SIM Cloning : ఆ సిమ్ కార్డ్స్ అన్నింటినీ డియాక్టివేట్ చేసిన కేంద్ర ప్రభుత్వం.. సంచలన నిర్ణయం వెనుక రీజన్ ఇదే..
సైబర్ నేరాలు.. పోలీసు వ్యవస్థ, ప్రభుత్వాలకే సవాల్ విసురుతున్నాయి. అందుకే వాటి మూలాలపై దెబ్బ కొట్టాలనుకున్న కేంద్రం.. హై టెక్నాలజీనే ఆయుధంగా మలుచుకుంది. నకిలీ సిమ్లను అరికట్టేందుకు చర్యలు తీసుకుంది. మొత్తం మీద 8 లక్షల సిమ్ కార్డులను డి యాక్టివేట్ చేశాయి.
Updated on: Apr 02, 2023 | 11:48 AM
సైబర్ నేరాలు.. పోలీసు వ్యవస్థ, ప్రభుత్వాలకే సవాల్ విసురుతున్నాయి. అందుకే వాటి మూలాలపై దెబ్బ కొట్టాలనుకున్న కేంద్రం.. హై టెక్నాలజీనే ఆయుధంగా మలుచుకుంది. నకిలీ సిమ్లను అరికట్టేందుకు చర్యలు తీసుకుంది. మొత్తం మీద 8 లక్షల సిమ్ కార్డులను డి యాక్టివేట్ చేశాయి.
సైబర్ నేరాల్లో తొలి ఎపిసోడ్ నకిలీ సిమ్ లను అరికట్టడమే. ఇందుకోసం కేంద్ర ప్రభుత్వం ఆధునిక సాంకేతికతను ఆయుధంగా మార్చుకుంది. ఎనిమిది లక్షలకు పైగా నకిలీ సిమ్లు డీయాక్టివేట్ అయ్యాయి. ఆర్టిఫిషియల్ ఇంటెలిజెన్స్ ఫేస్ రికగ్నిషన్ ఎనేబుల్డ్ టెలికాం, సిమ్ సబ్స్క్రైబర్ వెరిఫికేషన్ సిస్టమ్ ద్వారా ఏజెన్సీలే వీటిని కనిపెడతాయి.
దేశవ్యాప్తంగా అమలులో ఉన్న ASTR సిస్టమ్..
సైబర్ నేరాల కేంద్రంగా పేరొందిన జామ్తార, మేవాత్, పురూలియా నుంచి వచ్చే ప్రతి అనుమానాస్పద కాల్లను ASTR సిస్టమ్ ద్వారా ఏజెన్సీలు పర్యవేక్షిస్తున్నాయి. ఈ సైబర్ క్రైమ్ స్పాట్లకు సంబంధించి.. 8 లక్షలకు పైగా నకిలీ సిమ్లు డియాక్టివేట్ చేయబడ్డాయి. ఎందుకంటే హై టెక్నాలజీతో, సిమ్ మార్పిడి చేయబడిందా లేదా నకిలీదా అనేది కొన్ని క్షణాల్లో ఏజెన్సీలకు తెలిసిపోతుంది. హర్యానా, మేవాత్లో ASTR పైలట్ ప్రాజెక్ట్ విజయవంతమైన తర్వాత, దేశవ్యాప్తంగా దీన్ని అమలు చేశారు.
దేశవ్యాప్తంగా నేరస్తుల డేటాను సిద్ధం చేసిన తర్వాత, దాన్ని ASTR సాఫ్ట్వేర్లో కలిపేస్తారు. విచారణ పూర్తయ్యే వరకు సిమ్ డియాక్టివేట్ చేయబడుతుందని అధికారులు చెబుతున్నారు.
డబ్బు కోసం రకరకాల ప్రయత్నాలు..
మీకు ఓ కాల్ వస్తుంది. మీరు డబ్బును పెట్టుబడిగా పెట్టాలని.. లేదా ట్రాన్స్ఫర్ చేయాలని అడుగుతూ..మెల్లగా పిన్ నెంబర్ తీసుకుంటారు. పిన్ నెంబర్ తీసుకున్న తర్వాత మళ్లీ దరిదాపుల్లో వాళ్లు కనిపిస్తే ఒట్టు.. అందుకే మీ ఫోన్లలో సిమ్ కార్డులు ఎంత బలమైనవి..ఎలాంటివి అన్నది చర్చనీయాంశంగా మారింది.
ASTR సహాయంతో SIM పొజిషన్ను తెలుసుకోవచ్చు..
విశేషమేమిటంటే అన్ని రాష్ట్రాలు, బ్యాంకులు, ఇతర సంస్థల సైబర్ యూనిట్లు కేంద్ర హోం మంత్రిత్వ శాఖకు చెందిన NCCRPతో లింక్ చేశారు. దీనికి సంబంధించిన సమాచారం అందిన వెంటనే.. అన్నింటిలో మొదటిది, ASTR సహాయంతో, SIM వాస్తవికతను తెలుసుకోవడం, ఆ తర్వాత సంబంధిత SIM డియాక్టివేట్ చేయబడుతుంది. దీని తర్వాతే తదుపరి చర్యలుంటాయి.
ఇందులో ఒక అంశం కూడా ఉంది.. ప్రభుత్వ అనుమతి లేకుండా వ్యక్తుల వివరాలను ఒకే చోట సేకరించి, ప్రభుత్వ గుర్తింపు కార్డులతో సరిపోల్చడం గోప్యత హక్కును ఉల్లంఘించడమే. నిపుణుల అభిప్రాయం ప్రకారం, ఏ వ్యవస్థకైనా నియమాలు, నిబంధనలు మస్ట్.. ఈ సాంకేతికతను ఉపయోగించే ముందు చట్టపరమైన ఆధారం స్పష్టంగా ఉండాలి.
కొత్త సిమ్ కార్డులను కొనాలని ఆర్డర్..
సిమ్ మార్చేసి లేదా.. సిమ్ ప్రాబ్లమ్ ఉందని.. నేరస్థుడు మొబైల్ సర్వీస్ ప్రొవైడర్ ద్వారా మీ రిజిస్టర్డ్ మొబైల్ కోసం కొత్త సిమ్ కార్డ్ని కొనాలని ఆర్డరేస్తుంది. కొత్త SIM కార్డ్ సహాయంతో, నేరస్థుడు మీ బ్యాంక్ ఖాతా ద్వారా ఆర్థిక లావాదేవీలను నిర్వహించే ప్రయత్నం చేస్తే ఇట్టే దొరికిపోతాడు. అందుకే..సైబర్ క్రైమ్ అనగానే ముందుగా చేయాల్సిన పని..సిమ్ బ్లాక్ చేయడం.. ఆతర్వాత నిందితుడిని ఈజీగా పట్టుకోగలరు.
మరిన్ని జాతీయ వార్తల కోసం ఈ లింక్ క్లిక్ చేయండి..
