ఇదెక్కడి ‘మోసం’ ? పేదోళ్ల నోట్లో ‘మట్టి ‘ ! ఈ యాడ్ వైనం చూడాల్సిందే ! అంతా ‘మాయాజాలం..!!

ప్రధానమంత్రి ఆవాస్ యోజన కింద దేశంలో పేదలకు ఇళ్ళు నిర్మించి ఇస్తున్నామని మోదీ ప్రభుత్వం ప్రకటించుకుంటోంది. ఈ పథకం కింద బెంగాల్ లో ఓ పేద మహిళ చక్కని ఇంటి సౌకర్యాన్ని పొందిందని అంటూ ప్రధాని మోదీ ఫొటోతో కూడిన యాడ్ ని డైలీలు ప్రచురించాయి. '

Kolkata Woman Seen In Housing Ad With Pm Modi

Umakanth Rao | Edited By: Phani CH|
Updated on: Mar 22, 2021 | 7:21 PM

ప్రధానమంత్రి ఆవాస్ యోజన కింద దేశంలో పేదలకు ఇళ్ళు నిర్మించి ఇస్తున్నామని మోదీ ప్రభుత్వం ప్రకటించుకుంటోంది. ఈ పథకం కింద బెంగాల్ లో ఓ పేద మహిళ చక్కని ఇంటి సౌకర్యాన్ని పొందిందని అంటూ ప్రధాని మోదీ ఫొటోతో కూడిన యాడ్ ని డైలీలు ప్రచురించాయి. ‘ ఆత్మ నిర్భర్ భారత్, ఆత్మ నిర్భర్ బెంగాల్’ అనే టైటిల్ తో గల ఈ యాడ్ ని చూస్తే నిజమే కాబోలనుకుంటాం. బెంగాల్ లో ఇప్పటివరకు ఇలా 24 లక్షల ఇళ్ళు నిర్మించి ఇ చ్చారన్నది ఈ యాడ్ కాన్సెప్ట్.. పైగా ఈ ఫొటోలో ఉన్న మహిళ..తనకు ఇంత మంచి ఇల్లు ఇచ్చినందుకు ప్రధానికి కృతజ్ఞతలు చెబుతున్నట్టు కూడా ఇందులో ఉంది. కానీ ఇక్కడ ఓ తిరకాసు.. ఈ ఫొటోలో ఉన్న మహిళ పేరు లక్ష్జ్మీదేవి అట.. ఈమె కోల్ కతా లో ఓ దాదాపు మురికివాడ వంటి ప్రాంతంలో పూరిళ్ల మధ్య నివసిస్తోంది.తాను నెలకు ఈ ఇంటికి 500 రూపాయల అద్దె చెల్లిస్తున్నానని, ఇల్లు చిన్నదైనందున తమ పిల్లలు ఇంట్లో పడుకుంటే తాము బయట ఫుట్ పాత్ పై పడుకుంటామని ఆమె తెలిపింది. తమకు ఏ ప్రభుత్వ పథకం గురించి కూడా తెలియదని చెప్పింది. నగరంలో ఒకచోట తను టాయిలెట్లు కడుగుతుంటానని. కానీ తనకు తెలియకుండా ఎవరో, ఎప్పుడు ఈ ఫోటో తీసుకున్నారో తెలియదని లక్ష్మీదేవి చెప్పింది.

మాకసలు సొంత ఇల్లే లేదు.. అలాంటిది ఈ యాడ్ లో ఇలా ఇల్లు ఉన్నట్టు చూపడమేమిటని ఆ అమాయకురాలు ఆశ్చర్యపోయింది.ఈ విధమైన యాడ్ లు ప్రజలను పక్కదారి పట్టించడానికే అని కాంగ్రెస్ వంటి విపక్షాలు ఆరోపిస్తున్నాయి. ఇంకా ఇలాంటి పేద మహిళల ఫోటోలను బీజేపీ కార్యకర్తలుగా భావిస్తున్నవారు ఎన్ని తీశారో అని ప్రతిపక్షాలు విమర్శిస్తున్నాయి.

कोलकाता की लक्ष्मी देवी को विज्ञापन में प्रधानमंत्री आवास योजना के तहत आवास मिला लेकिन हकीकत में रहती है किराए के घर में.#ReporterDiary #RE pic.twitter.com/p7rmVHSlhv

— AajTak (@aajtak) March 22, 2021