Watch Video: బాబోయ్ కుక్కలు.. బిడ్డతో కలిసి బైక్పై వెళ్తుండగా వెంటపడిన వీధికుక్కలు.. చివరికి..
వీధి కుక్కలు రెచ్చిపోతున్నాయి. దీంతో ప్రజలు బయటకు వచ్చేందుకే బెంబేలెత్తుతున్నారు. వీధి కుక్కల దాడుల్లో ఇప్పటికే పలువురు మృతిచెందగా.. అనేకమంది తీవ్ర గాయాలతో చికిత్స పొందుతున్నారు.
Updated on: Apr 04, 2023 | 8:53 AM
వీధి కుక్కలు రెచ్చిపోతున్నాయి. దీంతో ప్రజలు బయటకు వచ్చేందుకే బెంబేలెత్తుతున్నారు. వీధి కుక్కల దాడుల్లో ఇప్పటికే పలువురు మృతిచెందగా.. అనేకమంది తీవ్ర గాయాలతో చికిత్స పొందుతున్నారు. ఈ క్రమంలో ఒడిశాలో దారుణ ఘటన చోటుచేసుకుంది. వీధి కుక్కల బారి నుంచి తప్పించుకుంటూ.. స్కూటీపై వెళ్తున్న ఓ బాలుడు సహా.. ఇద్దరు మహిళలకు గాయాలయ్యాయి. ఈ ఘటన ఒడిశాలోని బెర్హంపూర్ నగరంలో వీధికుక్కలు కరుస్తాయనే భయంతో ఓ మహిళ తన స్కూటర్ను.. రోడ్డుపక్కనున్న కారుకు ఢీకొట్టింది.
మీడియా కథనాల ప్రకారం.. ఒడిశాలోని బెర్హంపూర్ నగరంలో రోడ్డు పక్కన ఆగి ఉన్న కారును మహిళ తన స్కూటర్ను ఢీకొట్టింది. ఈ ఘటనకు సంబంధించిన వీడియో సోషల్ మీడియాలో వైరల్గా మారింది. 17 సెకన్ల నిడివి గల వీడియో క్లిప్లో వీధికుక్కలు.. బైక్ పై వెళ్తున్న ముగ్గురిని వీధి కుక్కలు వెంబడించాయి. అకస్మాత్తుగా ఐదు కుక్కలు వెంబడించడంతో ఆ మహిళ.. భయంతో బైక్ వేగాన్ని పెంచింది. అయితే.. ముందు పార్క్ చేసి ఉన్న కారును చూసుకోకుండా దానిని ఢీకొట్టింది. ఈ ఘటనలో బాలుడితోపాటు.. మహిళలలకు స్వల్పగాయాలయ్యాయి.
వీడియో చూడండి..
Caught on Camera | Scared of being bitten by stray dogs, a woman rammed her scooty into a car parked on the side of the road in Berhampur city in Odisha. Both women and the child sustained multiple injuries in the incident. pic.twitter.com/F5h8wtCFHy
— Press Trust of India (@PTI_News) April 3, 2023
నివేదికల ప్రకారం, ఈ సంఘటనలో మహిళ, ఆమె బిడ్డకు గాయాలయ్యాయని అధికారులు తెలిపారు. కాగా.. దీనికి సంబంధించిన వీడియో నెట్టింట వైరల్ అవుతోంది.
మరిన్ని జాతీయ వార్తల కోసం..
