Andhra: ఉరి అలా కాదు.. ఇలా వేసుకోవాలి అంటూ భార్యకు సూచనలు చేస్తూ…

భార్యాభర్తల మధ్య గొడవలు అనేక కుటుంబాలలో కన్నీరుని మిగిల్చాయి. గొడవ జరిగిన తర్వాత ఆగ్రహావేశాలకు లోనై ఉరివేసుకొని అనేక మంది ప్రాణాలు పోగొట్టుకున్నారు.. అలాంటిదే ఇప్పుడు  కడప జిల్లా రాజంపేటలో కూడా జరిగింది.. అయితే భార్య ఉరివేసుకుంటుంటే భర్త అక్కడే ఉన్నా కనీసం కాపాడకపోగా ఉరి ఎలా వేసుకోవాలో తనకు వివరించిన వీడియో ఇప్పుడు వైరల్‌గా మారింది.

కడప జిల్లా రాజంపేట మండలం బోయినపల్లి గ్రామంలో రైల్వే లోకో పైలట్‌గా పనిచేస్తున్న శ్రీరామ్ శ్రీనివాస్- అతని భార్య కృష్ణవేణి గురువారం కుటుంబ కలహాల వలన గొడవ పడ్డట్టు సమాచారం.. అయితే ఈ గొడవలు వీరికి నిత్యమేనని స్థానికులు చెప్తున్నారు .. ప్రతిరోజు గొడవపడటం తర్వాత మామూలుగా ఉండటం సర్వసాధారణమే అనుకున్నారు స్థానికులు కూడా… అయితే ఈసారి విధి వికటించింది. ఉరి వేసుకుంటానని భర్తతో గొడవ పడిన భార్య కృష్ణవేణి ఈసారి నిజంగానే ఉరి వేసుకుంది. అయితే ఆ ఉరి వేసుకునే సమయంలో భర్త శ్రీరామ్ శ్రీనివాస్ కూడా అక్కడే ఉన్నాడు. భార్య ఉరి వేసుకుంటుంటే కనీసం ఆమెను ఆపకపోగా.. ఉరి అలా కాదు ఇలా వేసుకోవాలి అంటూ తనకు సూచనలు చేస్తూ వీడియో రికార్డు చేశాడు. సరాదాగా భావించి తన భార్యను కాపాడుకోలేకపోయాడా లేక కావాలని ఆమెను ఉరిని ప్రేరేపించాడా అనేదానిపై పోలీసులు విచారణ చేస్తున్నారు.. కృష్ణవేణి మృతిపై ఆమె బంధువులు ఆగ్రహావేశాలకు లోనై శ్రీరామ్‌పై దాడికి ప్రయత్నించడంతో పోలీసులు అడ్డుకున్నారు.. అయితే కృష్ణవేణి మృతికి ఆమె భర్తే కారణమని అతని శిక్షించాలని వారు పట్టుబడ్డారు. దీంతో పోలీసులు ఇతనిని అదుపులోకి తీసుకున్నట్లు సమాచారం. ఉరి వేసుకుంటుంటే కనీసం ఆపకపోగా చిత్రీకరించిన భర్త శ్రీరామ్ శ్రీనివాసులపై స్థానికులు మండిపడుతున్నారు.

Also Read: కరివేపాకు చెట్టుకు ఇది వేశారంటే.. సూపర్‌గా పెరుగుతుంది..