Viral: రోడ్డుపై వెళ్తుండగా కాలువ పక్కన కనిపించిన బ్యాగ్.. అనుమానమొచ్చి తెరిచి చూడగా

లాతూర్ జిల్లా వాఢవణా పోలీస్ స్టేషన్ పరిధిలోని శేల్గావ్ సమీపంలో కాలువ పక్కన సూట్‌కేస్‌లో యువతి మృతదేహం బయటపడింది. సమాచారం అందుకున్న వెంటనే పోలీసులు సంఘటన స్థలానికి చేరుకొని ఫీల్డ్ యూనిట్‌ను పిలిపించి అక్కడి పరిస్థితులను సవివరంగా పరిశీలించారు. యువతిపై అత్యాచారం చేసి హత్య చేసి ఉండొచ్చని అనుమానం వ్యక్తమవుతోంది. పోలీసుల ప్రకారం, ఆగస్టు 25వ తేదీ సాయంత్రం శేల్గావ్ నుండి వాఢవణాకు వెళ్లే కాలువ రోడ్డుపై ఓ సూట్‌కేస్ పడివుందని సమాచారం అందింది. అందులో మహిళ మృతదేహం ఉందని అనుమానం వ్యక్తం చేశారు.

పోలీసులు అక్కడికి చేరుకొని సూట్‌కేస్ తెరిచి చూడగా దాదాపు 15 నుంచి 25 సంవత్సరాల మధ్య వయస్సు గల ఓ గుర్తు తెలియని యువతి మృతదేహం బయటపడింది. యువతి ముఖం, శరీరంపై గాయాల గుర్తులు కనిపించాయి. శవాన్ని పోస్ట్‌మార్టం కోసం తరలించగా, ఆ యువతి ఎవరో గుర్తించేందుకు ప్రయత్నాలు చేస్తున్నారు. పోలీసులు మృతదేహాన్ని స్వాధీనం చేసుకుని పంచనామా చేసి, చట్టపరమైన చర్యలు ప్రారంభించారు.