‘మీ పని మీరు చూసుకోండి.. మీ సలహాలు వద్దు’.. డోనాల్డ్ ట్రంప్‌కు కమల్ హాసన్ సీరియస్ వార్నింగ్!

సినీ నటుడు, రాజకీయ నాయకుడు కమల్ హాసన్ అమెరికా అధ్యక్షులు డొనాల్డ్ ట్రంప్‌నకు బహిరంగ లేఖ రాయడం తీవ్ర సంచలనం సృష్టిస్తోంది. రష్యా నుంచి చమురు కొనుగోలు విషయంలో ట్రంప్ చేసిన వ్యాఖ్యలపై కమల్ హాసన్ తీవ్రంగా స్పందించారు. భారతదేశం ఒక స్వతంత్ర, సార్వభౌమ దేశం అని, ఇకపై సుదూర దేశం నుండి ఆదేశాలు తీసుకోదని ఆయన పేర్కొన్నారు. కమల్ హాసన్ ఈ లేఖను సోషల్ మీడియా ప్లాట్‌ఫామ్ X లో పంచుకున్నారు.

“భారతదేశం ఒక స్వేచ్ఛా దేశం, ఏదైనా విదేశీ శక్తి నుండి సూచనలు తీసుకునే సమయం ముగిసింది” అని కమల్ హాసన్ తేల్చి చెప్పారు. అమెరికా అధ్యక్షుడు తన సొంత వ్యాపారంపై దృష్టి పెట్టాలని ఆయన సూచించారు. దేశాల మధ్య పరస్పర గౌరవం ప్రపంచంలో శాశ్వత శాంతికి పునాది అని ఆయన అన్నారు. తనను తాను గర్వించదగిన భారతీయ పౌరుడిగా అభివర్ణించుకుంటూ, తన పార్టీ మక్కల్ నీది మైయం వ్యవస్థాపకుడిగా సంతకం చేస్తూ ఆయన లేఖను ముగించారు.

ToThe President of the United States of America @POTUS

Dear Mr. President,

We, the people of India, belong to a free and sovereign nation. We no longer take orders from distant foreign shores.

Please mind your own business to the best of your abilities.

Mutual respect…

— Kamal Haasan (@ikamalhaasan) March 7, 2026

ఇదిలావుంటే, రష్యా చమురు కొనుగోలుకు భారతదేశం కోసం అమెరికా తాత్కాలికంగా 30 రోజుల మినహాయింపు ప్రకటించిన సమయంలో కమల్ హాసన్ ప్రకటన వెలువడింది . ఈ మినహాయింపు భారత శుద్ధి కర్మాగారాలు రష్యా నుండి చమురు కొనుగోలును కొనసాగించడానికి వీలు కల్పిస్తుంది. అమెరికా ట్రెజరీ కార్యదర్శి స్కాట్ బెస్సెంట్ ఈ ప్రకటన చేశారు. భారతదేశం అమెరికాకు ఒక ముఖ్యమైన భాగస్వామి అని, భవిష్యత్తులో న్యూఢిల్లీ అమెరికన్ చమురు కొనుగోళ్లను పెంచుతుందని ఆశాభావం వ్యక్తం చేస్తూ స్కాట్ బెస్సెంట్ పేర్కొన్నారు. మధ్యప్రాచ్యంలో పెరుగుతున్న సంఘర్షణ కారణంగా ఇంధన ధరలు గణనీయంగా పెరుగుతాయనే భయాలు ఉన్న సమయంలో ఈ నిర్ణయం వచ్చింది.

అమెరికా వాదన

రష్యా ముడి చమురు కొనుగోలును నిలిపివేయడానికి భారతదేశం అంగీకరించిందని అమెరికా గతంలో పేర్కొంది. కానీ భారత ప్రభుత్వం ఈ వాదనను ధృవీకరించలేదు. అదే సమయంలో, భారతదేశం తన చమురు కొనుగోళ్లను తగ్గించుకుంటుందని తమకు ఎటువంటి సూచనలు అందలేదని రష్యా పేర్కొంది. రష్యా విదేశాంగ మంత్రిత్వ శాఖ ప్రతినిధి మరియా జఖరోవా స్పందిస్తూ.., భారతదేశం రష్యన్ ఇంధన కొనుగోళ్లు రెండు దేశాలకు ప్రయోజనకరంగా ఉన్నాయని, అంతర్జాతీయ ఇంధన మార్కెట్లో స్థిరత్వాన్ని కొనసాగిస్తుందని అన్నారు.

మధ్యప్రాచ్యంలో ఉద్రిక్తతలు

ఈ మొత్తం పరిణామం వెనుక మధ్యప్రాచ్యంలో పెరుగుతున్న సంఘర్షణ కూడా ఒక ప్రధాన కారకంగా చెప్పవచ్చు. ఫిబ్రవరి 28న, అమెరికా – ఇజ్రాయెల్ సంయుక్తంగా ఇరాన్‌పై సైనిక దాడిని ప్రారంభించాయి. ఈ దాడి ఫలితంగా ఇరాన్ సుప్రీం నాయకుడు ఆయతుల్లా అలీ ఖమేనీ మరణించారు. దీంతో పశ్చిమాసియా అంతటా ఉద్రిక్తతలు తీవ్రంగా పెరిగాయి. ప్రతీకారంగా, ఇరాన్ అనేక ప్రదేశాలపై దాడులు చేయడంతో ఈ ప్రాంతంలోని అనేక చమురు, గ్యాస్ క్షేత్రాలు మూసివేశారు. ఇది ప్రపంచ ఇంధన సరఫరాలను తీవ్రంగా ప్రభావితం చేసింది.

మరిన్ని జాతీయ వార్తల కోసం ఇక్కడ క్లిక్ చేయండి..