డొనాల్డ్ ట్రంప్
గతేడాది నవంబర్ 5న అమెరికాలో అధ్యక్ష ఎన్నికలు జరిగాయి. ఇందులో రిపబ్లికన్ పార్టీ నుంచి డొనాల్డ్ ట్రంప్, డెమోక్రటిక్ పార్టీ నుంచి కమలా హారిస్ పోటీ చేశారు. ఈ ఎన్నికల్లో డొనాల్డ్ ట్రంప్ ఘనవిజయం సాధించి అమెరికా 47వ అధ్యక్షుడిగా ఎన్నికయ్యారు. అమెరికాకు 45వ, 47వ అధ్యక్షుడిగా డొనాల్డ్ ట్రంప్ బాధ్యతలు నిర్వర్తించనున్నారు. ఈ విధంగా గ్రోవర్ క్లీవ్‌ల్యాండ్ తర్వాత వరుసగా పదవీ బాధ్యతలు చేపట్టని రెండవ అధ్యక్షుడిగా డొనాల్డ్ ట్రంప్. అంతేకాకుండా, డోనాల్డ్ ట్రంప్ క్రిమినల్ నేరానికి పాల్పడిన మొదటి అధ్యక్షుడిగా అలాగే కమాండర్-ఇన్-చీఫ్‌గా పనిచేసిన రెండవ అత్యంత వయసున్న అధ్యక్షుడిగా పేరొందారు.
ట్రంప్‌కు ఇంత వయసు వచ్చినప్పటికీ.. అప్పటికీ ఇప్పటికీ నవ యువకుడిలాగే ఏమాత్రం తగ్గేదేలే అన్నట్లు హుషారుగా కనిపిస్తుంటారు. ఇప్పుడు అమెరికా అధ్యక్షుడుగా తిరిగి రెండోసారి ఎన్నికైన డోనాల్డ్ ట్రంప్… ఎట్టకేలకు మళ్లీ వైట్‌హౌస్‌లోకి అడుగుపెట్టారు. నాలుగేళ్ల క్రితం అధికార మార్పిడి సమయంలో క్యాపిటల్‌ భవంతిపై తన మద్దతుదారులు చేసిన హంగామా నడుమ శ్వేతసౌధాన్ని ట్రంప్ వీడిన విషయం తెలిసిందే.
ఇంకా చదవండి
Donald Trump: పెద్దన్నకు పెద్ద కష్టమే! మిడిల్‌ డ్రాప్ అవుతారా? వీటోతో కొడతారా..?
దోస్త్ దోస్తే.. పేకాట పేకాటే. ఈ సూక్ష్మాన్ని ఇన్నిరోజులకు గానీని గ్రహించినట్టు లేరు ట్రంప్ మేస్టారు. తన దాకా వస్తే గాని తెలిసిరాదంటారే అదే ఇది..! నీ ఇష్టం వచ్చినట్టు యుద్ధం చేసుకో అని జిగ్రీదోస్తు ఇజ్రాయెల్‌ని రెచ్చగొట్టడమే కాదు, ఏటా 4 బిలియన్ డాలర్లు ఫండింగ్ కూడా ఇచ్చి దానకర్ణుడు అనిపించుకున్నారు. కట్‌చేస్తే, ఇప్పుడు సీన్ రివర్స్ అయ్యింది. పైసల్లేవు పో.. అని చేతులూపేశారు. రాబోయే పదేళ్లు కూడా నో పైసా.. ఓన్లీ దోస్తానా అనేశారు. మన డాలర్లు పక్కోళ్లకు పంచుతున్నారు, యుద్ధోన్మాదిగా మారుతున్నారు అని డెమొక్రాట్లు అదేపనిగా ఎండగట్టబట్టి, ఆవిధంగా మిడ్‌టర్మ్ ఎన్నికల్లో ఎడ్వాంటేజ్ పొందబట్టి, ఫలితం తనకు వ్యతిరేకంగా వస్తుండంతో.. ట్రంప్ గారు ఇలా మారుమనసు పొందారనుకోవచ్చు. కానీ, మీరు మారిపోయారు సార్ అని ప్రెసిడెంట్‌గారిని సర్టిఫై చేసే పరిస్థితి కూడా లేదు. ఎందుకంటే, మధ్యంతర ఎన్నికల తర్వాత మోనార్క్‌ 2.0గా మేకోవర్ అవుతున్నారు అధ్యక్షులవారు. ఓటమిని ఒప్పుకోకపోగా, రాబోయే రోజుల్లో డెమొక్రాట్లకు పెద్ద సినిమానే చూపిస్తానని కళ్లెగరేస్తున్నారు. మిడ్‌టర్మ్ ఫలితం తర్వాత ప్రెసిడెంటుగారి తొండాట ఎలా ఉండబోతోంది..?
