సెలబ్రిటీల ఫేవరెట్‌ కారును సొంతం చేసుకున్న ప్రముఖ కొరియోగ్రాఫర్..! స్పెషాలిటీస్ ఇవే

ప్రస్తుతం సినీ తారలు ఎలక్ట్రిక్ వాహనాల వైపు మొగ్గు చూపుతున్నారు, ఈ జాబితాలో ప్రభుదేవా కూడా చేరారు. ఎంజీ సంస్థ ప్రెసిడెన్షియల్ లిమోసిన్‌గా ప్రచారం చేస్తున్న ‘MG M9’ లగ్జరీ ఎంపీవీ, కియా కార్నివాల్ కంటే పెద్దదిగా ఉంటూ ప్రీమియం అనుభూతిని అందిస్తుంది. ఒకే ఛార్జింగ్‌తో 548 కి.మీ రేంజ్ ఇచ్చే ఈ లగ్జరీ వెహికల్ గురించి, దాని ఇంటీరియర్, సాంకేతిక ఫీచర్ల గురించి తెలుసుకుందాం..

లగ్జరీకి మరో పేరు

ప్రభుదేవా ఎంచుకున్న ఈ MG M9 కాంక్రీట్ గ్రే రంగులో చాలా ఆకర్షణీయంగా ఉంది. ఎంజీ సంస్థ భారత మార్కెట్ కోసం ప్రత్యేకంగా తీసుకువచ్చిన ఈ ఎలక్ట్రిక్ ఎంపీవీ, 5,270 మి.మీ పొడవుతో చాలా విశాలంగా ఉంటుంది. దీనిలోని LED డే టైమ్ రన్నింగ్ లైట్లు, భారీ గ్రిల్, కనెక్టెడ్ టెయిల్ ల్యాంప్‌లు దీనిని రోడ్డుపై వేరుగా నిలబెడతాయి. మొదటి చూపులోనే ఇది హై-ఎండ్ లగ్జరీ వాహనం అనే ఫీలింగ్‌ను కలిగిస్తుంది.

ఇంటీరియర్..

ఈ కారు ఇంటీరియర్ అద్భుతంగా ఉంటుంది. కాగ్నాక్, బ్లాక్ కలర్ థీమ్ మరియు వుడ్ ఫినిష్ ఇన్‌సర్ట్‌లు ప్రీమియం అనుభూతినిస్తాయి. ఏడు సీట్ల ఈ ఎంపీవీలో, రెండో వరుసలో ఉన్న కెప్టెన్ సీట్లు ప్రధాన ఆకర్షణ. వీటిని టచ్ స్క్రీన్ ద్వారా కంట్రోల్ చేయవచ్చు. ఈ సీట్లలో హీటింగ్, వెంటిలేషన్, మసాజ్ ఫంక్షన్ వంటివి ఉన్నాయి. అవసరమైతే వీటిని బెడ్‌లా మార్చుకోవచ్చు. 12 స్పీకర్ల JBL సౌండ్ సిస్టమ్, లెవెల్-2 ADAS మరియు 360 డిగ్రీ కెమెరా వంటివి ప్రయాణాన్ని మరింత సుఖమయం చేస్తాయి.

పర్ఫార్మెన్స్, ధర

MG M9లో 90 kWh బ్యాటరీ ప్యాక్‌ను అమర్చారు, ఇది ఒక్కసారి ఛార్జ్ చేస్తే 548 కి.మీ వరకు ప్రయాణించే రేంజ్ అందిస్తుంది. 242 bhp శక్తిని ఉత్పత్తి చేసే ఈ కారు, లగ్జరీ సెగ్మెంట్లో ఎంతో శక్తివంతమైనది. దీని ధర రూ. 70.90 లక్షలు (ఎక్స్-షోరూమ్). ఇది కేవలం ప్రత్యేక ‘MG Select’ డీలర్‌షిప్‌ల ద్వారా మాత్రమే లభిస్తుంది.

హేమా మాలిని, శంకర్ మహాదేవన్, కేఎల్ రాహుల్ వంటి ఎంతోమంది ప్రముఖులు ఇప్పటికే ఈ కారును కొనుగోలు చేశారు. సెలబ్రిటీలందరికీ ఇష్టమైన లగ్జరీ ఎలక్ట్రిక్ కారుగా MG M9 ఇప్పుడు దూసుకుపోతోంది. మీరు కూడా విలాసవంతమైన ప్రయాణాన్ని ఇష్టపడే వారైతే, ఈ లగ్జరీ ఈవీ ఒక చక్కని ఎంపిక కావచ్చు. ప్రభుదేవా కొత్త కారు ఫోటోలు ప్రస్తుతం సోషల్ మీడియాలో బాగా వైరల్ అవుతున్నాయి.