Tips for Back Pain: ఫాస్ట్‌గా వెన్ను నొప్పిని దూరం చేసే సింపుల్ వ్యాయామాలు ఇవే!

ఈ రోజుల్లో వెన్ను నొప్పి అనేది సర్వ సాధారణమైనది. వెన్ను నొప్పి రావడానికి అనేక కారణాలు ఉన్నాయి. ముఖ్యంగా డెస్క్ జాబ్ చేసేవారికి ఈ వెన్ను నొప్పి అనేది మరింత ఎక్కువగా వస్తుంది. గంటలు గంటలు ఆఫీస్‌లో కూర్చోవడం వల్ల వెన్ను నొప్పి ఎక్కువగా వస్తుంది. ఈ సమస్య ఉంటే కూర్చోవడం, పడుకోవడం, నడవడం, వంగడం వంటి రోజు వారీ పనులు చేయడం కూడా కష్టంగా మారుతుంది. ముందుగానే ఈ వెన్ను నొప్పిని గుర్తించి.. చికిత్స తీసుకుంటే సమస్యను త్వరగా పరిష్కరించుకోవచ్చు. అయితే ఇలా వెన్ను నొప్పితో బాధ పడేవారు.. చికిత్స చేయించుకోవడానికి ముందు ఇంట్లోనే చిన్న చిన్న ఎక్సర్ సైజులు చేసుకుంటే ఈ సమస్యను దూరం చేసుకోవచ్చు. ఇంతకీ ఆ వ్యాయామాలు ఏంటి? ఎలా చేయాలో ఇప్పుడు చూద్దాం.

థొరాసిక్ స్ట్రెచ్:

ఈ వ్యాయామాం చేయడానికి ముందు నేలపై కూర్చోవాలి. ఫోమ్ రోలర్‌ను తీసుకుని వెనుక భాగంలో ఉంచి.. దానిపై పడుకోవాలి. ఆ తర్వాత మెల్లగా కాళ్లను చాచి.. మెడ, తల నేలపై ఉండేలా చూసుకోండి. ఫోమ్ రోలర్ కరెక్ట్‌గా ఉందో లేదో చెక్ చేసుకోండి. ఫోమ్ రోలర్‌‌ను కరెక్ట్ పెట్టుకుంటేనే మీకు నొప్పి తగ్గుతుంది. ఆ తర్వాత డీప్ బ్రీత్ తీసుకోవాలి. నెక్ట్స్ బాడీని ముందుకు, వెనక్కి అటూ ఇటూ స్ట్రెచ్ చేయాలి. ఇలా చేయడం వల్ల మీ వెనుక కండరాలు సాగదీసి నొప్పిని తగ్గిస్తుంది.

ఓపెనింగ్ చెస్ట్:

ఇది చేయడానికి రెండు కుర్చీలను మీకు రెండు వైపులా.. చేతులు అందుకోగలిగేంత దూరం ఉంచాలి. ఇప్పుడు వీటి మధ్య మోకాళ్లు వేసి కూర్చోవాలి. ఇప్పుడు రెండు చేతులను విస్తరించి.. 90 డిగ్రీల కోణంలో ఉండేలా కుర్చీలపై చేతులు ఉంచండి. ఈ చేతులను కాస్త పైకి లేపి.. ముదుకు కాస్త వంగండి. ఇప్పుడు శ్వాస తీసుకుంటూ మరింత ముందుకు వంగాలి. ఆ తర్వాత నార్మల్ పొజిషన్‌కు వచ్చేయాలి. అంతే ఇలా చేస్తే ఛాతీలో ఉండే నొప్పి అనేది తగ్గుతుంది. అంతే కాదు వెన్ను నొప్పి కూడా అదుపులోకి వస్తుంది.

ఇవి కూడా చదవండి

రోజుకు నాలుగు గంటలకుపైనే ఫోన్ వాడుతున్నారా.. ప్రాణానికే ప్రమాదం!

బ్రేక్ ఫాస్ట్ గా అన్నం తినవచ్చా.. తింటే ఏం జరుగుతుంది?

ప్రతిరోజూ ఉదయం ఈ టీ తాగితే డయాబెటీస్ రాకుండా అడ్డుకోవచ్చు!

ఎర్ర జామ పండు తింటున్నారా.. అయితే ఈ విషయాలు మీ కోసమే!

డయా ఫ్రాగమ్ స్ట్రెచ్:

ఈ స్ట్రెచ్‌ కూడా వెన్ను నొప్పిని తగ్గించడంలో హెల్ప్ చేస్తుంది. ఓ కుర్చీ తీసుకుని దానిపై నిటారుగా నిల్చోండి. డీప్ బ్రీత్ తీసుకుని వదులుతూ ఉండండి. ఈ సమయంలో మీరు ఎగువ శరీరం ముందుకు వంగడాన్ని గమనించవచ్చు. కొద్ది కొద్దిగా గాలిని తీసుకుంటూ.. వీలైనంత గట్టిగా వదిలేంత గట్టిగా వదులుతూ ఉండాలి. ఇప్పుడు మీ శరీరాన్ని మీ కాళ్ల మధ్యకు తీసుకు వెళ్లండి. ఇప్పుడు నీటిని, ముక్కును మూసేయాలి. ఆ తర్వాత మీ శరీరాన్ని వెనక్కి తీసుకురండి. ఇలా ఈ ఆసనాన్ని ఎన్ని సార్లు చేసినా పర్వాలేదు. ఇలా తరచూ చేస్తూ ఉంటే మీ వెన్ను నొప్పి త్వరగా తగ్గేందుకు అవకాశం ఉంటుంది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)

మరిన్ని లైఫ్ స్టైల్ న్యూస్ కోసం క్లిక్ చేయండి..