Acne: మొటిమలతో విసిగిపోయారా? వీటి బాధ తగ్గాలంటే ఇలా చేయండి..
యుక్తవయసులో మొటిమలు రావడం సర్వ సాధారణం. దీనికి మూలం శరీరంలో హార్మోన్ల మార్పులు. సాధారణంగా మొటిమలు ముఖం మీదేకాకుండా వీపు, ఛాతీ, భుజాల మీదా కూడా వస్తుంటాయి. అయితే కొన్ని జాగ్రత్తలతో ఈ సమస్య నుంచి బయటపడొచ్చు. రోజుకు రెండు సార్లు తప్పనిసరిగా ముఖాన్ని శుభ్రంగా కడుక్కోవాలి. ఇలా చేస్తే చర్మంపై జిడ్డు తగ్గి, మృతకణాలు తొలగిపోతాయి. అలాగని ఎక్కువసార్లు ముఖం కడుక్కుంటే లేనిపోని చిక్కులు వెంటాడుతాయి..
యుక్తవయసులో మొటిమలు రావడం సర్వ సాధారణం. దీనికి మూలం శరీరంలో హార్మోన్ల మార్పులు. సాధారణంగా మొటిమలు ముఖం మీదేకాకుండా వీపు, ఛాతీ, భుజాల మీదా కూడా వస్తుంటాయి. అయితే కొన్ని జాగ్రత్తలతో ఈ సమస్య నుంచి బయటపడొచ్చు.
1 / 5
రోజుకు రెండు సార్లు తప్పనిసరిగా ముఖాన్ని శుభ్రంగా కడుక్కోవాలి. ఇలా చేస్తే చర్మంపై జిడ్డు తగ్గి, మృతకణాలు తొలగిపోతాయి. అలాగని ఎక్కువసార్లు ముఖం కడుక్కుంటే లేనిపోని చిక్కులు వెంటాడుతాయి. కఠినమైన సబ్బులు చర్మాన్ని చికాకు తెప్పించి అసౌకర్యంగా అనిపిస్తాయి. కాబట్టి ఎల్లప్పుడూ మృదువైన సబ్బులనే వాడుకోవాలి. ముఖాన్ని తువ్వాలుతో గట్టిగా రుద్దటం వంటివి చేయకూడదు. మెత్తటి తువ్వాలుతో ముఖాన్ని అద్దుతూ సున్నితంగా తుడుచుకోవాలి.
2 / 5
ముఖంపై మొటిమలను గిల్లకూడదు. తరచూ చేతులను ముఖానికి తాకిస్తుంటే చేతులకు ఉండే బ్యాక్టీరియా మారింత వ్యాపించే అవకాశం ఉంది. అలాగే మొటిమలను గిల్లటం, గోకటం, నొక్కటం వంటివేవీ చేయకూడదు. ఇలా చేస్తే బ్యాక్టీరియా మరింత లోపలికి వెళ్లి ఇన్‌ఫెక్షన్‌కు అధికం కావచ్చు.
3 / 5
మొటిమలు తగ్గటానికి మెడికల్‌ షాపుల్లో దొరికే లేపనాలు, మందులు వాడుకోవచ్చు. వీటిల్లో బెంజైల్‌ పెరాక్సైడ్‌, శాలిసైలిక్‌ యాసిడ్‌, గ్లైకాలిక్‌ యాసిడ్‌, లాక్టిక్‌ యాసిడ్‌ వంటి పోషకాలు ఉంటాయి. ఇవి బ్యాక్టీరియాను నిర్మూలించి చర్మానికి మేలు చేస్తాయి
4 / 5
మొటిమలు అధికంగా ఉన్నప్పుడు ఫౌండేషన్‌, పౌడర్‌ వంటివి అప్లై చేయకపోవడమే మంచిది. ఒకవేళ మేకప్‌ వేసుకుంటే రాత్రిపూట పూర్తిగా తొలగించి నిద్రకు ఉపక్రమించాలి. తల స్నానం చేసేటప్పుడు తల మీది నూనె నుదురుకు తాకి, మొటిమలు వచ్చే అవకాశం ఉంది. ఫలితంగా మొటిమలు మరింత ఎక్కువ కావొచ్చు కూడా. అందుకే మృదువైన షాంపూతో శుభ్రంగా తలస్నానం చేయాలి. చర్మంతో పాటు శరీరం మొత్తం ఆరోగ్యంగా ఉండటానికి వ్యాయామం చేయాలి. ఆ తర్వాత వెంటనే స్నానం చేయాలి.