- Balaraju Goud
- Updated on: Nov 4, 2026
- 9:45 pm
సముద్రానికి నా పేరు పెట్టండి.. ఆ అవార్డులూ నాకే ఇవ్వండి! ట్రంప్‌గారి కొత్త డిమాండ్‌!
అమెరికా అధ్యక్షుడు డొనాల్డ్ ట్రంప్ మరోసారి తన వ్యాఖ్యలతో మరోసారి వార్తల్లో నిలిచారు. భౌగోళిక ప్రాంతాల పేర్ల మార్పు నుంచి అంతర్జాతీయ పురస్కారాలపై తన అర్హత గురించి వ్యాఖ్యలు చేయడం వరకు ఆయన వ్యవహారశైలి చర్చనీయాంశంగా మారింది. నోబెల్‌ శాంతి బహుమతి తనకు రావాల్సిందని గతంలో పలుమార్లు అభిప్రాయపడిన ట్రంప్.. తాజాగా పులిట్జర్‌ అవార్డు గురించి కూడా ప్రస్తావించారు.
- Balaraju Goud
- Updated on: Oct 23, 2026
- 7:55 am
భారత్‌కు ట్రంప్ భారీ ఊరట.. 100% టారిఫ్‌కు బ్రేక్‌!
రష్యా నుంచి చమురు కొనుగోలు చేస్తున్న దేశాలపై 100 శాతం సుంకాలు విధించే ప్రతిపాదనను అమెరికా అధ్యక్షుడు డొనాల్డ్ ట్రంప్ తాత్కాలికంగా నిలిపివేశారు. దీంతో భారత్, చైనాకు తక్షణ ఉపశమనం లభించే అవకాశం ఉంది. గతంలో భారత్‌పై విధించిన అదనపు సుంకాలను తొలగించి, పరస్పర సుంకాన్ని 18 శాతానికి తగ్గించిన అమెరికా.. తాజాగా మరోసారి కీలక నిర్ణయం తీసుకుంది. అయితే, భవిష్యత్తులో పరిస్థితులను బట్టి మళ్లీ సుంకాలు విధించే అవకాశం ఉండటంతో వాణిజ్య సంబంధాలపై ఆసక్తి నెలకొంది.
- Phani CH
- Updated on: Oct 19, 2026
- 5:20 pm
రష్యా- ఉక్రెయిన్ యుద్ధంలో కీలక పరిణామం.. ‘ఇంధన కాల్పుల విరమణ’ ప్రకటించిన ట్రంప్!
రష్యా-ఉక్రెయిన్ యుద్ధానికి సంబంధించి కీలక పరిణామం చోటుచేసుకుంది. ఇరు దేశాల మధ్య ఇంధన మౌలిక సదుపాయాలపై దాడులను నిలిపివేసేలా ‘ఇంధన కాల్పుల విరమణ’ ఒప్పందం కుదిరిందని అమెరికా అధ్యక్షుడు డొనాల్డ్ ట్రంప్ ప్రకటించారు. ఈ ఒప్పందం తక్షణమే అమల్లోకి వస్తుందని, ఇరు పక్షాలు దీనిని ఉల్లంఘించకూడదని ఆయన ఆదివారం (అక్టోబర్ 11) తన సోషల్ మీడియా వేదిక ట్రూత్ సోషల్‌లో పేర్కొన్నారు.
