Turmeric Water: పసుపు నీళ్లతో ఊహించలేని అందం మీ సొంతం..
పసుపు మంచిదన్న విషయం అందరికీ తెలిసిన విషయం. ఇందులో యాంటీ బ్యాక్టీరియా, యాంటీ సెప్టిక్ లక్షణాలు ఉంటాయి. పసుపు తీసుకోవడం వల్ల ఎన్నో వ్యాధులు రాకుండా అడ్డు కట్ట వేయవచ్చు. మనం ప్రతి రోజూ వంట ద్వారా పసుపు అనేది తీసుకుంటూ ఉంటాం. మనల్ని ఆరోగ్యంగా ఉంచడంలో పసుపు ఎంతో చక్కగా హెల్ప్ చేస్తుంది. శరీరంలో రోగ నిరోధక శక్తిని పెంచి.. వ్యాధులతో పోరాడుతుంది. గాయాలను త్వరగా నయం..
పసుపు మంచిదన్న విషయం అందరికీ తెలిసిన విషయం. ఇందులో యాంటీ బ్యాక్టీరియా, యాంటీ సెప్టిక్ లక్షణాలు ఉంటాయి. పసుపు తీసుకోవడం వల్ల ఎన్నో వ్యాధులు రాకుండా అడ్డు కట్ట వేయవచ్చు. మనం ప్రతి రోజూ వంట ద్వారా పసుపు అనేది తీసుకుంటూ ఉంటాం. మనల్ని ఆరోగ్యంగా ఉంచడంలో పసుపు ఎంతో చక్కగా హెల్ప్ చేస్తుంది. శరీరంలో రోగ నిరోధక శక్తిని పెంచి.. వ్యాధులతో పోరాడుతుంది. గాయాలను త్వరగా నయం చేస్తుంది. పసుపుతో కేవలం శరీర ఆరోగ్యమే కాకుండా చర్మ ఆరోగ్యాన్ని పెంచడంలో కూడా హెల్ప్ చేస్తుంది. చర్మ సమస్యలతో బాధ పడేవారు పసుపును ఉపయోగిస్తే మంచి ఫలితాలు ఉంటాయి.
పసుపులో ఉండే యాంటీ ఆక్సిడెంట్లు, కర్కుమిన్ చర్మ సమస్యలను తగ్గించి, చర్మ ఛాయను మెరుగు పరిచి ముఖంలో కాంతి పెరిగేలా చేస్తుంది. చర్మాన్ని ఆరోగ్యంగా ఉంచేలా చేయడంలో కూడా సహాయ పడుతుంది. పసుపును అనేక సౌందర్య ప్రోడెక్ట్స్‌లలో కూడా ఉపయోగిస్తున్నారు. మరి మెరిసే చర్మం కావాలి అనుకునేవారు పసుపును ఎలా ఉపయోగిస్తే మంచి ఫలితం ఉంటుందో ఇప్పుడు తెలుసుకుందాం.
ఎఫెక్టీవ్‌గా పని చేస్తుంది..
మెరిసే చర్మం కావాలి అనుకునేవారు ప్రతి రోజూ పసుపుతో ఇలా చేస్తే సరిపోతుంది. పసుపును ఉపయోగించి చాలా రకాల ఫేస్ ఫ్యాక్‌లను కూడా తయారు చేసుకోవచ్చు. కానీ మందికి సమయం ఉండదు. అలాంటి వారు ఇప్పుడు చెప్పే చిట్కా ట్రై చేయవచ్చు. ఈ చిట్కా మీకు ఎంతో ఎఫెక్టీవ్‌గా పని చేస్తుంది. ఎక్కువ సమయం కూడా పట్టదు.
పసుపు నీళ్లు..
ప్రతి రోజూ మీరు ఉదయం లేదా సాయంత్రం లేదా రాత్రి పడుకునే ముందు ఇలా మీకు కుదిరిన సమయంలో పసుపు నీళ్లతో ముఖాన్ని కడుగుతూ ఉండండి. రాత్రి పడుకునే ముందు ట్రై చేస్తే మాత్రం మంచి ఫలితం ఉంటుంది. ఇలా ప్రతి రోజూ చేస్తే మంచి ఫలితం కొద్దిరోజుల్లోనే కనిపిస్తుంది. పసుపు నీటితో ముఖం కడగటం వల్ల మొటిమలు, మచ్చలు, ముడతలు తగ్గుతాయి. అంతే కాకుండా డార్క్ సర్కిల్స్ కూడా క్రమంగా తగ్గుతాయి.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ న్యూస్ కోసం క్లిక్ చేయండి..
