Joint Pain Tips: శీతాకాలంలో కీళ్ల నొప్పులతో బాధపడుతున్నారా? ఈ చిట్కాలు పాటిస్తే నొప్పులు మటుమాయం

నిపుణులు మాత్రం శరీరంలో యూరిక్ యాసిడ్ లెవెల్స్ అధికంగా ఉండడం వల్లే కీళ్ల నొప్పులు అధికంగా వస్తున్నాయని పేర్కొంటున్నారు. మనం తినే ఆహారాల వల్లే శరీరంలో యూరిక్ యాసిడ్ లెవెల్స్ కూడా విపరీతంగా పెరుగుతున్నాయని చెబుతున్నారు.

Pains

TV9 Telugu Digital Desk | Edited By: Anil kumar poka|
Updated on: Jan 03, 2023 | 5:36 PM

శీతాకాలంలో అందరూ బాధపడే సమస్య కీళ్ల నొప్పులు.. ఈ నొప్పుల వల్ల మనం చురుగ్గా ఉండలేం. అలాగే శరీర రక్షణ కోసం వ్యాయామాలు చేయడం కూడా స్కిప్ చేసేస్తుంటాం. అంతలా నొప్పులు మనల్ని ఇబ్బంది పెడుతూ ఉంటాయి. అయితే నిపుణులు మాత్రం శరీరంలో యూరిక్ యాసిడ్ లెవెల్స్ అధికంగా ఉండడం వల్లే కీళ్ల నొప్పులు అధికంగా వస్తున్నాయని పేర్కొంటున్నారు. మనం తినే ఆహారాల వల్లే శరీరంలో యూరిక్ యాసిడ్ లెవెల్స్ కూడా విపరీతంగా పెరుగుతున్నాయని చెబుతున్నారు. శరీరంలో యూరిక్ యాసిడ్ స్థాయిని అదుపులో ఉంచుకోకపోతే మరిన్ని ఇబ్బందులు పడతామని హెచ్చరిస్తున్నారు. చలికాలంలో ఎక్కువ సార్లు మూత్రానికి వెళ్లినా..శరీరంలో వేగంగా అభివృద్ధి అయ్యే యూరిక్ యాసిడ్ మరింత నష్టం చేస్తుందని నిపుణుల వాదన.

శీతాకాలంలో కొన్ని రకాల ఆహారాలకు దూరంగా ఉంటే శరీరంలో యూరిక్ యాసిడ్ స్థాయిలను అదుపులో ఉంచుకోవచ్చని పోషకాహార నిపుణులు చెబుతున్నారు. సాధారణంగా శీతాకాలంలో వాతావరణ దృష్ట్యా చాలా మంది ఆహార నియమాలు పాటించకపోవడంతో యూరిక్ యాసిడ్ సమస్య తీవ్రమవుతుందని పేర్కొంటున్నారు. చలి కాలంలో వేధించే అజీర్తి సమస్యలు, ఎక్కువ పని చేయకుండా సోమరితనంగా ఉన్నా యూరిక్ యాసిడ్ సమస్యలు వేధిస్తాయి. అలాగే శీతాకాలంలో ప్రోటీన్ ఫుడ్ ఎక్కువగా తీసుకుని ఫ్యాట్ ఆహారాన్ని తీసుకోకపోవడం, అలాగే భారీ విందులు, నిద్ర లేమి వంటి సమస్యల కారణంగా యూరిక్ యాసిడ్ శరీరంలో అధికమవుతుంది. శీతాకాలంలో మామూలుగా నీరు తక్కువ తాగుతారు. ఇదే సమస్యకు మూలకారణమని నిపుణుల వాదన. అలాగే వృద్ధులు పని ఎక్కువ చేయరు..అలాగే అధికంగా మాంసం తినడం వల్ల వారిలో ఈ సమస్య మరింత అధికంగా ఉంటుంది.

ఇవి కూడా చదవండి