హనుమంతుడి విగ్రహాన్నే మింగేసిన చిన్నారి.. 6 గంటలకు పైగా గొంతులోనే.. చివరకు ఏమయ్యిందంటే..?
చాలా మంది చిన్నారులు కనిపించిన ప్రతిదానిని నోటిలో పెట్టుకుంటారు. ఈ క్రమంలోనే పెన్, స్పూన్, ఆడుకునే వస్తువులు, ముఖ్యంగా మట్టి వంటివి ఎప్పుడూ చిన్న పిల్లల నోటిలో నానుతూ ఉంటాయి. అయితే మహారాష్ట్రలో ఓ చిన్నారి ఏకంగా హనుమంతుడి విగ్రహాన్నే మింగేసింది. అదేంటీ హనుమంతుడ్ని
Updated on: Apr 04, 2023 | 9:13 AM
చిన్నపిల్లలలో చాలా మంది కనిపించిన ప్రతిదానిని నోటిలో పెట్టుకుంటారు. ఈ క్రమంలోనే పెన్, స్పూన్, ఆడుకునే వస్తువులు, ముఖ్యంగా మట్టి వంటివి ఎప్పుడూ చిన్న పిల్లల నోటిలో నానుతూ ఉంటాయి. అయితే మహారాష్ట్రలో ఓ చిన్నారి ఏకంగా హనుమంతుడి విగ్రహాన్నే మింగేసింది. అదేంటీ హనుమంతుడ్ని మింగడమేంటని మీరు ఆశ్చర్యపోతున్నారా..! కానీ నిజమే ఇది. మహారాష్ట్ర హింగోలీ జిల్లాకు చెందిన నాలుగేళ్ల పాప తన మెడలో కట్టి ఉన్న 3 అంగుళాల హనుమంతుడి విగ్రహాన్ని పొరపాటున మింగేసింది. దీంతో ఆ విగ్రహం చిన్నారి గొంతులో ఇరుక్కుపోయింది. అయితే ఆ పాప గొంతులో ఇరుక్కున్న విగ్రహాన్ని తొలగించి వైద్యులు చిన్నారిని కాపాడారు.
సోమవారం మధ్యాహ్నం ఆ చిన్నారి అనుకోకుండా హనుమంతుడి విగ్రహాన్ని మింగేసింది. అయితే అది పూర్తిగా కడుపులోకి వెళ్లకుండా గొంతులో అడ్డుపడి ఉంది. దీంతో ఆ పాపకు ఊపిరి సమస్య తీసుకోవడంలో ఇబ్బందికలిగి.. ఉక్కిరిబిక్కిరి అయింది. వెంటనే ఆ చిన్నారి జరిగిన విషయాన్ని తన తల్లిదండ్రులకు చెప్పడంతో వారు ఒక్కసారిగా షాక్ అయ్యారు. తల్లిదండ్రులు తక్షణమే ఆ చిన్నారిని స్థానిక ఆసుపత్రికి తీసుకెళ్లగా.. అక్కడి వైద్యులు నాందేడ్లోని గెలాక్సీ ఆస్పత్రికి తీసుకువెళ్లాలని సూచించారు. పరిస్థితి తీవ్రమైనదని, నాందేడ్ గెలాక్సీ ఆసుపత్రికి వెళ్తే తప్పకుండా చిన్నారి గొంతులోని విగ్రహాన్ని తొలగిస్తారని వారికి వైద్యులు చెప్పారు. ఇక ఆ వెంటనే పాప తల్లిదండ్రులు ఆమెను గెలాక్సీ ఆసుపత్రికి తీసుకెళ్లారు.
అయితే ఈ క్రమంలోనే పాపకు గొంతు నొప్పి ఎక్కువడంతో.. తల్లిదండ్రులు అందోళనకు గురయ్యారు. గెలాక్సీ ఆసుపత్రిలోని డాక్టర్ నితిన్ జోషీ విషయం తెలుసుకుని గంట సమయంలోనే చిన్నారి గొంతు నుంచి హనుమంతుడి విగ్రహాన్ని తొలగించారు. ఆ విగ్రహం దాదాపు 6 గంటలకు పైగా సమయం పాప గొంతులోనే ఉంది. అయితే చిన్న పిల్లల విషయంలో జాగ్రత్తగా ఉండాలని పాప తల్లిదండ్రులకు డాక్టర్ జోషీ సూచించారు. పిల్లలకు అందుబాటులో ఉండే వస్తువుల విషయంలో అప్రమత్తంగా ఉండాలని కూడా అన్నారు.
మరిన్ని జాతీయ వార్తల కోసం..
