850 రూపాయలకే హెల్త్ ఇన్సూరెన్స్..! 5 లక్షల వరకు ఉచిత చికిత్స.. కరోనాకు కూడా ఫ్రీ ట్రీట్‌మెంట్..

Chirangeevi Scheme : ముఖ్యమంత్రి చిరంజీవి ఆరోగ్య బీమా పథకం పేరుతో రాజస్తాన్ ప్రభుత్వం కొత్త పథకాన్ని ప్రారంభించింది. ఈ పథకం కింద ప్రజలకు ఉచితంగా చికిత్స అందిస్తోంది. ప్రభుత్వ ఆసుపత్రులలోనే కాకుండా ప్రైవేట్ ఆసుపత్రులలో కూడా ఆరోగ్య సేవలు లభిస్తాయి. ఇది ఒక ప్రైవేట్ మెడిక్లైమ్ పాలసీ లాంటిది.. దీంట్లో మీరు ఒకసారి ప్రీమియం చెల్లిస్తే చాలు. ఎక్కడైనా ఉచిత చికిత్స లభిస్తుంది.

రాజస్థాన్ ప్రభుత్వ ఈ పథకంలో భాగంగా 3500 కోట్లను భరిస్తోంది. ఈ పథకం కింద రాష్ట్ర పౌరులకు ప్రభుత్వ లేదా ప్రైవేట్ ఆసుపత్రులలో ఉచిత చికిత్స అందిస్తోంది. దీని కోసం పాలసీ నమోదు చేసుకొని ప్రీమియం చెల్లించాలి. ఈ పథకం కింద రాష్ట్రంలోని 765 కి పైగా ప్రభుత్వ, 330 ప్రైవేట్ ఆసుపత్రులలో 5 లక్షల వరకు ఉచిత వైద్య సదుపాయం కల్పిస్తారు. లబ్ధిదారులు ఆసుపత్రిలో ఉచిత చికిత్స పొందగలరు. ఈ పథకం కింద గుండె, క్యాన్సర్, కిడ్నీ, డయాలసిస్, కోవిడ్ -19 వంటి తీవ్రమైన వ్యాధులతో సహా 1576 రకాల ప్యాకేజీలు అందుబాటులో ఉంటాయి. అంటే మీరు ఈ వ్యాధులలో 5 లక్షల వరకు చికిత్స చేసుకోవచ్చని అర్థం.

2021 ఏప్రిల్ 30 లోగా నమోదు చేసుకున్న వారు ఈ పథకం ప్రయోజనాలు 1 మే 2021 నుంచి పొందుతారు. అదే సమయంలో 31​​మే 2021 నాటికి నమోదు చేసుకున్న కుటుంబాలకు రిజిస్ట్రేషన్ తేదీ నుంచి ప్రయోజనం లభిస్తుంది. ఆ తర్వాత రిజిస్ట్రేషన్ చేసుకున్నవారు 2021 ఆగస్టు 1 నుంచి ప్రయోజనం పొందుతారు. ఇ-ఫ్రెండ్‌ను సందర్శించడం ద్వారా మీరు ఉచితంగా నమోదు చేసుకోవచ్చు. ఈ పథకంలోని ప్రత్యేకత ఏమిటంటే వయస్సుకి పరిమితి లేదు. చికిత్స కోసం ఆసుపత్రికి వెళ్లేటప్పుడు మీరు మీ జనాధర్ కార్డు, జనాధర్ రిజిస్ట్రేషన్, చిరంజీవి ఇన్సూరెన్స్ పాలసీ సర్టిఫికేట్ తీసుకువెళ్లాలి.

Corona Update: రికార్డు స్థాయిలో కరోనా కేసులు.. గడిచిన 24 గంటల్లో 63,282 పాజిటివ్‌ కేసులు..

Sumo Wrestling: ప్రత్యర్ధి చేతిలో దెబ్బతిన్న సుమో రెజ్లర్..ఆసుపత్రిలో చికిత్స పొందుతూ ప్రాణాలు విడిచాడు..

కోవిడ్ పై పోరులో మీకు సహకరిస్తాం, మీ ఆర్దర్లను అడ్డుకోకుండా చూస్తాం, సోను సూద్ కు చైనా రాయబారి హామీ