- Balaraju Goud
- Updated on: Oct 11, 2026
- 9:12 pm
డీజిల్ ధరలు తగ్గుతాయా..? రష్యాతో ట్రంప్ కీలక ఒప్పందం.. అసలు కథ ఇదే
అమెరికాలో పెరుగుతున్న ఇంధన ధరలను అదుపు చేసే ప్రయత్నంలో భాగంగా రష్యా నుంచి భారీగా డీజిల్ సరఫరా చేసేందుకు ఒప్పందం కుదిరిందని అధ్యక్షుడు డొనాల్డ్ ట్రంప్ ప్రకటించారు. పుతిన్‌తో చర్చల అనంతరం రష్యా డీజిల్‌పై ఆంక్షలకు అమెరికా తాత్కాలిక మినహాయింపు ఇచ్చింది.
- Shaik Madar Saheb
- Updated on: Oct 10, 2026
- 7:06 am
ఫ్లైదుబాయ్ విమాన ఘటన బాధ్యులని తేలితే.. పరిణామాలు తీవ్రంగా ఉంటాయిః ట్రంప్
దుబాయ్ నుంచి టెల్ అవీవ్‌కు వెళ్తున్న ఫ్లైదుబాయ్ FZ1073 విమానంలో కో-పైలట్ దాడి చేశాడు. కెప్టెన్ స్మిత్ మచ్ఛార్ చాకచక్యంగా వ్యవహరించి విమానాన్ని సౌదీ అరేబియాకు మళ్లించి ప్రయాణికులను రక్షించారు. ఈ ఘటనపై అంతర్జాతీయ దర్యాప్తు జరుగుతోంది, దీని వెనుక ఇరాన్ ప్రమేయం ఉందా అనే కోణంలోనూ విచారణ కొనసాగుతోంది. కెప్టెన్ ధైర్యాన్ని ప్రపంచ దేశాలు ప్రశంసించాయి.
- Balaraju Goud
- Updated on: Oct 2, 2026
- 9:53 am
యుద్ధంపై డొనాల్డ్ ట్రంప్ షాకింగ్ కామెంట్స్.. ఇరాన్‌పై మళ్లీ అమెరికా దాడి?
ట్రంప్ ఇరాన్ యుద్ధంపై షాకింగ్ కామెంట్స్ చేశారు. అమెరికా త్వరలో విజయం సాధిస్తుందని, మధ్యంతర ఎన్నికల ముందు మళ్ళీ దాడి జరగొచ్చని ప్రకటించారు. యుద్ధం తర్వాత చమురు ధరలు తగ్గుతాయని, ఇరాన్ అణ్వాయుధాలను అడ్డుకోవడమే లక్ష్యమన్నారు. ఇరాన్ మాత్రం యుద్ధానికి సిద్ధమని, కానీ దౌత్యానికి ప్రాధాన్యత ఇస్తుందని తెలిపింది. ఆర్థిక ఒత్తిడి, దౌత్య మార్గాల మధ్య ఉద్రిక్తతలు కొనసాగుతున్నాయి.
- Balaraju Goud
- Updated on: Sep 28, 2026
- 8:51 am
హోర్ముజ్ ఓపెన్ చేస్తాం.. యుద్ధం ఆపేద్దాం.. ఇరాన్ ఆఫర్‌కు అమెరికా షాక్!
ఇరాన్ హోర్ముజ్ జలసంధిని ఏడు రోజుల్లో తిరిగి తెరవడానికి, కాల్పుల విరమణకు చేసిన ప్రతిపాదన ఉత్కంఠ రేపుతోంది. డొనాల్డ్ ట్రంప్ ఈ ఒప్పందాన్ని తిరస్కరించినట్లు వార్తలున్నాయి. మధ్యప్రాచ్య సంఘర్షణ, ప్రపంచ ఇంధన సరఫరాలపై ప్రభావం చూపుతున్న ఈ పరిణామంపై ఇరాన్ అమెరికా అధికారిక స్పందన కోసం ఎదురుచూస్తోంది. చమురు ఆంక్షల సడలింపు, స్తంభింపజేసిన నిధుల విడుదల వంటి కీలక డిమాండ్లు ఇందులో ఉన్నాయి.
- Balaraju Goud
- Updated on: Sep 26, 2026
- 10:56 am
ట్రంప్ బెదిరింపులకు ఇరాన్ అదిరిపోయే కౌంటర్.. బాలయ్య వీడియోతో షాకింగ్ రిప్లై!
