మెడికో గ్యాంగ్‌ రేప్‌.. ముగ్గురు నిందితుల అరెస్ట్‌! వారి బ్యాగ్రౌండ్‌ ఏంటంటే..?

పశ్చిమ బెంగాల్‌లోని పశ్చిమ బర్ధమాన్ జిల్లాలోని ఒక ప్రైవేట్ మెడికల్ కాలేజీ విద్యార్థినిపై జరిగిన సామూహిక అత్యాచారం కేసు దేశవ్యాప్తంగా సంచలనం సృష్టించిన విషయం తెలిసిందే. ఈ కేసుకు సంబంధించి ముగ్గురు నిందితులను ఆదివారం అరెస్టు చేసినట్లు పోలీసులు తెలిపారు. అరెస్టు చేసిన ముగ్గురు నిందితుల గుర్తింపులను పోలీసులు ఇంకా వెల్లడించలేదు. ఈ కేసుకు సంబంధించి మేము ముగ్గురిని అరెస్టు చేశాం, వారిని ప్రశ్నిస్తున్నారు. ఇది చాలా సున్నితమైన కేసు, మరిన్ని వివరాలను మేం తరువాత వెల్లడిస్తాం అని పోలీసు అధికారి తెలిపారు.

ఒడిశాలోని జలేశ్వర్‌కు చెందిన మెడికల్ కాలేజీ విద్యార్థినిపై దుర్గాపూర్‌లో కొంతమంది వ్యక్తులు అత్యాచారం చేశారని పోలీసులు శనివారం తెలిపారు. శుక్రవారం రాత్రి దుర్గాపూర్‌లోని ప్రైవేట్ మెడికల్ కాలేజీ క్యాంపస్ వెలుపల ఈ సంఘటన జరిగింది. సెకండియర్‌ చదువుతున్న విద్యార్థిని తన స్నేహితురాలితో కలిసి విందు కోసం బయటకు వెళ్ళింది.

ఆ విద్యార్థిని ఆసుపత్రిలోనే చికిత్స పొందుతోంది. పోలీసులకు తన వాంగ్మూలం ఇచ్చింది. ఈ సంఘటన అధికార తృణమూల్ కాంగ్రెస్, ప్రతిపక్ష పార్టీల మధ్య రాజకీయ విమర్శలు మొదలయ్యాయి. దీనితో ఒడిశా ముఖ్యమంత్రి మోహన్ చరణ్ మాఝి ఆందోళన వ్యక్తం చేసి, పశ్చిమ బెంగాల్ ముఖ్యమంత్రి మమతా బెనర్జీని నిందితులపై త్వరగా చర్యలు తీసుకోవాలని కోరారు.

మరిన్ని జాతీయ వార్తల కోసం ఇక్కడ క్లిక్‌ చేయండి