Garuda Puran: గరుడ పురాణం ప్రకారం రోజుని ఈ నాలుగు పనులతో ప్రారంభిస్తే.. అనేక ప్రయోజనాలు మీ సొంతం

గరుడ పురాణానికి హిందూ మతంలో ముఖ్యమైన స్థానం ఉంది. ఇది 18 మహాపురాణాలలో ఒక ముఖ్యమైన పురాణంగా పరిగణించబడుతుంది. గరుడ పురాణంలో విజయవంతమైన జీవిత సారాంశం ఉంది. కనుక ప్రతి ఒక్కరూ గరుడ పురాణాన్ని పారాయణం చేయాలి. దానిలో చెప్పిన విషయాలను తమ జీవితంలో స్వీకరించాలి. అయితే గరుడ పురాణం గురించి సాధారణ ప్రజలలో ఒక నమ్మకం ఉంది. దీనిని ఇంట్లో ఎవరైనా మరణించినప్పుడు మాత్రమే ఇంట్లో చదవాలని. గరుడ పురాణం ప్రధానంగా మూడు భాగాలుగా విభజించబడింది (ఆచారఖండం, ధర్మకాండము, బ్రహ్మకాండము). మీరు గరుడ పురాణంలోని మొదటి భాగాన్ని అంటే ఆచారఖండం లేదా పూర్వఖండం ఎప్పుడైనా పఠించవచ్చు.

గరుడ పురాణం మొదటి భాగంలో విశ్వం మూలం, ధ్రువుని పాత్ర, పన్నెండు ఆదిత్యుల కథ, గ్రహాల మంత్రాలు, పూజా విధానం, భక్తి, జ్ఞానం, వైరాగ్యం, మంచి ప్రవర్తన, త్యాగం, దానం, తపస్సు, జపం, తీర్థయాత్ర, మంచి పనులు వంటి అనేక లౌకిక, అతీంద్రియ విషయాలున్నాయి. దీనితో పాటు, వ్యాకరణం, పద్యం, అచ్చులు, జ్యోతిషశాస్త్రం, ఆయుర్వేదం, రత్నసారం, నీతిసారం మొదలైన అంశాలు కూడా ఈ విభాగంలో చేర్చబడ్డాయి. కనుక ప్రతి వ్యక్తి గరుడ పురాణంలో మొదటి భాగాన్ని చదవాలి. దీనిలో పేర్కొన్న విషయాలను తమ జీవితంలోకి అన్వయించుకోవాలి. దీనితో వ్యక్తి చెడు పనులకు దూరంగా ఉండి సంతోషకరమైన జీవితాన్ని గడుపుతాడు. తరువాత మోక్షాన్ని పొందుతాడు.

గరుడ పురాణంలో శ్రీ మహా విష్ణువు స్వయంగా మనుషులు చేసే చేయాల్సిన పనుల గురించి చెప్పాడు. ఈ పనులతో మీరు మీ రోజును ప్రారంభిస్తే.. మీకు ప్రయోజనాలు కలుగుతాయి. ప్రతి పనిలోనూ విజయం సాధిస్తాయి. ఈ రోజు ఆ పనులు ఏమిటో తెల్సుకుందాం..

ఇవి కూడా చదవండి

భారత్ పాక్ మధ్య ఉన్న ఈ లోయ అందానికే కాదు ఎన్ని విశేషాలు సొంతం

ఒక రాధ ఇద్దరు కృష్ణులు ఇంటి ఖర్చులు తగ్గించుకునేందుకు మహిళనిర్ణయం

అమ్మవారి ప్రసాదం పులిహోరలో చచ్చిన పాము పిల్ల.. షాక్ తిన్న భక్తులు

ఆర్ధిక ఇబ్బందులా వైశాఖ పౌర్ణమి రోజున ఈ ఒక్క పరిహారం చేసి చూడండి..

ఈ 4 విషయాలతో మీ రోజును ప్రారంభించండి

గరుడ పురాణం ప్రకారం ఒక వ్యక్తి ప్రతిరోజూ స్నానం చేసిన తర్వాత ముందుగా దేవుడిని పూజించాలి. రోజును పూజతో ప్రారంభించడం ద్వారా దేవతలు మాత్రమే కాదు పూర్వీకుల ఆశీర్వాదం కూడా పొందుతారు. చేపట్టిన ప్రతి పనిలో విజయం సాధిస్తారు.

ఉదయం ఆహారం తీసుకునే ముందు.. ఆ ఆహారాన్ని దేవునికి సమర్పించండి. దీని తర్వాతే ఆహారం, నీరు తీసుకోండి. ఇలా చేయడం వలన అన్నపూర్ణ దేవి ఆశీస్సులు లభిస్తాయి. ఇంట్లో ఆనందం, ఆర్ధిక శ్రేయస్సుకు లోటు ఉండదు.

గరుడ పురాణంలో విష్ణువు ప్రతి వ్యక్తి రోజుకు ఒక్కసారైనా తన గురించి తాను ఆత్మపరిశీలన చేసుకోవాలని చెప్పాడు. ఇలా చేయడం వలన మీకు తప్పు ఒప్పుల మధ్య తేడాను గుర్తించడంలో.. కొత్త ఆలోచనలను చేయడంలో సహాయపడుతుంది.

ప్రతిరోజూ ఎవరో ఒకరికి సహాయం చేయాలి. మీ సామర్థ్యం ప్రకారం ఆకలితో ఉన్న వ్యక్తికి ఆహారం పెట్టవచ్చు, ఆవుకు ఆహారం అందించవచ్చు. పక్షులకు ధాన్యాన్ని తినిపించవచ్చు. లేదా కుక్కకు రొట్టె తినిపించవచ్చు. ఎవరైతే ప్రతిరోజూ ఈ పనులను క్రమం తప్పకుండా చేస్తారో.. వారికి పుణ్యం లభిస్తుంది.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి

నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.