ఐక్యరాజ్యసమితి వేదికగా అమెరికా, ఇరాన్ మధ్య మాటల యుద్ధం తీవ్రమైంది. ట్రంప్ ఇరాన్ అణు కార్యక్రమంపై హెచ్చరించగా, ఇరాన్ అధ్యక్షుడు పెజెష్కియాన్‌ దౌత్యానికి తలుపులు తెరిచే ఉన్నాయని, కానీ ఒత్తిడికి లొంగమని స్పష్టం చేశారు. బల ప్రయోగాన్ని ఎదుర్కోవడానికి ఇరాన్ సిద్ధంగా ఉందని జింబాబ్వేలోని ఇరాన్ రాయబార కార్యాలయం తెలుగు సినిమా యాక్షన్‌ సన్నివేశంతో కౌంటర్ ఇవ్వడం చర్చనీయాంశమైంది.
- Balaraju Goud
- Updated on: Sep 24, 2026
- 10:45 am
11ఏళ్ల తర్వాత అమెరికాలో అడుగుపెట్టిన షీ జిన్‌పింగ్‌కు డొనాల్డ్ ట్రంప్ అరుదైన స్వాగతం..!
చైనా అధ్యక్షుడు షీ జిన్‌పింగ్ అమెరికా పర్యటనకు ట్రంప్ అరుదైన స్వాగతం పలికారు. సాధారణ ప్రొటోకాల్‌కు భిన్నంగా విమానాశ్రయానికే వచ్చి జిన్‌పింగ్‌ను ఆహ్వానించారు. వాణిజ్యం, తైవాన్ వంటి అంశాలపై ఉద్రిక్తతలు కొనసాగుతున్నా, ఈ ఉన్నత స్థాయి స్వాగతం అమెరికా-చైనా సంబంధాలపై అంతర్జాతీయ దృష్టిని ఆకర్షిస్తోంది. టెక్ దిగ్గజాలతో విందు, మెలానియా పాత్ర ఈ పర్యటనకు ప్రాముఖ్యతనిస్తున్నాయి.
- Balaraju Goud
- Updated on: Sep 24, 2026
- 8:44 am
రష్యా చమురు Vs అమెరికా మార్కెట్.. భారత్ ముందున్న ఎనర్జీ లెక్క ఇదే!
రష్యా నుంచి భారీగా చమురు దిగుమతి చేసుకుంటున్న భారత్‌కు అమెరికా కొత్త చట్టం కీలక సవాల్‌గా మారింది. ట్రంప్‌కు రష్యా చమురు కొనుగోలు చేసే దేశాలపై 100 శాతం వరకు సుంకాలు విధించే అధికారం వచ్చింది. అయితే భారత్‌పై 100 శాతం సుంకం ఇప్పటికే అమల్లోకి వచ్చినట్లు కాదు. రష్యా చమురు ధర, దిగుమతులు, అమెరికా మార్కెట్, రూపాయి, దేశీయ ఇంధన ధరలపై దీని ప్రభావం ఎలా ఉండొచ్చో తెలుసుకుందాం.
- Siva Nagaraju
- Updated on: Sep 19, 2026
- 4:54 pm
రష్యా నుంచి మనం చమురు కొనకూడదట.. వాళ్లు మాత్రం యురేనియం కొంటారట..! ఇదెక్కడి న్యాయం అధ్యక్షా!?
రష్యా నుంచి చమురు కొనుగోళ్లపై అమెరికా తీవ్ర ఆంక్షలు విధించే బిల్లును ఆమోదించింది. భారత్ తన ఇంధన భద్రతను ప్రధానం చేస్తూ రష్యా చమురును కొనుగోలు చేస్తోంది. అమెరికా తన ఆర్థిక ప్రయోజనాల కోసం యురేనియం కొనుగోలు చేస్తూ, ఇతర దేశాలపై ఒత్తిడి తీసుకురావడం గమనార్హం. దీనిపై ట్రంప్ నిర్ణయం భారత్-అమెరికా వాణిజ్య సంబంధాలపై ప్రభావం చూపుతుంది.
- Balaraju Goud
- Updated on: Sep 18, 2026
- 7:44 pm
