విధంగా ఆహరం ఉండాలి. అంతే ఆ వ్యక్తికీ ఇష్టమైన ఆహారాన్ని తయారు చేసి అందించాలి. అదేవిధంగా అతిథికి పెట్టే ఆహరం కచ్చితంగా తాజాగా ఉండాలి.

ఇక ఆహారం ఎలా ఉన్నా.. దానిని సంతోషంగా స్వీకరించాలని మన ధర్మం చెబుతోంది. ఆహారం విషయంలో పేర్లు పెట్టడం వంటివి లేకుండా దానిని పరబ్రహ్మ ప్రసాదంగా భావించి తీసుకోవాలని పెద్దలు చెబుతారు.

సనాతన సంప్రదాయంలో, భోజనానికి ముందు మంత్రాలను పఠించే సంప్రదాయం కొనసాగుతోంది. ఈ మంత్రాలను జపించడం ద్వారా, ఆహారంతో పాటు దేవతలు, దేవతల ఆశీర్వాదం ఎల్లప్పుడూ మనపై ఉంటుందని నమ్ముతారు.

Also Read: Dwaraka Temple: ద్వారకా శ్రీకృష్ణుని ఆలయంపై పిడుగుపాటు..త్రుటిలో తప్పిన పెను ప్రమాదం

Seetharama Swamy: సీతారామ స్వామి మందిరం వద్ద ఓ అపురూప దృశ్యం.. విగ్రహాల వద్ద వానరం