Turmeric Water: పసుపునీళ్లతో చర్మ సమస్యలకు చెక్‌.. రోజూ ఇలా ముఖానికి అప్లై చేస్తే మెరిసే అందం మీ సొంతం!

పసుపులో ఉండే ఔషధ గుణాల గురించి దాదాపు అందరికీ తెలుసు. వాస్తవానికి మనం ప్రతిరోజూ తినే ఆహారానికి సంబంధించిన అన్ని రకాల కూరలు, పప్పులో పసుపును తప్పనిసరిగా వాడుతుంటాం. ఇది మనల్ని ఆరోగ్యంగా ఉంచడంలో సహాయపడుతుంది. పసుపులో యాంటీ సెప్టిక్, యాంటీ బ్యాక్టీరియల్ లక్షణాలు ఉన్నాయి. పసుపు ఆహారం రంగు, పోషణను మెరుగుపరచడానికి మాత్రమే కాకుండా చర్మ సంరక్షణలో కూడా తోడ్పడుతుంది. అంతేకాదు, గాయాలను నయం చేయడానికి కూడా ఉపయోగిస్తారు. అదే సమయంలో ఆయుర్వేదంలో దాని సహాయంతో అనేక రకాల ఔషధాలను కూడా తయారు చేస్తారు. జీర్ణక్రియ సాఫీగా ఉండాలన్నా, శరీరాన్ని సంపూర్ణ ఆరోగ్యంగా ఉంచుకోవడం కోసం పసుపు అనేక విధాలుగా మేలు చేస్తుంది. అంతేకాదు పసుపును వివాహం,పూజా వంటి అనేక ఆచారాలలో కూడా ఉపయోగిస్తారు. పసుపును ఉపయోగించడం ద్వారా మీరు మీ చర్మాన్ని సహజంగా మెరిసేలా చేయవచ్చు. మెరిసే చర్మం కోసం పసుపును ఎలా ఉపయోగించాలో ఇక్కడ తెలుసుకుందాం..

పసుపులో ఉండే యాంటీ ఆక్సిడెంట్లు, కర్కుమిన్ మనకు ఎంతో మేలు చేస్తాయి. ఇది మన చర్మాన్ని మెరుస్తూ, ఆరోగ్యంగా ఉంచడంలో సహాయపడుతుంది. పసుపులో ఉన్న అనేక గుణాల కారణంగా దీనిని అనేక సౌందర్య ఉత్పత్తులలో ఉపయోగిస్తారు. అయితే ఏ కాస్మెటిక్ ప్రొడక్ట్‌కు బదులుగా, పసుపును ఉపయోగించడం ద్వారా మీరు ఇంట్లో మెరిసే చర్మాన్ని పొందవచ్చు. మెరిసే చర్మం కోసం, పసుపును ఉపయోగించి అనేక రకాల ఫేస్ ప్యాక్‌లను తయారు చేసుకోవచ్చు. దీనితో పాటు, మీరు ప్రతిరోజూ మీ ముఖాన్ని పసుపు నీటితో కడిగితే మంచి ఫలితం ఉంటుంది. ప్రతిరోజూ రాత్రి పడుకునే ముందు పసుపు నీళ్లతో ముఖాన్ని కడుక్కోవడం వల్ల కొద్ది రోజుల్లోనే తేడా కనిపించడం ప్రారంభమవుతుంది. పసుపు నీళ్లతో ముఖం కడుక్కోవడం వల్ల ఎలాంటి లాభాలు కలుగుతాయో తెలుసుకుందాం.

పసుపు నీరు ముఖానికి మెరిసే ఛాయను కలిగిస్తుంది. చర్మ సంబంధిత సమస్యలకు పసుపు నీరు చాలా ఉపయోగకరం. దీన్ని రెగ్యులర్ గా ఉపయోగించడం వల్ల ఎంతో తీవ్రమైన చర్మ సమస్యలు కూడా తొలగిపోతాయి. దాదాపు ప్రతి ఒక్కరూ మొటిమల సమస్యతో ఇబ్బంది పడుతున్నారు. జంక్ ఫుడ్ ఎక్కువగా తినడం, అనారోగ్యకరమైన జీవనశైలి కారణంగా చాలా మంది ముఖంపై మచ్చలతో బాధపడుతున్నారు. అలాంటి వారికి పసుపు నీటితో ముఖాన్ని కడగడం ద్వారా ప్రయోజనం ఉంటుంది. పసుపులో ఉండే పోషకాలు చర్మాన్ని శుభ్రంగా, ఆరోగ్యంగా మార్చడంలో సహాయపడతాయి. ఇది కాకుండా, పసుపు నీరు చర్మం దెబ్బతిన్న కణాలను రిపేర్ చేయడంలో కూడా సహాయపడుతుంది. ముఖంపై మచ్చలు, పిగ్మెంటేషన్ నుండి ఉపశమనం పొందడానికి మీరు పసుపు నీటిని కూడా ఉపయోగించవచ్చు.

ఇవి కూడా చదవండి

ముఖం మీద బ్లాక్ హెడ్స్ పోగొట్టుకోవడానికి సింపుల్ హోం రెమెడీస్

ఈ పండు తింటే బోలెడు లాభాలు.. ఇమ్యూనిటీ పెరగడమే కాదు..గుండెకు కూడా

భోజనం చేశాక 2యాలకులు నోట్లో వేసుకుంటే చాలు..! ఆరోగ్య ప్రయోజనాలు

ప్రతి వ్యాధికి మందులా దానిమ్మ..! అద్భుతమైన ఔషధ గుణాలు తెలిస్తే..

అర్థరాత్రి వరకు మేల్కొని ఉండటం వల్ల మీకు కళ్లకింద నల్లటి వలయాలు ఏర్పడుతుంటాయి. అవి మీ అందాన్ని పాడు చేస్తాయి. అలాంటప్పుడు మీరు ప్రతి రాత్రి పడుకునే ముందు పసుపు నీటితో మీ ముఖాన్ని కడగాలి. ఇందుకోసం ఒక లీటరు నీటిని బాగా వేడి చేసి దానికి 2 స్పూన్ల పసుపు వేసి కలపాలి. ఆ నీటిని బాగా మరిగించాలి. నీరు సగానికి తగ్గిన తరువాత స్టౌవ్‌ ఆఫ్‌ చేసి ఆ నీటిని ఫిల్టర్ చేసుకోండి. చల్లారిన తర్వాత దీన్ని ముఖానికి ఉపయోగించవచ్చు. ముఖానికి పసుపు నీటిని అప్లై చేసే ముందు సాధారణ నీటితో ముఖాన్ని కడుక్కోవాలి. తర్వాత ఈ నీటితో మీ ముఖం, చర్మాన్ని శుభ్రంగా కడగాలి. క్రమం తప్పకుండా ఇలా చేస్తూ ఉంటే, చర్మం మంట పోతుంది. ముఖంపై మొటిమల సమస్య నుండి ఉపశమనం లభిస్తుంది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)

మరిన్ని లైఫ్ స్టైల్ న్యూస్ కోసం క్లిక్ చేయండి..