వచ్చే వారంలోనే కరోనా నిరోధక వ్యాక్సిన్‌…?

కరోనా వైరస్‌తో కకావికలం అవుతున్న ప్రపంచానికి ఓ చల్లటి వార్త చెప్పంది బ్రిటన్‌కు చెందిన ఓ పత్రిక..కరోనా వైరస్‌ను అంతం చేసే ఆస్ట్రాజెనెకా వ్యాక్సిన్‌ అతి త్వరలో అందుబాటులో రాబోతున్నదని బ్రిటన్‌ పత్రిక ‘ది సన్‌’ తెలిపింది.. వచ్చే వారం వ్యాక్సిన్‌ను తీసుకోవడానికి సిద్ధంగా ఉండాలంటూ లండన్‌లోని ఓ ప్రముఖ హాస్పిటల్‌కు ఆదేశాలు కూడా వెళ్లాయట! కరోనా నిరోధక టీకాను ఆక్స్‌ఫర్డ్‌, ఆస్ట్రాజెనెకా సంయుక్తంగా రూపొందిస్తున్నాయి.. నవంబర్‌ మొదటివారంలో ఆస్ట్రాజెనెకా వ్యాక్సిన్‌ తొలి దశ పంపిణీకి చేపట్టడానికి బ్రిటన్‌ ప్రభుత్వ ఆధ్వర్యంలోని నేషనల్‌ హెల్త్‌ సర్వీస్‌ కూడా సంసిద్ధమవుతోందట! టీకాల పంపిణీ కోసం ఓ ప్రముఖ ఆసుపత్రి సిబ్బందిని వినయోగిస్తున్నారని పత్రిక పేర్కొంది. ప్రస్తుతం కరోనా వైరస్‌పై పోరాడుతున్న వైద్యులు, నర్సులు, వైద్య సిబ్బందికి టీకాలు ఇస్తారు.. ఆ తర్వాత ఇతరులకు టీకాలు వేస్తారు.. అయితే నవంబర్‌ మొదటి వారం నుంచి టీకాల పంపిణీ మొదలవుతుందన్న వార్తలపై నేషనల్‌ హెల్త్‌ సర్వీస్‌ మాత్రం స్పందించలేదు.. అలాగని టీకా పంపిణీ లేదని కూడా చెప్పడం లేదు.. అయితే వచ్చే ఏడాది ప్రథమార్థంలో టీకా పంపిణీకి సన్నాహాలు చేస్తున్నట్లు బ్రిటన్‌ ఆరోగ్య శాఖ కార్యదర్శి మాట్‌ హాన్‌కాక్‌ చెప్పడం మాత్రం గమనించదగ్గ విషయం.. ఇదిలాఉంటే తాము అభివృద్ధి చేస్తున్న కరోనా వైరస్‌ నిరోధక వ్యాక్సిన్‌ వృద్ధులలోనూ బాగా పని చేస్తున్నదని, ఈ విషయం క్లినికల్‌ టెస్టుల్లో వెల్లడయ్యిందని ఆస్ట్రాజెనెకా చెబుతోంది..