Anti-Ship Missile: నావల్ యాంటీ షిప్ క్షిపణి పరీక్ష సక్సెస్.. వీడియోను విడుదల చేసిన భారత నావికాదళం..
ఒడిశాలోని బాలాసోర్‌లోని ఇంటిగ్రేటెడ్ టెస్ట్ రేంజ్‌లో ఈ పరీక్ష జరిగినట్లు అధికారులు వెళ్లడించారు. డీఆర్డీవో స‌హ‌కారంతో క‌లిసి బుధవారం ఇండియ‌న్ నేవీ విజయవంతంగా యాంటీ షిప్ మిస్సైల్‌ను..
Updated on: May 18, 2022 | 4:25 PM
భారత నావికాదళం(India Conducts ) తన ‘సీకింగ్ హెలికాప్టర్’ నుంచి దేశీయంగా అభివృద్ధి చేసిన తొలి నౌకా విధ్వంసక క్షిపణిని విజయవంతంగా ప్రయోగించింది. ఒడిశాలోని బాలాసోర్‌లోని ఇంటిగ్రేటెడ్ టెస్ట్ రేంజ్‌లో ఈ పరీక్ష జరిగినట్లు అధికారులు వెళ్లడించారు. డీఆర్డీవో స‌హ‌కారంతో క‌లిసి బుధవారం ఇండియ‌న్ నేవీ విజయవంతంగా యాంటీ షిప్ మిస్సైల్‌ను ప‌రీక్షించింది. స్వ‌దేశీయంగా అభివృద్ధి చేసిన నావల్ యాంటీ షిప్ మిస్సైల్‌ను సీకింగ్ 42బీ హెలికాప్టర్ నుంచి ప‌రీక్షించారు. దానికి సంబంధించిన వీడియోను అధికారులు విడుదల చేశారు. నావెల్ యాంటీ షిప్ మిస్సైల్‌ను ప‌రీక్షించ‌డం ఇదే తొలిసారి. సీకింగ్ 42బి హెలికాప్టర్ నుంచి క్షిపణి పేలుడుకు సంబంధించిన చిన్న వీడియోను భారత నావికాదళం ట్విట్టర్‌లో పోస్ట్ చేసింది. భారత నౌకాదళం, అండమాన్, నికోబార్ కమాండ్ సంయుక్తంగా బ్రహ్మోస్ సూపర్‌సోనిక్ క్రూయిజ్ క్షిపణి, యాంటీ-షిప్ వెర్షన్‌ను పరీక్షించిన ఒక నెల తర్వాత కొత్త క్షిపణిని ప్రయోగించారు.
భారత నౌకాదళం భారతదేశం సముద్ర భద్రతా ప్రయోజనాలను.. ముఖ్యంగా హిందూ మహాసముద్ర ప్రాంతంలో సమర్ధవంతంగా రక్షించడానికి దాని మొత్తం పోరాట సామర్థ్యాన్ని నిరంతరం మెరుగుపరుస్తుంది.
భారత నౌకాదళానికి చెందిన రెండు ఫ్రంట్‌లైన్ యుద్ధనౌకలను రక్షణ మంత్రి రాజ్‌నాథ్ సింగ్ మంగళవారం ప్రారంభించారు. ముంబైలోని మజాగాన్ పోస్ట్ లిమిటెడ్ (MDL)లో యుద్ధనౌక ‘INS సూరత్’ యుద్ధనౌక ‘INS ఉదయగిరి’ ప్రారంభించబడ్డాయి. INS సూరత్ P15B తరగతికి చెందిన నాల్గవ గైడెడ్-క్షిపణి-అనుకూలమైన డిస్ట్రాయర్ కాగా, INS ఉదయగిరి P17A తరగతికి చెందిన రెండవ స్టెల్త్ ఫ్రిగేట్.
