Buddha Purnima: బుద్ధ పూర్ణిమ రోజు ఇంటికి వీటిని తీసుకొస్తే.. సంతోషం మీ వెంటే!
బుద్ధ పూర్ణిమకు చాలా విశిష్టత ఉంది. బౌద్ధ మతంలో దీన్ని చాలా ముఖ్యమైన పండుగగా పరిగణిస్తారు. ఈ పూర్ణిమ సంవత్సరానికి ఒకసారి మాత్రమే వస్తుంది. ప్రతీ ఏడాది.. వైశాఖ మాసం పౌర్ణమి రోజు ఈ బుద్ధ పూర్ణిమ వస్తుంది. ఈ సంవత్సరం మే 23వ తేదీన వచ్చింది. ఈ రోజునే బుద్ధుడు జన్మించాడు. విష్ణుమూర్తినే బుద్ధుడి రూపంగా జన్మించాడని చాలా మంది నమ్ముతారు. గౌతమ బుద్ధుడికి జ్ఞానం, మోక్షం రెండూ ఈ రోజునే లభించాయి. అందుకే ఈ రోజును మరింత ప్రత్యేకంగా..
Updated on: May 23, 2024 | 1:36 PM
బుద్ధ పూర్ణిమకు చాలా విశిష్టత ఉంది. బౌద్ధ మతంలో దీన్ని చాలా ముఖ్యమైన పండుగగా పరిగణిస్తారు. ఈ పూర్ణిమ సంవత్సరానికి ఒకసారి మాత్రమే వస్తుంది. ప్రతీ ఏడాది.. వైశాఖ మాసం పౌర్ణమి రోజు ఈ బుద్ధ పూర్ణిమ వస్తుంది. ఈ సంవత్సరం మే 23వ తేదీన వచ్చింది. ఈ రోజునే బుద్ధుడు జన్మించాడు. విష్ణుమూర్తినే బుద్ధుడి రూపంగా జన్మించాడని చాలా మంది నమ్ముతారు. గౌతమ బుద్ధుడికి జ్ఞానం, మోక్షం రెండూ ఈ రోజునే లభించాయి. అందుకే ఈ రోజును మరింత ప్రత్యేకంగా భావిస్తారు. ఇలాంటి రోజున ఇంటికి కొన్ని వస్తువులు తెచ్చుకోవడం వల్ల అదృష్టాన్ని పెంచుకోవచ్చని బుద్ధ మతానికి చెందిన వాళ్లు అంటారు. మరి ఆ వస్తువులు ఏంటో ఇప్పుడు చూద్దాం.
బుద్ధ విగ్రహం:
బుద్ధ పూర్ణిమ రోజు.. గౌతమ బుద్ధుని విగ్రహాన్ని కొనుగోలు చేసి.. ఇంటికి తెచ్చుకోవచ్చు. ఇలా చేయడం ఎంతో శుభంగా చెప్తారు. చిన్న విగ్రహం అయినా పర్వాలేదు.. ఈ రోజు కొనాలని అంటారు. వీటిని మీ ఇంట్లో కానీ.. మీ ఆఫీసు డెస్క్‌లో కానీ పెట్టుకోవచ్చు. బుద్ధుని విగ్రహం కొనడం వల్ల.. జీవితంలో శ్రేయస్సు, ఆనందం కలుగుతాయి.
పసుపు రంగు దుస్తులు కొనండి:
గౌతమ బుద్ధుడికి పసుపు రంగు దుస్తులు అంటే చాలా ఇష్టం. కాబట్టి ఈ రోజు వీలైతే పసుపు రంగు దుస్తులు కొనడం వల్ల.. శుభ ప్రదంగా భావిస్తారు.
గవ్వలను తప్పకుండా తీసుకోండి:
బుద్ధ పూర్ణిమ రోజు తీసుకోవాల్సిన వస్తువుల్లో గవ్వలు కూడా ఒకటి. ఈ గవ్వలు కొనడం వల్ల ఆ వ్యక్తిపై లక్ష్మీ దేవి అనుగ్రహం తప్పకుండా నిలిచి ఉంటుంది. అంతే కాకుండా సంపద, పెరుగుదల కూడా అవుతుంది. ఆర్థిక సమస్యలు ఉన్నవారు.. వీటిని ఈ రోజు కొనడం వల్ల మంచి ఫలితం ఉంటుందని చెబుతారు.
వెండి నాణెం:
బుద్ధ పూర్ణిమ రోజు స్తోమత ఉన్నవారు వెండి నాణెం కొనడం చాలా శుభ ప్రదంగా భావిస్తారు. వెండి నాణెం కొని.. పూజించి భద్రంగా దాచుకోవాలి. ఈ రోజున వెండి నాణెం కొనడం వల్ల ఇంట్లో సంపద పెరుగుతుంది.
ఇత్తడి ఏనుగు:
బుద్ధ పూర్ణిమ రోజు.. ఇత్తడి ఏనుగు కొనడం వల్ల చాలా మంచిది. ఏనుగు.. శ్రేయస్సు, అదృష్టం, జ్ఞానం చిహ్నంగా పరిగణిస్తారు. అందుకే ఈ రోజు ఇత్తడి ఏనుగు కొంటే.. ఇంట్లో శాంతి, శ్రేయస్సు, ఆనందం కలుగుతాయి.
