Delhi Pollution: దేశ రాజధాని ఢిల్లీలో ఉక్కిరిబిక్కిరి.. ప్రమాదకర స్థాయికి చేరిన వాయు కాలుష్యం..

Delhi Air Pollution: దీపావళి పండుగ అనంతరం దేశ రాజధాని ఢిల్లీలో వాయు కాలుష్యం ప్రమాదకర స్థాయికి చేరింది. రాజధానిలో టపాసులు కాల్చడంపై నిషేధం విధించినా.. అన్ని ప్రాంతాల్లో

Delhi Air Pollution

Shaik Madar Saheb |

Updated on: Nov 05, 2021 | 10:10 AM

Delhi Air Pollution: దీపావళి పండుగ అనంతరం దేశ రాజధాని ఢిల్లీలో వాయు కాలుష్యం ప్రమాదకర స్థాయికి చేరింది. రాజధానిలో టపాసులు కాల్చడంపై నిషేధం విధించినా.. అన్ని ప్రాంతాల్లో ప్రజలు టపాసులను కాల్చారు. దీంతో ఢిల్లీని వాయు కాలుష్యం ముంచెత్తింది ఢిల్లీ, ఎన్సీఆర్ లో వాయు కాలుష్యం అత్యంత ప్రమాదకరస్థాయికి చేరినట్లు అధికారులు తెలిపారు. ఢిల్లీలోని పూసా రోడ్డులోనూ గాలి నాణ్యత బాగా క్షీణించింది. ఢిల్లీలో గురువారం సాయంత్రం 4 గంటలకు ఎయిర్ క్వాలిటీ ఇండెక్స్ (ఏక్యూఐ) 382 వరకు ఉంది. అయితే.. దీపావళి సందర్భంగా బాణసంచా కాల్చడంతో గాలి నాణ్యత ప్రమాదకర స్థాయికి పడిపోయినట్లు అధికారులు తెలిపారు. ఢిల్లీ ఎన్సీఆర్ లోని పలు ప్రాంతాల్లో ఏక్యూఐ 500 దాటింది. ఢిల్లీలో పూసారోడ్డు వద్ద 505 కు చేరినట్లు అధికారులు తెలిపారు. ఏక్యూఐ 500 దాటిందంటే కాలుష్యం ప్రమాదస్థాయికి చేరినట్లేనని అధికారులు తెలిపారు.

Thick smog covers #Delhi sky, visibility reduced; overall air quality in ‘very poor’ category pic.twitter.com/myx0Jhmqlt

— ANI (@ANI) November 5, 2021

కాగా.. ఢిల్లీ ఎన్సీఆర్ పరిధిలో టపాసులు కాల్చిన అనంతరం ఎయిర్ క్వాలిటీ ఇండెక్స్ (ఏక్యూఐ) ఫరీదాబాద్లో (424), ఘజియాబాద్ (442), గుర్గావ్ (423), నోయిడా (431) చొప్పున నమోదైనట్లు అధికారులు తెలిపారు. ఢిల్లీ ప్రభుత్వం బాణాసంచాపై నిషేధం విధించినప్పటికీ, దీపావళి సందర్భంగా చాలా మంది ప్రజలు వీధుల్లో క్రాకర్లు కాల్చారని.. దీంతో వాయుకాలుష్యం తీవ్రంగా పెరిగినట్లు వాతావరణ నిపుణులు తెలిపారు. ఢిల్లీలో వాయు కాలుష్యం వల్ల చాలా మంది ప్రజల నుంచి గొంతు, దురద,కళ్ల నుంచి నీరు కారుతున్నట్లు ఫిర్యాదులు వస్తున్నాయి. అయితే.. ఈ కాలుష్యం మరో మూడు రోజుల పాటు ఇలానే ఉంటుందని.. ఆతర్వాత తగ్గే సూచనలు ఉన్నాయని అధికారులు తెలిపారు.

Thick smog shrouds Noida, visibility reduced pic.twitter.com/AhZFG7ylCT

— ANI UP (@ANINewsUP) November 5, 2021

AQI ఎంత ఉంటే మంచిది?

– 0-50: మంచిగా ఉన్నట్లు – 51 – 100: సంతృప్తికరం – 101-200: మధ్యస్తం – 201 – 300: పూర్ – 301 – 400: వెరీ పూర్ – 401 – 500: గాలి నాణ్యత తీవ్రంగా ఉన్నట్లు పరిగణిస్తారు.