Makhana Vs Roasted Chana: ఫూల్ మఖానా వర్సెస్ వేయించిన శనగలు.. ఈ రెండింటిలో ఎక్కువ ఆరోగ్యం? నిపుణులు ఏం చెబుతున్నారంటే..
బరువు తగ్గడానికి చాలా మంది తమ ఆహారంలో కేలరీలు తక్కువగా, ఫైబర్ అధికంగా, ప్రోటీన్ పుష్కలంగా ఉండే అనేక ఆహారాలను తీసుకుంటూ ఉంటారు. బరువు తగ్గాలనే ప్రయత్నంలో ఉన్నవారు ముఖ్యంగా చిప్స్, స్నాక్స్, బిస్కెట్లకు బదులుగా మఖానా లేదా వేయించిన శనగలు కూగా తింటారు.. అటువంటి పరిస్థితిలో, బరువు తగ్గడానికి భోజనాల మధ్య శనగలు, లేదంటే మఖానా ఏది తింటే బెటర్..ఆరోగ్య నిపుణులు ఏం చెబుతున్నారో ఇక్కడ చూద్దాం..
Updated on: Mar 05, 2026 | 2:19 PM
బరువు తగ్గాలనుకునే వారికి ఈవెనింగ్ స్నాక్ ఎంపిక చాలా ముఖ్యం. తక్కువ కాలరీలతో పాటు ప్రోటీన్, ఫైబర్ ఎక్కువగా ఉండే ఆహారం తీసుకుంటేనే ఆకలి నియంత్రణలో ఉంటుంది. ఇటీవలి కాలంలో ఫూల్ మఖానా మరియు వేయించిన శనగలు హెల్తీ స్నాక్లుగా మంచి ఆదరణ పొందుతున్నాయి. అయితే ఈ రెండింటిలో బరువు తగ్గించడంలో నిజంగా ఏది ఎక్కువ ప్రయోజనం ఇస్తుందో తప్పక తెలుసుకోవాల్సిందే..
సుమారు 30 గ్రాముల మఖానాలో కేవలం 90 నుండి 110 కాలరీలు మాత్రమే ఉంటాయి. అదే పరిమాణంలో ఉండే వేయించిన శనగల్లో 110 నుండి 130 కాలరీలు ఉంటాయి. కాలరీల పరంగా చూస్తే మఖానా కాస్త లైట్ గా ఉంటుంది. బరువు తగ్గడంలో ప్రోటీన్ పాత్ర చాలా కీలకం. వేయించిన శనగల్లో ప్రోటీన్ మరియు ఫైబర్ కంటెంట్ చాలా ఎక్కువగా ఉంటుంది. ఇది కండరాల పుష్టితో పాటు వెయిట్ లాస్ కు సహాయపడుతుంది. దీనితో కంపేర్ చేస్తే మఖానాలో తక్కువ ప్రోటీన్ ఉంటుంది.
వేయించిన శనగలు తిన్న తర్వాత కడుపు నిండుగా ఉన్న అనుభూతి కలుగుతుంది. దీనివల్ల మీరు పదే పదే జంక్ ఫుడ్ తినకుండా ఉంటారు. మఖానా త్వరగా అరిగిపోవడం వల్ల మళ్లీ ఆకలి వేసే అవకాశం ఉంది. పైగా మఖానా లైట్ ఫుడ్ అనే ఫీలింగ్ లో ఎక్కువగా తినే అవకాశముంది. మీకు కడుపు బరువుగా అనిపించకూడదు అనుకుంటే మఖానా సరైన ఎంపిక. ఆఫీస్ లో పని చేస్తున్నప్పుడు లేదా ప్రయాణాల్లో ఇది లైట్ స్నాక్ గా అద్భుతంగా పనిచేస్తుంది. ఫూల్ మఖానాలో సహజంగా కొన్ని యాంటీఆక్సిడెంట్ గుణాలు కూడా ఉంటాయి.
రెండిటిలో ఏది బెస్ట్?:
నిజానికి రెండు కూడా ఆరోగ్యకరమైనవే. అయితే ఆకలిని నియంత్రించి, ఎక్కువ సేపు శక్తిని ఇచ్చే విషయంలో వేయించిన శనగలు కొంచెం ముందంజలో ఉంటాయి. బరువు తగ్గాలనుకునే వారు వీటిని ప్రాధాన్యత ఇవ్వొచ్చు. ఏది తిన్నా పరిమితి ముఖ్యం. రోజుకు 25 నుండి 30 గ్రాములు తీసుకోవడం సరిపోతుంది. అయితే వీటిని డ్రై రోస్ట్ కాకుండా నెయ్యిలో, నూనెలో వేయించి మసాలాలు వేస్తే పైన చెప్పిన క్యాలరీలో మార్పులు వస్తాయి. పైగా ఆర్యోగానికి ఎంత మంచిదో కూడా చెప్పలేము. అందుకే ఆ విషయంలో జాగ్రత్త వహించండి.
మరిన్ని లైఫ్ స్టైల్ న్యూస్ కోసం క్లిక్ చేయండి..
