భోజనం చేసిన వెంటనే నీళ్లు తాగే అలవాటు మీకూ ఉందా? ముందీ విషయం తెలుసుకోండి..
నేటి బిజీ లైఫ్లో చాలా మంది తమ ఆరోగ్యాన్ని నిర్లక్ష్యం చేస్తున్నారు. ఆకలిగా ఉన్నప్పుడే దొరికింది తినడం, తాగడం చేస్తున్నారు. దీంతో వాళ్లు ఏమి తింటున్నారో, దాని ప్రయోజనాలు ఏమిటనే దానిపై పెద్దగా శ్రద్ధ చూపడం లేదు. ఇక చాలా మందికి ఏదైనా తిన్న వెంటనే నీళ్లు తాగడం అలవాటు. కానీ ఇలా భోజనం చేసిన వెంటనే నీళ్లు తాగితే ఏమి జరుగుతుందో, నీరు త్రాగడానికి సరైన సమయం..
Updated on: Aug 20, 2025 | 8:35 PM
నేటి వేగవంతమైన కాలంలో జనాల జీవనశైలిలో ఎన్నో మార్పులు చోటు చేసుకుంటున్నాయి. అన్నింటికీమించి ఆరోగ్యకరమైన ఆహారాన్ని నిర్లక్ష్యం చేస్తున్నారు. ఇది జీర్ణ సమస్యలకు దారితీస్తుంది. ఇది కాలక్రమేణా తీవ్రమైన అనారోగ్యాలకు కూడా బాటలు వేస్తుంది. నేటి బిజీ లైఫ్లో చాలా మంది తమ ఆరోగ్యాన్ని నిర్లక్ష్యం చేస్తున్నారు. ఆకలిగా ఉన్నప్పుడే దొరికింది తినడం, తాగడం చేస్తున్నారు. దీంతో వాళ్లు ఏమి తింటున్నారో, దాని ప్రయోజనాలు ఏమిటనే దానిపై పెద్దగా శ్రద్ధ చూపడం లేదు. ఇక చాలా మందికి ఏదైనా తిన్న వెంటనే నీళ్లు తాగడం అలవాటు. కానీ ఇలా భోజనం చేసిన వెంటనే నీళ్లు తాగితే ఏమి జరుగుతుందో, నీరు త్రాగడానికి సరైన సమయం ఏమిటో ప్రతి ఒక్కరూ తప్పక తెలుసుకోవాలి. ఆయుర్వేదం ప్రకారం.. భోజనం చేసిన వెంటనే నీళ్లు తాగకూడదు. భోజనం చేసిన వెంటనే నీరు తాగడం వల్ల జీర్ణక్రియ మందగిస్తుంది. శరీరంలోని జీర్ణ రసాలు, అగ్ని ఆహారాన్ని జీర్ణం చేయడంలో బద్దకిస్తాయి.
నీరు తాగడం వల్ల ఈ జీర్ణ రసాలు వెంటనే పలుచన అవుతాయి. దీని వల్ల ఆహారం సరిగ్గా జీర్ణం కాదు. దీనివల్ల గ్యాస్, ఉబ్బరం, అజీర్ణం వంటి సమస్యలు వస్తాయి. భోజనం చేసిన వెంటనే నీరు తాగడానికి బదులుగా, 40 నుంచి 45 నిమిషాల తర్వాత తాగడం ఆరోగ్యానికి ప్రయోజనకరంగా ఉంటుంది. ఈ సమయంలో జీర్ణక్రియ సజావుగా జరుగుతుంది. శరీరానికి అవసరమైన పోషకాలను గ్రహించడానికి తగినంత సమయం కూడా లభిస్తుంది. దాహం వేస్తే, భోజనాల మధ్య ఒకటి లేదా రెండు గుక్కల నీరు తాగవచ్చు. అంతేగానీ మరీ ఎక్కువ నీళ్లు తాగకూడదు. తినేటప్పుడు ప్రశాంతంగా ఉండటానికి ప్రయత్నించాలి. కోపం, భయం, ఒత్తిడి వంటి ప్రతికూల భావోద్వేగాలు జీర్ణక్రియపై ప్రతికూల ప్రభావాన్ని చూపుతాయి. ఆహారాన్ని నెమ్మదిగా తినడం, బాగా నమలడం వల్ల జీర్ణక్రియ మెరుగుపడుతుంది. ఇది జీర్ణ ఎంజైమ్లను సక్రియం చేస్తుంది. ఇది కడుపు సమస్యలను కూడా నివారించడానికి సహాయపడుతుంది.
ఆయుర్వేదం ప్రకారం.. తాజా, కాలానుగుణ ఆహారాలు తినడంపై దృష్టి పెట్టాలి. రాత్రిపూట తేలికపాటి భోజనం తీసుకోవాలి. త్వరగా తినాలి. తద్వారా పడుకునే ముందు జీర్ణం కావడానికి తగినంత సమయం ఉంటుంది. ఎక్కువ నూనె లేదా భారీ ఆహారాలు తినకుండా ఉండాలి. ఇది జీర్ణవ్యవస్థపై ఒత్తిడిని కలిగిస్తుంది. ఇది గ్యాస్, ఆమ్లతకు కారణమవుతుంది. మధ్యాహ్నం పూర్తి భోజనం తినాలి. రాత్రిపూట కాస్త తేలికగా తినాలి.
మరిన్ని ఆరోగ్య కథనాల కోసం క్లిక్ చేయండి.
